Éxodo 20:26 - Bible in Tzotzil de Chenalhó with Deuterocanon

²⁶ Mu me xavac'beic scajal-cajal stec'ubal li scajleb jmotone, yu'un jech mu xavac' ta ilel abec'talic ti c'alal chamuyique’, uto li achi'iltaque”, xi li Diose.

Bible in Tzotzil de Chamula

²⁶ Ti caltare, ma'uc me ti scojol cojol xa ta xameltsanique yo' jech mu xavaq'uic ta q'uelel ti abec'talic ti bu ma'uc yeloval osil ti c'alal ta xamuyic batele.’

Éxodo 20:26 Iomraidhean Croise

1 Pedro 1:16

Yu'un jech ts'ibabil ta sc'op Dios: “Tuc'uc me avo'ntonic, yu'un li vu'une tuc' co'nton”, xi ts'ibabil.

Eclesiastés 5:1

C'alal chabat ta ch'ulna yu'un Diose, q'uelo me aba c'u x'elan chaxanov. A'ibo lec ava'ay smelol, yu'un ja' tsots sc'oplal; ja' mu tsotsuc sc'oplal li milbil matanal chaq'uic li boch'otic bolic ti mu snopic me chopol c'usi tspasique.

Salmos 89:7

Vo'ot Muc'ul Diosot, atuc no'ox xi'bilot; te joyibtabilot yu'un scotol li j'almantaletic te ta vinajele.

Levítico 10:3

Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Éxodo 28:42

Pasbo sbic'tal-vexic ta lino no noxtoc, xc'ot c'alal ta smuc'ul yo'ic.

Éxodo 28:43

Jech te slapojic o c'alal ch-ochic ta ch'ulna ti pasbil ta nucule xchi'uc ti c'alal chnopajic ta sts'el scajleb jmoton ta spasel yabtelique. Yu'un jech mu sta smulic ta jtojol, jech mu xchamic. Ja' jech jmantal chcom o ta stojolic c'alal ta smomnich'nabic.

Ezequiel 43:17

Li jts'oc ta o'lole co'ol sjamalil ta set noxtoc; ja' vucub metro sjamalil ta jujujot. Li bevo' pasbil ta joyobe ja' o'lol metro sjamalil. Li ton ti setel oe jch'ix xchi'uc chib c'ob stayal. Li tec'ubal sventa chijmuy batele te xcom ta stuq'uil sloq'ueb c'ac'al.