Éxodo 20:5 - Bible in Tzotzil de Chenalhó with Deuterocanon

⁵ Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Bible in Tzotzil de Chamula

⁵ Mu xanijan xachiman aba ta stojolic. Mi ja'uc xamuyubta ta yich'el ta muc', yu'un vu'un ti Ajvalil Diosun avu'unique. Yu'un ti jech Diosune, mu lecuc ta xca'i ti buch'u ta spec'tsanbun jc'oplal ta yich'el ta muc' ti yane. Ta jtsitsic ya'i ta scoj smulic ti totil me'iletic ti xti'et xcapet sjolic ta jtojole, ti ta staic ta maquiel ti yalab xnich'nabique, ti smomique, ti syialmomique.

Éxodo 20:5 Iomraidhean Croise

2 Samuel 21:1

C'alal ochem ta ajvalilal li Davide, ital tsots vi'nal oxib jabil. Li Davide lic sjac' ta stojol li Muc'ul Diose, jech itac'bat: “Li vi'nale ja' ital ta scoj li Saúl xchi'uc xnich'nabtaque, yu'un ja' la smilic li gabaonetique”, x'utat.

2 Samuel 21:6

ta jc'an chiyac'bun ta jc'obcutic vucubuc squeremetic yu'un ta joc'ancutic ta te' ta stojol Muc'ul Dios te ta lum Gabaa yu'un li Saúl ti t'ujbil yu'un Muc'ul Diose —xiic. Li ajvalile la xch'un, jech laj yac'an ta c'abal.

1 Reyes 19:10

Jech itac'ov: “Toj nabal co'nton ta atojol Muc'ul Dios, vo'ot ti ech'em atsatsale. Yu'un li jchi'iltac ta israelale laj xa soquesic li c'usi chapanbil avu'une; laj xa sjinesic li scajleb amotone, xchi'uc laj xa smilic ta espada scotol li avaj'alc'optaque. Jtuc xa no'ox cuxulun, pero ta st'unicun yu'un tsc'an chismilicun ec”, xut.

1 Reyes 21:29

“¿Me laj avil ti toj biq'uit chac' sba ta jtojol li Acabe? Ta sventa ti biq'uit chac' sba ta jtojole, jech mu'yuc ta xcac' taluc vocol ta stojol yalab xnich'nab ti c'alal cuxul toe. Ja' to ta xc'ot ta stojol li xnich'one”, x'utat li Eliase.

2 Reyes 17:35

Yu'un oy ono'ox c'usi la xchapan xchi'uc li smomnich'nab Jacobe, jech laj yalbe: “Mu me xavich'ic ta muc' yan diosetic; mu me xaquejan abaic ta stojol. Mu me xatunic yu'un; mu me xamilbeic smoton.

2 Reyes 17:41

C'alal chich'ic ta muc' li Muc'ul Diose, te chich'ic ta muc' noxtoc li sloc'obal diosetic yu'unique. Li xnich'nabic, xchi'uc smomnich'nabique ja' jech la spasic ec jech chac c'u cha'al la spasic li smoltotique. Ja' jech tspasic o c'alal to tana.

2 Reyes 23:26

C'alal jech ic'ot ta pasele, mu'yuc xlecub o yo'nton Muc'ul Dios ta stojol li Judae, yu'un tsots ilinem o ta scoj ti toj chopol c'usi la spas li Manasese.

2 Reyes 5:18

C'alal me chbat yich' ta muc' Rimón ta ch'ulna li ajvalil cu'une, c'alal ta jnit batele, persa te ta jquejan jba o ta ch'ulna ec. Me jech ic'ot ta pasele, ac'o spasbun perdón li Muc'ul Diose —xi.

2 Reyes 5:27

Ja' yu'un li sc'a'el chamel Naamane, vo'ot chacuch o comel achi'uc anich'nab, amomnich'nabtac —x'utat. C'alal iloc' batel ta stojol yajval li Giezie, tsacbil xa ta c'a'el chamel, saclo'an xa sbec'tal jech chac c'u cha'al tayo.

2 Crónicas 25:14

C'alal isut tal ta stsalel edometic li Amasiase, laj yich' tal ep sloc'obal sdiosic li seiretique, vul scuy ta diosetic yu'un; laj yich' ta muc', la xchic'be pom.

2 Crónicas 7:19

Pero me vo'oxuc chlic acomtsanicune, me mu xach'unbicun li jmantaltac calojboxuque, me ja' chlic tunanic yu'un li yantic diosetique, me ja' chlic ac'anbeic vocol ta stojole,

Job 21:19

Li vo'oxuque chavalic ti ja' tstojbe smul stot sme'ic li alab nich'nabetique, pero tsc'an ja' tstoj smul stuc li boch'o chopolique, yu'un jech ac'o yotquin.

