Éxodo 20:3 - Bible in Tzotzil de Chenalhó with Deuterocanon

³ “Mu me xavich'ic ta muc' yan diosetic. Jtuc no'ox xavich'icun ta muc'.

Bible in Tzotzil de Chamula

³ “Diosinicun ti vu'une, mu xadiosinic yan.

Éxodo 20:3 Iomraidhean Croise

1 Reyes 11:4

C'alal mol xa'ox li Salomone, li antsetique lic socbeic yo'nton li smalalique yu'un ac'o bat yich' ta muc' li yantic diosetique. Yu'un li Salomone mu'yuc laj yac' sba lec ta ventainel yu'un Muc'ul Dios. Mu ja'uc jech la spas jech chac c'u cha'al li Davide, ja' li stote.

Salmos 29:2

Alic ti toj muc', ti toj jun yutsil sbi li Muc'ul Diose; ich'ic ta muc' te ta xch'ulna li Muc'ul Diose.

Salmos 73:25

¿Boch'o yan oy cu'un te ta vinajele? Ja' no'ox vo'ot, Dios cu'un. Ta sventa ti te oyun o ta atojole, mu'yuc c'usi yan ta jc'an li' ta banamile.

Salmos 81:10

Yu'un vu'un Muc'ul Diosun avu'unic ti la jloq'uesoxuc tal ta Egipto banamile; jach'o li aveique, vu'un ta jnojesboxuc.

Salmos 81:9

Mu me oyuc yan diosetic te ta atojolic; mu me xaquejan abaic ta stojol li diosetic yu'un yan lumetique.

Éxodo 15:11

Muc'ul Dios, me junuc yan dios mu xco'laj jech chac c'u cha'al vo'ot. Mu'yuc boch'o yan toj muc', toj tuc' jech chac c'u cha'al li vo'ote. Yu'un toj labalic sba, toj xi'balic sba li c'usitic chapase. Lec snup o ti ep chavich' q'uejintabel alequilale.

Éxodo 20:23

Mu me xapas adiosic ta c'anal taq'uin, o me ta saquil taq'uin yu'un chavich'ic ta muc' jech chac c'u cha'al vu'un.

Éxodo 22:19

“Li boch'o ta xchi'in sba xchi'uc chonbolometique, ac'o chamuc.

Éxodo 23:24

Mu me xachanic c'usitic chopol tspasic li yantic lum le'e. Mu me xavich'beic ta muc' li diosetic yu'unique; mu me xaquejan abaic ta stojol. Lilinic scotol li tonetic scuyoj ta sdiosique.

Éxodo 32:8

Yu'un ta ora no'ox la scomtsanic li lequil be ti caloj ja' tstamic batele. Laj xa spasic jun sloc'obal ch'ium tot vacax ta unijesbil c'anal taq'uin. Ja' xa chich'ic ta muc', chchic'beic smoton, jech chalic: ‘Israeletic, li'i ja' dios cu'untic ti la sloq'uesutic tal ta Egiptoe’, xiic —xut.

Éxodo 34:14

“Mu me xavich'ic ta muc' yan dios, yu'un ta me x'it'ixaj co'nton vu'un li Muc'ul Diosune. Yu'un li jbie ja' Dios j'it'ixajel.

Isaías 26:4

“J'ech'el pato avo'ntonic o yu'un li Muc'ul Diose, yu'un ja' no'ox jnac'ubbailtic o ta sventa sbatel osil.

Isaías 42:8

Vu'un li Muc'ul Dios jbie, mu xcac' boch'o yan chich' li jlequilal cutsilale; mu xcac' ja' chc'ot ta stojolic quich'el ta muc' li c'usitic loc'tabilic no'oxe.

Isaías 43:10

Li Muc'ul Diose jech chal: “Vo'oxuc testigooxuc cu'un, vo'oxuc cajtuneloxuc, vu'un la jt'ujoxuc yu'un jech ac'o ana'ic, ac'o ach'unic. Ac'o c'otuc ta avo'ntonic ti vu'un ono'ox te oyun oe, ti mu'yuc yan dios ba'yuc ilic cu'une, ti mu'yuc yan Dios ta to xtale.

Isaías 44:8

Mu me xaxi'ic, tsotsuc me avo'ntonic, vo'oxuc te ta Israel. Li vu'une calojboxuc ono'ox ta vo'one li c'usitic chc'ot ta pasele. Vo'oxuc testigooxuc cu'un, jtuc no'ox Diosun, mu'yuc yan. Mu'yuc boch'o tsots svu'el, me junuc mu'yuc bu quiloj”, xi li Muc'ul Diose.

Isaías 46:9

Vuleso ta ajolic li c'usitic ic'ot tal ta pasel ta vo'onee. Vu'un no'ox jtuc Diosun; mu'yuc yan dios ti xco'laj jech chac c'u cha'al vu'une.

