Éxodo 21:26 - Bible in Tzotzil de Chenalhó with Deuterocanon

²⁶ “Li boch'o ta smajbe sat smozo, o me squiarae, me soquem icom o sat yu'une, ac'o scolta loq'uel ta jech no'ox ta scoj ti la soquesbe sate.

Bible in Tzotzil de Chamula

²⁶ “Mi oy buch'u ta sc'av ta majel ti smosove, mi vinic, mi ants, ti toj tubel ti sat c'ot yu'une, ac'o scolta loq'uel ta mosovil, yu'un ja' xa tey toj o yil ti jech tub ti sate.

Éxodo 21:26 Iomraidhean Croise

Nehemías 5:5

Jech laj yalic noxtoc: “Li yantic jchi'iltactique jun jts'unubal jchi'uctic, ja' yu'un muc yanticuc o li col jnich'ontic jchi'uctique. Pero li vu'uncutique persa chcac'becutic smozoinic li jquerem jtsebcutique. Oy xa j'o'lol jtsebcutic ti ochemic xa ta quiaraile. Mu xa c'u xcut jloq'uescutic, yu'un yan xa yajval noxtoc li cosilcutic xchi'uc jts'usubtique”, xiic.

Salmos 10:14

Aviloj atuc li sbolil yo'ntonic ti toj chopole, jech chavac'be stoj, yu'un ac'o yich' yo'ntonic. Ja' chavic' ta atojol li boch'otic mu sna' spoj sbaique, vo'ot jcoltavanejot yu'un li me'onetique.

Salmos 10:18

Chapanbo svocolic li me'onetique, xchi'uc li boch'otic uts'intabilique; lajesbo sc'oplal uts'intael chaq'uic li cristianoetic ti pasbilic no'ox ta ts'u'ilume.

Salmos 9:12

Li Diose sna'oj li boch'otic oy svocolique; mu xch'ay ta yo'nton ti ep choc'ta sbaique; chac'be stojic li boch'otic ts-uts'intavanique.

Éxodo 21:20

“Me oy boch'o tsmaj ta te' smozo, o me squiarae, me icham yu'une, ac'o yich'be spacol.

Éxodo 21:24

Li boch'o ta stu'pbe sat xchi'ile, ac'o yich' tu'pbel sat ec. Li boch'o tscolesbe stanal ye xchi'ile, ac'o yich' colesbel stanal ye ec. Me ta sc'ob chac'be xchi'ile, ac'o yich' ac'bel ta sc'ob ec. Me ta yacan chac'be xchi'ile, ac'o yich' ac'bel ta yacan ec.

Éxodo 21:25

Li boch'o ta xchic'vane, ac'o yich' chiq'uel ec. Li boch'o ta syayijesvane, ac'o yich' yayijesel ec. Li boch'o ta smaj xchi'ile, ac'o yich' majel ec.

Éxodo 21:27

Li boch'o tscolesbe stanal ye smozo, o me squiarae, ac'o scolta batel ta jech no'ox ta scoj ti la scolesbe stanal yee.

Efesios 6:9

Vo'oxuc li yajvaloxuque, ja' no'ox me jech lec xapasic ta stojol ec li amozoique. Mu me puru sibtaseluc xavac'beic. Na'ic me ti te oy Avajval achi'uquic ta vinajele, xchi'uc ti mu'yuc tst'uj boch'o chc'uxubin li Diose.

Deuteronomio 16:19

Mu me xasoquesic li tuq'uil chapanele. Mu me xat'ujic li boch'o chacoltaique. Mu me xach'amic taq'uin ti c'alal chachapanvanique. Yu'un li taq'uine tspas ta ma'sat yu'un li boch'otic bijique, xchi'uc chlic socbe sc'op li boch'otic tuc' yo'ntonique.

Colosenses 4:1

Vo'oxuc li yajvaloxuque ja' me xapasic c'usi lec, c'usi tuc' ta stojol li amozoique. Na'ic me ti oy Avajvalic te ta vinajel ec li vo'oxuque.