Job 5:4

Li xnich'nabe mu'yuc xc'uxubinelic me jutuc; pech'bil ta teq'uel icomic c'alal laj yich'ic chapanel, me jutuc mu'yuc spojelic.

Salmos 109:14

Ac'o t'abuc ta yo'nton Muc'ul Dios c'usi chopol spasoj li stote, xchi'uc mu me teuc no'ox xch'ay smul li sme'e.

Salmos 78:58

Laj yaq'uic ilinuc Dios ta scoj li c'opojebaletic yu'unic ta vitsetique; laj yaq'uic it'ixajuc yo'nton ta scoj ti laj yich'ic ta muc' sloc'obal yan diosetique.

Salmos 79:8

Mu me ja'uc xavac'bun jcuchcutic li smul jmoltot jyame'cutic ta vo'onee; ac'o taluc ta ora ta jtojolcutic li c'uxubinel avu'une, yu'un solel tsalbiluncutic xa o.

Salmos 81:15

Li boch'otic chopol chilic Muc'ul Diose ta xyalic ta lum ta scoj xi'el; sbatel osil chbat stoj smulic o.

Éxodo 23:24

Mu me xachanic c'usitic chopol tspasic li yantic lum le'e. Mu me xavich'beic ta muc' li diosetic yu'unique; mu me xaquejan abaic ta stojol. Lilinic scotol li tonetic scuyoj ta sdiosique.

Éxodo 34:14

“Mu me xavich'ic ta muc' yan dios, yu'un ta me x'it'ixaj co'nton vu'un li Muc'ul Diosune. Yu'un li jbie ja' Dios j'it'ixajel.

Proverbios 8:36

Yan li boch'o tsa' smul ta jtojole ta sa' svocol stuc; li boch'o chisbajune yu'un xa ja' tsc'an o li lajele”, xi.

Isaías 44:15

Te chloc' si'il sc'oc' noxtoc, xchi'uc te chloc' sloc'obal sdios noxtoc. Tstsobbe lec scamul sventa chc'atin, xchi'uc sventa chta'aj o pan sve'. C'alal tsmeltsaj yu'un li sloc'obal sdiose, chlic squejan sba ta stojol, chlic yich' ta muc'.

Isaías 44:19

Mu'yuc bu tsnop jutuc. Mu'yuc bu chvul ta yo'nton ti la stunes j'o'lol ta sventa si'e. Mu'yuc bu tsnop ta yo'nton jech chac li'i: “Li te' li'i j'o'lol la jtunes ta sventa si'; lec ita'aj o pan jve', lec la jvo o ti'bol jti'. ¿Me smelol ti la jpas jun li c'usi mu'yuc stu ta j'ech'ele? ¿Me smelol ti ta jquejan jba ta stojol li jbos te'e?”, mu'yuc bu xi tsnop.

Jeremías 2:9

“Ja' yu'un, vu'un jtuc ta xtal cac'boxuc ava'yic; ta xtal jtsacoxuc achi'uc anich'nabic xchi'uc amomnich'nabic, vu'un li Muc'ul Diosune.

Jeremías 32:18

Jech noxtoc toj c'ux ta avo'nton ep ta mil cristianoetic, xchi'uc chavac'be svocol alab nich'nabetic ta scoj smul stot sme'ic noxtoc. ¡Vo'ot muc'ul Diosot, toj ech'em avu'el atsatsal! Ja' Muc'ul Dios, ja' tspas ta mantal scotol te ta vinajel, xi li abie.

Ezequiel 18:19

Pero me jech chavalic li vo'oxuque: ‘¿C'u yu'un mu'yuc chcuchbe smul stot li nich'onile?’, me xachiique, yu'un li nich'onile ja' la spas li c'usi lec, li c'usi tuq'ue. Ja' la xch'un li jmantaltaque; ja' la spas li c'usitic caloje. Ja' yu'un ta jbel sc'oplal ta xcuxi.

Ezequiel 18:2

“Li achi'iltac ta israelale te chalilanic o tal li lo'il jech chac li'i: ‘C'alal tslo'ic pajal ts'usub li totiletique, ja' sijlajet stanal yeic li nich'naletique’, xiic.

