Éxodo 21:1 - Bible in Tzotzil de Chenalhó with Deuterocanon

¹ “Li'i ja' mantaletic ti tsc'an chavalbe ya'yic li achi'iltaque:

Bible in Tzotzil de Chamula

¹ “Li'e, ja' ti oy c'usitic tsots sc'oplal albil ti ta xavac' ta na'el ti xi s'elane:

Éxodo 21:1 Iomraidhean Croise

1 Reyes 6:12

“Ta sventa ti abats'il xa spasel li ch'ulnae, jech chacalbot: Me ja' chach'un li chanubtaseletic cu'un xchi'uc li c'usitic yan caloje, me ja' chapasilan o batel li mantaletic cu'une, ta xcac' c'otuc ta pasel c'usi laj calbe ta aventa li Davide, ja' li atote.

2 Crónicas 19:10

C'usiuc no'ox c'opal chtal yac'boxuc achapanic li jchi'iltactic li' ta lumetique, me milbail, me ta sventa mantaletic, o me ta sventa chanubtaseletic, taq'uiic lec, yu'un jech mu sta smulic ta stojol li Muc'ul Diose, jech mu x'ilin ta jtojoltic, xchi'uc ta stojol li jchi'iltactique. Me jech chapasique, mu'yuc amulic.

Nehemías 10:29

jmoj la xchapanic xchi'uc yuts' yalalic, xchi'uc banquilaletic yu'unic ti ja' no'ox tspasic c'usi chal li mantaletic laj yal Dios ta sventa yajtunele, ja' li Moisese. Laj yalic ta jamal ta stojol Dios ti ja' no'ox chch'unic o li mantaletic, li chanubtaseletic xchi'uc li c'usitic yan yaloj Muc'ul Dios cu'untique.

Salmos 147:19

Laj yal lec sc'op smantal ta stojol li Jacobe; laj yac' lec chanubtaseletic ta stojol li Israele.

Éxodo 19:7

Ja' yu'un li Moisese lic yic'an li banquilaletic yu'un israeletique. Laj yalbe ya'yic scotol li c'usitic i'albat yu'un Muc'ul Diose.

Ezequiel 20:11

Te laj cac'beic li mantaletic xchi'uc li chanubtaseletic cu'une, yu'un jech xu' chcuxiic li boch'o ta xch'unique.

Ezequiel 20:25

Ja' yu'un vu'un laj cac'be xch'unic mantaletic ti mu'yuc lequique; laj cac'be xch'unic chanubtaseletic ti mu sta o xcuxlejalic yu'une.

Levítico 18:26

Pero vo'oxuc li israeloxuque xchi'uc li yanlum ti te co'ol nacaloxuc achi'uquique, ja' me pasilanic batel li mantaletic, li chanubtaseletic cu'une; mu me xapasic li c'usitic toj chopol jech chac c'u cha'al tspasique.

Levítico 18:5

“Pasilanic me batel scotol c'ac'al li mantaletic li chanubtaseletic cu'une. Li boch'o ta xch'un yu'une ta xcuxi ta sventa li mantaletique. Jech chcal vu'un li Muc'ul Diosun avu'unique.

Levítico 19:37

“Ch'unic me, pasic me li mantaletic, li chanubtaseletic cu'un, vu'un li Muc'ul Diosune”, xi li Muc'ul Diose.

Levítico 20:22

“Pasilanic me li mantaletic, li chanubtaseletic cu'une; ch'unic me scotol yu'un jech mu xasnutsoxuc loq'uel li banamil bu chbat cac' naclanique.

Malaquías 4:4

“Vuleso me ta ajolic c'u x'elan li jmantal laj cac'be te ta vits Horeb, li cajtunel Moisese. Laj cac' lec mantal xchi'uc chanubtasel ta sventa scotol li israeletique.

Números 35:24

ac'o yich' chapanel yu'un achi'iltaquic c'u yu'un ti la smile, xchi'uc ac'o xchapanic noxtoc c'usi tspas li yuts' yalal ti tsc'an tspac sutele. Jech ac'o spasic jech chac c'u cha'al chal li mantaletic li'i:

Números 36:13

Ja' jech x'elan li mantaletic li chanubtasel laj yal Muc'ul Dios ta stojol israeletique. Ja'o laj yalbe Moisés ti c'alal te oyic ta stenlejaltic Moab ta nopol uc'um Jordán ta stuq'uil Jericoe.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

Deuteronomio 15:12

“Me oy junuc achi'ilic ta hebreoal, me vinic o me ants, ti chchon sba ta mozoil ta atojolique, xu' chavaq'uic abtejuc vaquibuc jabil. Ta svucubal jabil xu' xa chacoltaic.

Deuteronomio 4:14

Vu'un laj yalbun ti ac'o jchanubtasoxuc ta mantaletique xchi'uc li c'usitic yan lec ta pasele, yu'un jech ac'o apasic ti c'alal te xa oyoxuc ta avosilic yo' bu chavich'ique.

Deuteronomio 4:45

xchi'uc scotol li mantaletique xchi'uc li c'usitic yan ti laj ono'ox yalbe c'alal iloq'uic tal ta Egiptoe.

Deuteronomio 4:5

Li vu'une laj calboxuc ava'yic scotol li mantaletique xchi'uc li c'usitic yan laj yalbun li Muc'ul Dios cu'une, yu'un jech ac'o apasilanic ti c'alal te xa'ox oyoxuc ta avosilic ti bu chavich'ique.

Deuteronomio 4:8

Xchi'uc mu'yuc yan muc'tic lum oy tuq'uil mantaletic yu'unic xchi'uc c'usitic yan lec ta pasel jech chac c'u cha'al chcac'boxuc achanic li' ta orae.

Deuteronomio 5:1

Li Moisese lic stsob scotol li israeletique, jech laj yalbe: “Jchi'iltac israeletic, a'yo me ava'yic li mantaletique xchi'uc li c'usitic chacalboxuc li' ta orae. Chanic me lec. Pasilanic me scotol ora.

Deuteronomio 5:31

Pero li vo'ote coman li'i, yu'un chacalbot scotol li mantaletique xchi'uc li c'usi chapanbil cu'une. Yu'un vo'ot chavalbe ya'yic ti jech ac'o spasic scotol c'ac'al te ta avosilic bu chacac'boxuque’, xiyutun.

Deuteronomio 6:1

“Li'i ja' li mantaletic yu'un Muc'ul Diose xchi'uc li c'usitic yan yalojbun ti ta xcalboxuc ava'yique, yu'un ac'o apasic scotol c'ac'al te ta avosilalic ti bu chayac'boxuque.

Deuteronomio 6:20

“C'alal me oy chc'ot sc'ac'alil jech ta sjac'boxuc li anich'nabique: ‘¿C'usi sventa ti tsc'an ta jch'untic li mantaletic xchi'uc li c'usitic yan yaloj Muc'ul Dios cu'untique?’, me xiique,

1 Tesalonicenses 4:1

Quermanotac, oy to c'usi chacalboxuc tal. Ta jc'anboxuc vocol ta atojolic, ta jtaq'uioxuc ta sventa li Cajvaltic Jesuse, jech me xapasic o batel jech chac c'u cha'al laj achanic ta jventacutique, yu'un ja' no'ox jech tsc'an chapasic o, jech lec chil li Diose. Ech'em to jech tsc'an chapasic batel.