Éxodo 20:6 - Bible in Tzotzil de Chenalhó with Deuterocanon

⁶ Pero li boch'o chiyich'un ta muq'ue, me chch'unbun jmantale, ep c'ux ta co'nton, ac'o me c'alal to jmil (1,000) ta c'ol smomnich'nabic.

Bible in Tzotzil de Chamula

⁶ Ja' no'ox un, mu'yuc spajeb ta jc'uxubinan ti buch'utic c'ux ta xiya'iique, ti ta xc'ot ta pasel yu'unic ti jmantaltaque.

Éxodo 20:6 Iomraidhean Croise

Nehemías 1:5

Jech laj calbe: “Muc'ul Dios te oyot ta vinajel, vo'ot ti ech'em amuc'ul atsatsale, ti xi'bilote, ti mu xch'ay ta avo'nton li c'usi achapanoje, xchi'uc ti c'ux ta avo'nton li boch'o chayich'ot ta muc', ta xch'unic amantaltaque,

Salmos 103:17

Pero li c'uxubinel yu'un Muc'ul Diose sbatel osil mu'yuc spajebal o ta stojol li boch'otic chich'ic ta muq'ue. Li slequil stuq'uil yo'ntone te chcom o ta jayc'oluc alab nich'nabetic

Éxodo 34:7

C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Proverbios 3:1

Jnich'on, mu me xch'ay ta avo'nton li chanubtasel cu'une; chabio me ta avo'nton li jmantaltaque,

Jeremías 32:18

Jech noxtoc toj c'ux ta avo'nton ep ta mil cristianoetic, xchi'uc chavac'be svocol alab nich'nabetic ta scoj smul stot sme'ic noxtoc. ¡Vo'ot muc'ul Diosot, toj ech'em avu'el atsatsal! Ja' Muc'ul Dios, ja' tspas ta mantal scotol te ta vinajel, xi li abie.

Daniel 9:4

La jc'opan li Muc'ul Diose, ja' li Dios cu'une. Laj calbe ta jamal li jmulcutique, jech laj calbe: ‘Cajval, Muc'ul Dios, vo'ot ti atalel ich'bilot ta muq'ue, ti c'ux ta avo'nton, ti chavac' c'otuc ta pasel ta stojol c'usi achapanoj li boch'otic chasc'anot, xchi'uc ti ta xch'unic amantaltaque,

Números 14:18

ti muc ta aniluc cha'iline, ti toj ep slequil avo'ntone, ti chach'aybe ta avo'nton smulic li jpasmuliletique xchi'uc li boch'otic tstoy sbaic ta atojole. Ta jna' noxtoc ti ma'uc yu'un mu'yuc chavac'be o stoj smulic li boch'otic tsa' smulique. Ta ono'ox xavac'be stoj smulic, xchi'uc chavac'be xcuch c'alal to ta yoxc'olal xchanc'olal yalab xnich'nabic.

San Juan 14:15

“Me ac'anojicune, chach'unbicun scotol li jmantaltaque.

San Juan 14:21

Li boch'o te oy ta yo'nton li jmantaltaque, me ta xch'une, le'e ja' li boch'o sc'anojicune. Li boch'o sc'anojicune ta xc'anatic yu'un ec li Jtote. Jech jc'anojic ec; ta xcac' jba ta ilel ta stojolic —xi li Jesuse.

Hechos 2:39

Yu'un ja' ta aventaic ec li c'usi albil ono'ox sc'oplal chtale, xchi'uc ja' ta sventa anich'nabic, xchi'uc ja' sventa li boch'otic nom to oyic ti jayib ch-ic'atic yu'un Diose —xi li Pedroe.

Deuteronomio 4:37

Ja' la xc'uxubin li amoltot ayame'ic ta vo'onee. Ja' la st'ujbe noxtoc li smomnich'nabtaquique. Ta svu'el la scolta loq'uel tal ta mozoil te ta Egipto banamil.

Deuteronomio 5:29

Toj lec ti jechuc yo'ntonic o scotol c'ac'ale, xchi'uc ti jechuc chiyich'icun o ta muq'ue, xchi'uc ti spasicuc o scotol ora c'usi chal li mantaletic cu'une. Yu'un jech xcuxet no'ox yo'nton chcuxiic xchi'uc yalab xnich'nabic ti jechuque.

Deuteronomio 7:9

Ja' yu'un na'ic me ti ja' mero Dios stuc li Muc'ul Dios cu'untique. Jayc'oluc cristianoetic chjelov, me tsc'anic li Diose, me chch'unbeic smantaltaque; li Muc'ul Diose mu sjel yo'nton o. Persa chac' c'otuc ta pasel ta stojolic li c'usi xchapanoj ono'oxe.

Santiago 1:12

Xcuxet no'ox yo'nton li boch'o ta xcuch yu'un li preva chtal ta stojole, yu'un me lec iloc' yu'une, ta xich' scorona sventa chcuxi; yu'un yaloj ono'ox Dios ta xac'be li boch'o sc'anojic Diose.

1 Juan 4:19

Li vu'utique jc'anojtic xa li Diose, yu'un ba'yuc la sc'anutic.

1 Juan 5:3

Me jc'anojtic o li Diose, ta jch'unbetic li smantaltaque. Mu'yuc tsots ta ch'unbel chca'itic li smantaltaque.

2 Juan 1:6

Me ta jc'an jbatique, ja' ta jch'unbetic o smantal li Diose. Ja' jech li mantal ca'yojtic tal ta sliquebale, ja' ti ac'o jc'anan jbatique.