Ezequiel 20:7

Jech laj calbeic: Jujunoxuc jipic comel scotol li c'usitic toj chopolic batem ta avo'ntonique; mu me xabolibtas abaic ta sloc'obal li diosetic yu'un egiptoetique, yu'un vu'un Muc'ul Diosun avu'unic, xcutic.

Ezequiel 39:25

“Ja' yu'un jech chcal vu'un li Muc'ul Diosune: Li' ta orae ta xquic' sutel li jchuqueletic yu'un Jacobe; ta xlic c'uxubajuc ta co'nton scotol li smomnich'nab Israele, yu'un tsots sc'oplal chca'ay chcac' ta ich'el ta muc' li jch'ulbie.

Ezequiel 8:3

Li c'usi xco'laj xchi'uc vinic laj quile la xach' tal sc'ob; la stsacbun ta stsotsil jol. Ta stsatsal Dios laj quich' liquel muyel c'alal ta o'lol vinajel. Li Diose ta jch'ulel laj yic'un batel ta Jerusalén. Te c'ot sva'anun ta yochebal yamaq'uil ch'ulna ta stuq'uil norte yo' bu oy li sloc'obal sdiosic ti la sa'be tsots sc'ac'al yo'nton Muc'ul Diose.

Daniel 1:2

Li Diose laj yac' ta sc'ob Nabucodonosor li Joaquime, jech la xchuc batel ta Babilonia. Jech noxtoc laj yac'be ta sc'ob ep li c'usitic chtun te ta xch'ulna Muc'ul Diose. Li Nabucodonosore te c'ot yac' scotol ta xch'ulna diosetic yu'un; te la stic' ta snail sc'ulejal li diosetic yu'une.

Daniel 3:18

Ac'o me mu xiscoltauncutic, pero ta jc'ancutic chana' lec ti mu xquich'cutic ta muc' li diosetic avu'une, jech noxtoc mu'yuc ta xquich'cutic ta muc' li muc'ta loc'om laj avac' ta pasel ta c'anal taq'uine —xutic.

Levítico 20:5

vu'un jtuc ta jcontrain xchi'uc yajnil xnich'nab li vinique. Ta jloq'ues o te ta atojolic xchi'uc scotol li boch'otic co'ol chopol c'usitic tspasic xchi'uque, ti ja' chbat yich'ic ta muc' li Moloque.

Levítico 26:1

“Mu me xapas adiosic; mu me c'usi xava'anic sventa chavich'ic ta muc'. Mu me xava'anic tonetic, ajanbil tonetic te ta avosilalic yu'un chaquejan abaic ta stojol, yu'un vu'un no'ox jtuc Muc'ul Diosun avu'unic.

Levítico 26:29

Ja' chlic ati'ic aqueremic xchi'uc atsebic.

Nahúm 1:2

Li Muc'ul Diose ja' Dios ti sna' x'it'ixaj yo'ntone, xchi'uc ja' jpac-ajvalil; ja' tspacbe sutel li boch'o chcontrainat yu'une, ta xilinta li yajcontrae.

Números 14:18

ti muc ta aniluc cha'iline, ti toj ep slequil avo'ntone, ti chach'aybe ta avo'nton smulic li jpasmuliletique xchi'uc li boch'otic tstoy sbaic ta atojole. Ta jna' noxtoc ti ma'uc yu'un mu'yuc chavac'be o stoj smulic li boch'otic tsa' smulique. Ta ono'ox xavac'be stoj smulic, xchi'uc chavac'be xcuch c'alal to ta yoxc'olal xchanc'olal yalab xnich'nabic.

Números 14:33

Li anich'nabique cha'vinic (40) jabil chcomic li' ta xocol banamil jech chac c'u cha'al jchabichijetic no'ox. Yu'un ja' ta stojboxuc ti mu junuc avo'ntonic ta jtojole, ja' to me lacham acotolic li' ta xocol banamil li vo'oxuque.

Números 25:11

—Li Fineese ja' la spas li c'usi sventa chlaj o sc'ac'al co'nton yu'une. Yu'un ja' jech yo'nton ec jech chac c'u cha'al vu'un ti toj chopol co'nton yu'un li achi'iltac ta sventa ti jech la spasique. Ja' yu'un muc j'ech'eluc te chopol icom o co'nton; muc xcules scotol li achi'iltaque.

San Mateo 4:9

Jech laj yalbe: —Scotol le'e, vo'ot chacac'bot scotol me chaquejan aba ta jtojole, me chavich'un ta muq'ue —xut.

San Juan 15:18

“Me chopol chayiloxuc li cristianoetique, na'ic me ti ba'yuc jech chopol laj yilicune.

San Juan 7:7

Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.

