Éxodo 22:18 - Bible in Tzotzil de Chenalhó with Deuterocanon

¹⁸ “Li j'ac'chameletique, mu me xavaq'uic cuxiuc.

Bible in Tzotzil de Chamula

¹⁸ “Mu me q'uelbiluc xch'i xc'opoj ti j'ac'-chamele.

Éxodo 22:18 Iomraidhean Croise

Isaías 19:3

Ta jch'aybe yo'ntonic li egiptoetique; ta jsocbe li c'usi chapal yu'unique; chlic sjac'be c'usi tspasic li sloc'obal sdiosique, li j'ac'chameletic yu'unique, li jt'unuletic yu'unique, xchi'uc xch'ulelic li boch'otic chamenic xae.

Jeremías 27:10

Yu'un li stuquique puru epalc'op no'ox li c'usitic chalique; ja' no'ox sventa ac'o loc'anic batel li' ta avosilalique, ti ac'o jpucoxuc batel yu'un te ac'o chamanic oe.

Jeremías 27:9

“Mu me xavich'beic ta muc' sc'op li j'alc'opetic avu'unic, li jt'unuletic, li boch'otic oy c'usi chvaychinic, li boch'otic sna'ic c'usi chc'ot ta pasele, xchi'uc li j'ac'chameletique; mu me xach'unic me jech chayalboxuque: ‘Mu me xavac' abaic ta sc'ob li ajvalil ta Babiloniae’, me xayutoxuque.

Levítico 18:23

“Mu me xachi'in aba achi'uquic chonbolometic, yu'un chabolibtas abaic me jech chapasique. Jech ec li antsetique mu me xac' sbaic ta chi'inel yu'un chonbolometic. Li boch'o jech tspas chac le'e, bats'i chopol ta jyalel.

Levítico 19:26

“Mu me xati'ic xchi'uc xch'ich'al li c'usi chati'ique. “Mu me xachanic t'unul; mu me xanopic ti xana'ic c'usi chc'ot ta pasel le' to batele.

Levítico 19:31

“Mu me c'usi xbat ajaq'uic ta stojol li j'ic'ch'ulelaletique xchi'uc li jt'unuletique. Mu me xabolibtas abaic ta scojic. Yu'un vu'un Muc'ul Diosun avu'unic.

Levítico 20:27

“Me oy jun vinic, o me ants ti xchanoj ic'ch'ulelale xchi'uc ti chchan xa t'unule, ac'o yich' milel ta ton. Ja' ta smul stuquic ta xchamic”, uto li achi'iltaque, x'utat yu'un Dios li Moisese.

Levítico 20:6

Me oy boch'o ta xbat ta stojol li j'ic'ch'ulelaletic xchi'uc jt'unuletique, laj xa xch'ay sbaic o. Ta jcontrain li boch'o jech tspase; ta jloq'ues o ta atojolic.

Hechos 19:19

Jech noxtoc ep boch'otic xchanojic mágia laj yich'beic batel li svunal yu'unique; te la xchiq'uic ta stojol scotol cristianoetic. Lic yich'ic ta venta c'u yepal lajem staq'uinic ta sventa li vune. Ja' iloc' ech'em ta lajuneb yoxvinic ta mil (50,000) ta sep saquil taq'uin.

Gálatas 5:20

yich'el ta muc' c'usitic mu ja'uc Dios, ac'chamel, contrainvanej, liquesejc'op, ti'o'ntavanej, sbic'tal o'ntonal, tsalbail, voc'bail, sa'el c'usi lec ta ch'unel chca'itic,

Deuteronomio 27:21

‘Ac'o ac'batuc stoj li boch'o ta xchi'in sbaic xchi'uc jcot chonbolome’, ac'o xiicuc. ‘Jechuc’, ac'o xiicuc scotol li jchi'iltactique.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.

1 Samuel 28:3

C'alal ja'o jech ic'ot ta pasele, li Samuele chamen xa'ox. Scotol li israeletique ep laj yoc'taic. Te la smuquic ta Ramá, ja' li slumal bu ivoq'ue. Li Saule snutsoj xa ono'ox loq'uel ta yosilal li jt'unuletique xchi'uc li j'ic'ch'ulelaletique.

1 Samuel 28:9

Itac'ov li antse: —Li vo'ote xana' lec c'usi la spasbuncutic li Saule. La snuts loq'uel scotol li jt'unuletic xchi'uc li j'ic'ch'ulelaletique. ¿C'u yu'un ti tal avac'bun jvocol yu'un jech xu' chimilat oe? —xut.