Éxodo 21:13 - Bible in Tzotzil de Chenalhó with Deuterocanon

¹³ Pero me mu'yuc snopoj tsmil li xchi'ile, me yu'un xa jech la jc'an te chcham oe, vu'un chacalboxuc ava'yic bu xu' chbat snac' sba li boch'o imilvane.

Bible in Tzotzil de Chamula

¹³ Yan ti buch'u mu yolobajuc laj spase, yu'un xa jech c'ot o yorail ti buch'u chame, ts'acal to un, vu'un ta xcac'be sna' ti bu xu' chba snac' sbae.

Éxodo 21:13 Iomraidhean Croise

2 Samuel 16:10

Pero li ajvalile jech laj yal: —Yalabtac Sarvia, li c'op le'e muc vo'ocoxuc ta aventaic. Me jech chchopolc'opoj ta jtojole, yu'un van jech la sc'an li Muc'ul Diose. Ja' yu'un mu'yuc boch'o jech xu' chalbe: ‘¿C'u yu'un jech chapas?’, mu'yuc boch'o xu' chut —xi.

Isaías 10:7

Li ajvalil ta Asiriae mu'yuc bu jech snopoj; mu'yuc bu vulem ta sjol me oy jech ta spas. Li c'usitic oy ta yo'ntone, ja' no'ox ti tsc'an tslajes ep ta sep banamiletique.

Miqueas 7:2

Me junuc mu'yuc xa boch'o jun yo'nton ta stojol Dios li' ta banamil; mu'yuc xa boch'o tuc' yo'nton yu'unic li cristianoetique. Ja' xa no'ox oy ta yo'ntonic milbail; Ja' xa no'ox tsnopic c'u x'elan ch-och ta pets' yu'unic li xchi'iltaquique.

Números 35:6

“Ta lumetic yo' bu chavac'beic levietique, tsc'an te chacomtsanic noxtoc vaquib lum sventa xu' te chbat snac' sba ta anil me oy boch'o la smil xchi'ile. Slecoj tsc'an chavac'beic yan chib yoxvinic (42) lumetic noxtoc.

Deuteronomio 19:14

“Mu me xajelbe aba sts'aquil avosilic jujunoxuc te ta banamil ti bu chayac'boxuc li Muc'ul Dios cu'untique. Ich'ic me ta muc' li sts'aquil yosil achi'ilic ti yac'ojic comel li amoltotic ta vo'onee.

Josué 20:1

Li Muc'ul Diose la sc'opan li Josuee, jech laj yalbe:

1 Samuel 24:10

Q'uelavil ta asat atuc ti laj xa yac'ot ta jc'ob li' ta nailch'en li Muc'ul Diose. Laj yalbicun jvinictac ti ac'o jmilote, pero muc jpas jech, yu'un jech la jnop: “Ja' lec mu xcac' jc'ob ta stojol li cajvale, yu'un ja' t'ujbil yu'un Muc'ul Dios ti ochem ta ajvalilale”, xichi.

1 Samuel 24:18

Laj xa avac' ta ilel ti lec c'usi laj apasbune. Ac'o me laj yac'un ta ac'ob li Muc'ul Diose, pero muc xamilun.

1 Samuel 24:4

Jech i'albat yu'un svinictac li Davide: —Tana li'i ic'ot xa ta pasel ti yalojbot ono'ox Muc'ul Dios chayac'bot ta ac'ob li avajcontrae; xu' xa chapasbe li c'usi chac'ane —xutic. Li Davide itots batel; c'unc'un ibat xtuch'be juteb yoc snatilc'u' li Saule.