Éxodo 21:2 - Bible in Tzotzil de Chenalhó with Deuterocanon

² “Me oy chaman amozoic ti achi'ilic no'ox ta israelale, vaquib no'ox jabil xu' ch-abtej avu'unic. Ta svucubal jabile xu' xa chacoltaic batel, pero me jutuc mu me c'usi stoj comel ti c'alal chacoltaic batele.

Bible in Tzotzil de Chamula

² “Mi ta xaman jun amosov ti ja' hebreoe, vaquib (6) no'ox jabil sjalil ta x'abtej. Ta yucubal (7) jabil une, ta xcol loq'uel ta mosovil, mi ja'uc xa juteb ta stoj ti ta xcol ta xloc' batele.

Éxodo 21:2 Iomraidhean Croise

Génesis 27:28

Ac'o yac'bot tal vo' ta vinajel li Diose. Ac'o lec batuc li c'usitic chats'un li' ta banamile. Ac'o epajuc atrigo xchi'uc ats'usub.

Génesis 27:36

—Ja' smelol cha'e ti jech laj avac'beic sbiine. Yu'un xchibal xa velta jech la slo'laun. Ba'yuc la spojbun li c'usi sc'oplal chquich' vu'un li ba nich'onilune. Li' ta orae laj xa spojbun noxtoc li bendición ti sc'oplal chquich'e. ¿Me mu'yuc xa bendición te anac'oj ti xu' chavac'bune? —xi li Esaue.

2 Reyes 4:1

Oy jun me'on ants, ja' yajnil jun j'alc'op, bat sc'an coltael ta stojol li Eliseoe jech laj yalbe: —Li jmalale chamen xa. Xana' ti lec ono'ox yich'oj ta muc' li Muc'ul Diose. Li' ta orae talem li boch'o jq'uexojbecutic staq'uine, yu'un tsc'an chic' batel ta smozo li chib jquereme —xut.

Nehemías 5:8

Jech laj calbeic: “C'alal chonbilic batel ta yantic lum li jchi'iltactique, li vu'uncutique laj cac'cutic persa la jcoltacutic loq'uel tal. Pero li vo'oxuque chacha'chonic yan velta, yu'un jech vu'uncutic ta jpojcutic loq'uel yan velta”, xcutic. Solel muc xa xtac'ov ic'otic.

Éxodo 12:44

Yan li mozoil ti manbil ta taq'uine xu' tsti' ti me yich'oj xa circuncisione.

Éxodo 21:3

Me stuc no'ox i'och ta amozoique, stuc no'ox ac'o batuc. Yan me xchi'uc yajnile, ac'o batuc xchi'uc yajnil.

Éxodo 21:7

“Me oy boch'o ta xchon ta quiarail stsebe, mu'yuc ta xcol loq'uel jech chac c'u cha'al li viniquetic ti ochemic ta mozoile.

Éxodo 22:3

Yan me ta c'ac'altic jech chc'ot ta pasele, li boch'o chmilvane, oy smul chc'ot. “Li boch'o ch-elc'aje, ac'o stoj ti c'u yepal stojol c'usi laj yelc'ane. Yan me mu'yuc stojol yu'une, ja' ac'o yich' chonel stuc, jech ta xtoj o li c'usi laj yelc'ane.

Levítico 25:54

“Me mu'yuc boch'o sutes o li taq'uin c'u yepal laj yich' tojele, xu' ja' to colem chcom xchi'uc xnich'nab c'alal me la sta li Sjabilal Colem Chcom Scotole.

San Mateo 18:25

Ta sventa ti mu xa xtoj yu'un li yile, ja' yu'un li ajvalile laj yal mantal ti ac'o yich' chonel xchi'uc yajnil xnich'nab, xchi'uc scotol li c'usitic oy yu'une, yu'un jech xu' chtoj o li yile.

1 Corintios 6:20

Yu'un toyol atojol la stojoxuc li Diose, ja' yu'un tsc'an chavich'ic ta muc' Dios xchi'uc li abec'talique.

Deuteronomio 15:1

“Ta vucvuc jabil xu' chach'ay ta avo'ntonic li boch'otic oy yil avu'unique.

Deuteronomio 15:18

Mu me chopoluc xava'ay ti chaloq'ues batel li amozoique, yu'un vaquib xa jabil i'abtej avu'unic, xjelov xa jech yepal tojem yu'un ti c'u yepal chatoj jun j'abtel avu'une. Jech chayac'boxuc bendición Muc'ul Dios cu'untic ta sventa scotol li c'usitic chapasique.

Deuteronomio 31:10

Laj yalbe noxtoc li c'usitic tsc'an ac'o spasique, jech laj yalbe: “Ta vucvuc jabil c'alal ja' sjabilal chich' ch'aybel yilic li j'iluviletique, ti c'alal ja'o chapasic q'uin Yaxnaetique,,