San Juan 9:2

Li yajchanc'optaque jech la sjac'beic li Jesuse: —Jchanubtasvanej, ¿boch'o ta smul ti jech ma'sat ivoc' li vinic li'i? ¿Me ta scoj smul stuc, o me ta scoj smul stot sme'? —xutic.

Romanos 1:30

j'ac'vanej ta q'uexlal, scontrainel Dios, stuc no'ox yac'oj sbaic, jtoybaetic, snopel c'usitic yan chopol ta pasel. Mu xch'unbeic smantal stot sme'ic;

Romanos 8:7

Yu'un li boch'o ja' no'ox chbat yo'ntonic snopel c'usitic tsc'an sbec'talique, ja' tscontrainic li Diose. Yu'un mu xch'unic li smantaltac Diose, xchi'uc mu xu' yu'unic xch'unel.

1 Corintios 10:22

¿Me lec ti chcac'tic it'ixajuc yo'nton li Cajvaltique? ¿Me yu'un vu'utic ech'em jtsatsaltic?

Deuteronomio 32:21

Laj yaq'uic it'ixajuc co'nton ta sventa ti laj yich'ic ta muc' li c'usi mu ja'uc diose. Laj yaq'uic ilincun yu'un li sloc'obaltac sdiosique. Jech ec li vu'une ta xcac' it'ixajuc yo'ntonic, yu'un ja' ta xlic quic' li boch'otic muc ja'uc jteclum cu'une. Ta xcac' ilinicuc, yu'un ja' ta xquic' li boch'otic bol cristianoetic ch-ilatique.

Deuteronomio 32:41

C'alal ta juxbe ye li espada cu'un ti lec to sts'ayayete, c'alal chichapanvan vu'un ti tuc' chichapanvane, ta jpacbe sutel scotol li cajcontrataque; ta xcac'be stojolic li boch'otic la sbajicune. Ti c'u x'elan yabtelique, ja' jech stojol tsc'anic.

Deuteronomio 4:24

Yu'un li Muc'ul Dios cu'untique it'ix yo'nton me oy c'usi yan chbat co'ntontic yu'une. Li stuque xco'laj xchi'uc c'oc' ti xu' yu'un ta xchic' scotole.

Deuteronomio 5:10

Yan li boch'o chiyich'un ta muq'ue, me chixch'unbun jmantale, ja' c'ux ta co'nton ac'o me ep ta mil ta c'ol smomnich'nabic.

Deuteronomio 5:9

Mu me xaquejan abaic ta stojol. Mu me xavich'ic ta muc' yu'un jtuc no'ox Muc'ul Diosun avu'unic. Vu'un Diosun ti toj it'ix co'nton me oy c'usi yan chavich'ic ta muq'ue. Yu'un me mu xavich'icun ta muq'ue, ta me xcac'boxuc atoj amulic li vo'oxuque xchi'uc c'alal to ta xchanc'olal amomnich'nabic.

Deuteronomio 6:15

Yu'un li Muc'ul Dios te oy ta atojolique, it'ix yo'nton me ja' chbat avich'ic ta muc' li yan diosetique. Jech xu' ch-ilin ta atojolic, xu' chayulesoxuc o acotolic.

Deuteronomio 7:10

Yan li boch'otic tscontrainic Diose, ta xules scotol. Chac'be stojol li c'usi tspasique. Ta ora no'ox chac'be stoj c'usi tspasic li boch'otic mu xich'ic ta muq'ue.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

Josué 23:7

Mu me jmojuc c'usi xapas achi'uquic li cristianoetic ti li' to nacajtic comen ta atojolique. Mu me xavich'ic ta muc' li diosetic yu'unique; mu me xat'abbeic sbi ti c'alal oy c'usi chavalique; mu me xatunic yu'un.

Josué 24:19

Li Josuee jech laj yalbe: —Mu xu' avu'un chatunic yu'un li Muc'ul Diose. Yu'un li Diose bats'i tuc' yo'nton; it'ix yo'nton me yan boch'o chquich'tic ta muq'ue. Mu sts'ic yu'un li atoyobbailic ta stojole, xchi'uc li amulique.

Jueces 2:19

Pero c'alal icham li jchapanvanejetic yu'unique, lic soquicuc yan velta noxtoc. Ech'em to no'ox chopol la spasic jech chac c'u cha'al li stot sme'ic ta vo'onee. Ja' lic tunicuc yu'un li yantic diosetique; lic squejan sbaic ta stojol. Me jutuc muc scomtsanic spasel li c'usi chopole xchi'uc li xchopol talelique.