Éxodo 20:7 - Bible in Tzotzil de Chenalhó with Deuterocanon

⁷ “Mu me xavixtanbicun jbi, vu'un li Muc'ul Diosun avu'unique. Yu'un li boch'o chiyixtanbun jbie ta me xcac'be stoj smul.

Bible in Tzotzil de Chamula

⁷ “Va'i un, mu xaloq'uesic sbi ta jeche' no'ox ti Ajvalil ti ja' Dios avu'unique, yu'un ti stuque ta stsits ya'i. Mu teyuc no'ox sq'ueloj ti buch'u ta sbiiltasat ta jeche' no'oxe.

Éxodo 20:7 Iomraidhean Croise

Génesis 27:20

Jech la sjac' li Isaaque: —¿C'uxi laj avut laj ata tal ta anil li ve'lile, jnich'on? —xi. —Ja' la scoltaun ta sa'el li Muc'ul Diose ja' li Dios avu'une —xi li Jacobe.

1 Reyes 2:9

Mu me teuc no'ox xats'icbe li smule. Yu'un li vo'ote oy lec abijil; xana' c'usi chapasbe. Ac'o maluc xch'ich'al ti c'alal mu'yuc to chmalube”, xi li Davide.

2 Reyes 5:20

li Giezi, smozo j'alc'op Eliseoe, jech la snop: “Li cajvale mu'yuc laj yich' comel jutuc c'usitic ich'bil tal yu'un li Naamán, siria vinique. Chcal ta sventa Muc'ul Dios ti chbat jnuts ta anile; jq'ueltiquic c'usi jchopucal ta xquich'be tal”, xi la snop.

Salmos 139:20

Yu'un ep ta xchopolc'opojic ta atojol; altic no'ox ta xixtanic ta alel abi li avajcontrataque.

Proverbios 30:9

Yu'un me ep c'usi oy cu'une xu' chlic ch'ayan ta co'nton, xu' chlic cal ti mu xacotquinote; jech noxtoc, me me'onune xu' chlic elc'ajcun, jech chopol chbat ac'oplal cu'un, vo'ot li Diosot cu'une.

Jeremías 34:16

Pero ts'acal laj asutes ac'opic noxtoc; laj asoquesbeic sc'oplal li jbie, yu'un lasut ta ava'lupatic, lic aviq'uic ta amozoic ta aquiaraic yan velta noxtoc li achi'ilic ti slequil avo'nton laj acoltaic batele.

Jeremías 4:2

xu' chaval ta jamal ta sventa jbi. Tsc'an melel, lec cuxul avo'nton, lec oy stuq'uil li c'usi chavale. Vu'un ta jventa tstaic bendición li muc'tic lumetique, xchi'uc vu'un ta jventa ta xmuq'uib lec sc'oplalic”, xi li Muc'ul Diose.

Ezequiel 39:7

Chcac' ta ilel smuc'ul jch'ulbi te ta stojol li jteclumal israeletique. Mu'yuc xa bu chcac' o ta soquesbel sc'oplal li jch'ulbie, jech tsna'ic o scotol yantic banamil ti vu'un Muc'ul Diosune, ti vu'un Ch'ul Diosun yu'un li Israele.

Levítico 19:12

“Mu me xat'abic jbi ta sventa li c'usi chavalique, yu'un xu' jech chasoquesbicun o jc'oplal, vu'un li Muc'ul Diosune.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

2 Corintios 1:23

Ti jech muc x'ech' jq'ueloxuc tale, ja' sventa alequilalic. Ja' testigo cu'un li Diose; ja' yilojbun co'nton ti ta melel jech xcale.

Deuteronomio 10:20

“Ich'ic me ta muc' li Muc'ul Diose cu'untique. Ja' no'ox me xaquejan abaic ta stojol. Junuc me avo'ntonic ta stojol. C'alal me oy c'usi chac'an chavalic ti chava'anic testigoe, ja' me xava'anic ta testigo stuc li Muc'ul Diose.

Deuteronomio 5:11

‘Mu me xavixtanbicun jbi, vu'un li Muc'ul Diosun avu'unique. Li boch'o chiyixtanbun jbie ta xcac'be stoj.

Deuteronomio 6:13

Ja' no'ox xavich'ic ta muc' stuc li Muc'ul Dios cu'untique. Ja' no'ox xaquejan abaic ta stojol. C'alal me oy c'usi chavalic ti chava'anic testigoe, ja' me xavalbeic sbi li Diose.

Santiago 5:12

Quermanotac, li c'usi tsots sc'oplal chacalboxuque, mu me xava'an ta testigo avu'unic li vinajel xchi'uc banamile, xchi'uc mu me c'usi yan xava'anic ta testigo. Me oy c'usi chavalique, “Xu'”, me xachiique, ac'o xu'uc o. “Mu xu'”, me xachiique, ac'o jechuc o; yu'un jech mu xata amulic ta stojol li Diose.

Josué 2:12

Jech ta jc'anboxuc vocol ta atojolic ti ac'o avalbun ca'ay ta stojol Muc'ul Dios ti ac'o ac'uxubinuncutic xchi'uc jtot jme', xchi'uc li boch'otic te oyic ta sna li jtot jme'e jech chac c'u cha'al la jc'uxubinoxuque. Ta jc'an ac'o avac'bun quil senyail ti ta melel chac'uxubinuncutique,

Josué 2:17

Jech itac'ovic: —Li vu'uncutique ta jpascutic li c'usi laj calcutic ta stojol Dios ti laj ac'anbuncutique.

Josué 9:20

Te cuxul ac'o comicuc. Yu'un me ta jsoquestic li c'usi calojtic ta jamal ta stojol Diose, ta x'ilin ta jtojoltic li Diose —xiic.