Jeremías 25:6

Mu ja'uc xabatic ta stojol li yan diosetique; mu ja'uc xavich'ic ta muc'; mu ja'uc xatunic yu'un. Mu me ta scojuc yu'un ja' chavich'ic ta muc' li c'usi pasbil ta ac'ob atuquic ti chavaq'uic ilinuc li Diose, yu'un jech mu xayac'boxuc avocolic’, xayutoxuc.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 7:9

Ja' no'ox cha'elc'ajic, chamilvanic, chamulivajic; oy c'usi chavalic ta jtojol ti mu meleluque. Chachic'beic pom li Baale; ja' chbat avich'ic ta muc' li yantic diosetic ti mu xavotquinique.

Daniel 3:18

Ac'o me mu xiscoltauncutic, pero ta jc'ancutic chana' lec ti mu xquich'cutic ta muc' li diosetic avu'une, jech noxtoc mu'yuc ta xquich'cutic ta muc' li muc'ta loc'om laj avac' ta pasel ta c'anal taq'uine —xutic.

Oseas 13:4

Li Muc'ul Diose jech chal: “Vu'un Muc'ul Diosun avu'unic ti c'alal lic jloq'uesoxuc tal ta Egiptoe. Mu'yuc yan dios avu'unic jech chac c'u cha'al vu'un; vu'un no'ox jtuc jcoltavanejun avu'unic.

San Mateo 4:10

Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

1 Corintios 8:4

Ta sventa ti chajaq'uic me xu' chati'ic li smoton c'usitic cuybilic ta diose, pero xana'ic xa ti mu'yuc c'usi stu o li c'usitic cuybilic ta dios li' ta banamile; xana'ic ti jun no'ox Dios oye.

1 Corintios 8:6

pero li vu'utique jna'tic lec ti jun no'ox Dios oye, ja' li Dios Totile, ti ja' la spas scotol c'usitic oye, xchi'uc ti ja' la spasutique. Jun no'ox li Cajvaltique, ja' li Jesucristoe, ja' ta sventa imeltsaj scotol li c'usitic oye, xchi'uc ja' ta sventa ti laj quich'tic pasel ec li vu'utique.

Efesios 5:5

Yu'un xana'ic xa lec, li boch'otic chmulivajique xchi'uc ti tspasic c'usitic yan chopole, xchi'uc li boch'otic xpich'et no'ox yo'ntonique ti xco'laj xchi'uc ja' sdiosic c'otem li c'usi batem yo'nton xchi'uquique, mu xu' ch-ochic yo' bu chventainvan li Cristoe xchi'uc li Diose.

Deuteronomio 5:7

‘Mu me xavich'ic ta muc' yan diosetic; jtuc no'ox xavich'icun ta muc'’, xi.

Deuteronomio 6:14

Mu me ja'uc xbat avich'ic ta muc' li yan diosetique, ti ja' yich'ojic ta muc' li cristianoetic te ta lum yo' bu nopol nacaloxuc chac'ot achi'uquique.

Deuteronomio 6:5

“C'ano me ta scotol avo'nton li Muc'ul Dios avu'une, ta scotol ach'ulel, xchi'uc ta scotol atsatsal.

Filipenses 3:19

Yu'un ja' stamojbeic o batel sbelal ch'ayel. Li sdiosic c'oteme ja' li c'usi tsc'an stuquique. Stuc no'ox xa'ay sbaic o yu'un li c'usitic toj q'uexlal sbae. Ja' no'ox tsnopic li c'usitic oy li' ta banamile.

Colosenses 2:18

Mu me xavich'ic ta muc' c'usi chayalboxuc li boch'otic biq'uit chac' sbaic yilele, ti chich'ic ta muc' li j'almantaletique, xchi'uc ti chalic oy c'usi chil ta xvayechique, ti ja' no'ox batem ta yo'nton tstoy sbaic ta sventa no'ox sbec'talique.

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.

Apocalipsis 22:9

Pero jech laj yalbun: “Mu xapas jech, yu'un co'ol yajtunelutic Dios xchi'uc li achi'iltaque, ja' li yaj'alc'optac Diose xchi'uc li boch'otic ta xch'unic li c'op li' ts'ibabil ta vune. Ja' ich'o ta muc' stuc li Diose”, xiyutun.

Jueces 6:10

Laj calboxuc ti vu'un Muc'ul Diosun avu'unique, xchi'uc ti mu me xavich'ic ta muc' li diosetic yu'un amorretic, vo'oxuc ti te nacaloxuc ta yosilalique, pero muc xach'unbicun’, xayutoxuc li Diose”, xi li j'alc'ope.