Éxodo 20:23 - Bible in Tzotzil de Chenalhó with Deuterocanon

²³ Mu me xapas adiosic ta c'anal taq'uin, o me ta saquil taq'uin yu'un chavich'ic ta muc' jech chac c'u cha'al vu'un.

Bible in Tzotzil de Chamula

²³ Mu xaloc'taic ta smeltsanel avajdiosic ta c'anal taq'uin, ta saquil taq'uin, ti ta xanijan abaic ta stojol jech c'u cha'al ta xanijan abaic ta jtojole.

Éxodo 20:23 Iomraidhean Croise

2 Reyes 17:33

Ac'o me laj yich'ic ta muc' li Muc'ul Diose, pero te ono'ox laj yich'ic ta muc' noxtoc li diosetic yu'unic jech chac c'u cha'al stalelic li yantic lum ti bu i'ayic tal ta chuquele.

2 Reyes 17:41

C'alal chich'ic ta muc' li Muc'ul Diose, te chich'ic ta muc' noxtoc li sloc'obal diosetic yu'unique. Li xnich'nabic, xchi'uc smomnich'nabique ja' jech la spasic ec jech chac c'u cha'al la spasic li smoltotique. Ja' jech tspasic o c'alal to tana.

Éxodo 32:31

Jech li Moisese isut batel yo' bu oy li Muc'ul Diose, jech laj yalbe: —Ta jc'opanot ta sventa li jchi'iltaque yu'un ta melel la sta tsots smulic ta atojol ta sventa ti la spas sdiosic ta c'anal taq'uine.

Éxodo 34:17

“Me jutuc mu me xapasic sloc'obal diosetic ta unijesbil taq'uin.

Ezequiel 20:39

‘Li vo'oxuque smomnich'nab Israel, jech chayalboxuc li Muc'ul Diose, ja' li Cajvaltique: Me mu xac'an xach'unbicun jmantale, ja' bat ich'ic o ta muc' li sloc'obaltac adiosic ti mu'yuc stu jech chac c'u cha'al c'a'epe; ja' bat tunanic o yu'un. Pero ta ts'acal chlic ach'unicun, jech mu'yuc xa chabolibtasic ta matanaletic avu'unic xchi'uc ta adiosic li jch'ulbie.

Ezequiel 43:8

Yu'un la spasbeic snail te ta ch'ulna cu'un. Jmoj stsacoj sba smarcoal sti' yu'unic xchi'uc li smarcoal sti' jnae, xchi'uc jun no'ox spac'benal c'otem yu'unic ta o'lol. La soquesbicun jbi ta scoj li c'usi toj chopol la spasique, ja' yu'un laj culesic ta sc'ac'al co'nton.

Daniel 5:23

Ja' no'ox latoy aba ta stojol li Yajval vinajele; laj acontrain, xchi'uc laj atac ta ich'el noxtoc li vaso te liquem tal ta ch'ulna yu'une. Ja' te laj avuch'ic o pasem ya'lel ts'usub achi'uc li banquilaletic avu'une, xchi'uc li avajniltaque, xchi'uc li yantic antsetic avu'une. Jech noxtoc te lic avich' ta muc' li diosetic avu'un ti pasbil ta saquil taq'uin, ta c'anal taq'uin, ta bronce, ta tsatsal taq'uin, ta te', xchi'uc ta ton ti mu xil osile, ti mu xa'ay c'ope, ti mu c'usi sna' oe. Yan li Dios ti ja' oy ta sc'ob acuxlejale xchi'uc ti ja' ta sventa chapas scotol li c'usitic chapase, me jutuc muc xavich' ta muc'.

Daniel 5:4

Scotolic laj yuch'ic pasem ya'lel ts'usub, jech lic yich'ic ta muc' li diosetic yu'unic ti pasbilic ta c'anal taq'uin, ta saquil taq'uin, ta bronce, ta tsatsal taq'uin, ta te', xchi'uc ta tone.

Levítico 19:4

“Mu me xbat avich'ic ta muc' yan velta li yantic diosetique. Mu me xapas sloc'obal adiosic ta unijesbil taq'uin. Vu'un li Muc'ul Diosun avu'unique.

Sofonías 1:5

Ta xculesic noxtoc li boch'otic chmuyic ta yamaq'uil jol na tsquejan sbaic batel ta stojol li c'usitic oy ta vinajele, xchi'uc li boch'otic tst'abbicun jbi c'alal oy c'usi chalique, xchi'uc ti tst'abbeic sbi noxtoc li sdiosic Milcome.

Deuteronomio 27:15

‘Ac'o ac'batuc stoj li boch'o ta spasbe sloc'obal c'usitic chich' ta muq'ue, o me oy c'usi yan tsloc'taic ti pasbil ta unijesbil taq'uin yu'un jtentaq'uine, xchi'uc ti chaq'uic ta nac'alaltique. Li boch'o jech tspase toj chopol chil li Muc'ul Diose’, ac'o xiicuc. ‘Jechuc’, ac'o xiicuc scotol li jchi'iltactique.

Deuteronomio 29:17

Ja' ti bu laj quiltic li c'usitic cuybilic ta diosetic pasbil ta te', ta ton, ta c'anal taq'uin, ta saquil taq'uine. Le'e toj chopol chil li Muc'ul Dios ja' yich'ojic ta muc' li cristianoetic te nacajtique.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.