Éxodo 20:2 - Bible in Tzotzil de Chenalhó with Deuterocanon

² “Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Bible in Tzotzil de Chamula

² “Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 20:2 Iomraidhean Croise

1 Reyes 18:39

C'alal laj yilic scotol li israeletique, la squejan spatan sbaic ta banamil, jech laj yalic: “¡Li Muc'ul Diose ja' Dios ta melel; li Muc'ul Diose ja' Dios ta melel!”, xiic.

2 Reyes 17:12

Ja' laj yich'ic ta muc' li c'usitic cuybilic ta dios ti albilic ono'ox yu'un Muc'ul Dios mu xu' chich'ic ta muq'ue.

2 Reyes 17:7

Yu'un li israeletique la sta smulic ta stojol li Muc'ul Dios yu'unic ti ja' iloq'uesatic tal ta Egipto ta sc'ob li ajvalil Faraone. Yu'un ja' laj yich'ic ta muc' li yan diosetique.

2 Crónicas 28:5

Ja' yu'un li Muc'ul Diose laj yac' ta sc'ob li ajvalil ta Siriae. Jech li siriaetique itsalvanic ta jyalel; bats'i ep la xchuquic, laj yiq'uic batel ta Damasco. Jech noxtoc i'ac'atic ta sc'ob li ajvalil ta Israele, ja' yu'un solel tsalbil icomic o ta jyalel.

Salmos 50:7

“A'yo ava'yic jteclumal, ta xic'opoj; a'yo ava'ay Israel, oy c'usi jamal chacalbot: Vu'un Diosun, vu'un Diosun avu'un.

Salmos 81:10

Yu'un vu'un Muc'ul Diosun avu'unic ti la jloq'uesoxuc tal ta Egipto banamile; jach'o li aveique, vu'un ta jnojesboxuc.

Salmos 81:11

“Pero li jteclumale muc xiya'ibicun li jc'ope; li israeletique muc xiyich'icun ta muc'.

Salmos 81:7

Laj ac'anbun vocol ti c'alal toj ep avocole, jech vu'un la jcoltaot. La jtac'bot tal ac'op ta chauquetic te ta toquetic; la jq'uelbot c'u x'elan avo'nton ta jtojol te ta vo'etic ta Meriba.

Éxodo 13:14

C'alal me jech chasjac'boxuc ta yoc'omal li anich'nabique: ‘¿C'usi sventa le'e?’, me xayutoxuque. Jech xatac'beic: ‘Yu'un li Muc'ul Diose ta smuc'ul stsatsal la sloq'uesuncutic tal ta Egipto ti bu to'ox tiq'uiluncutic ta mozoile.

Éxodo 13:3

Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 15:13

Ta slequil avo'nton chatojobtas batel li ateclumal laj apoj loq'uel tale. Ta avu'el atsatsal chavic' batel ta ch'ulna avu'un.

Éxodo 15:16

Muc'ul Dios, ac'o xi'icuc; ac'o c'unibuc yo'ntonic. Ta amuc'ul, ta atsatsaluc ac'o macuc yeic jech chac c'u cha'al tonetic, ja' to ti me ijelovic batel li jteclum avu'une, ja' li ateclumal ti laj acolta loq'uel tale.

Éxodo 15:26

Jech i'albatic: “Me chavich'ic lec ta muc' c'usi chacalboxuc vu'un li Muc'ul Diosun avu'unique, me chapasic li c'usi ta jc'ane, me chach'unic, me chavich'ic ta muc' li mantaletic cu'une, mu'yuc ta xcac' taluc jchopuc avocolic jech chac c'u cha'al laj cac' ta stojol li egiptoetique. Yu'un vu'un Muc'ul Diosun; vu'un chajcoltaoxuc ta achamelic”, x'utatic yu'un li Diose.

Éxodo 20:1

Ic'opoj li Diose, jech laj yal chac li'i:

Éxodo 29:46

Jech chana'ic o ti vu'un no'ox jtuc Muc'ul Diosun avu'unic la jloq'uesoxuc tal ta Egipto banamil sventa chajchi'inoxuc ta naclej, vu'un li Muc'ul Diosun avu'unique.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Isaías 43:3

Vu'un li Muc'ul Diosune, vu'un Diosun avu'un, vu'un li Ch'ul Diosun yu'un Israele, vu'un Jcoltavanej avu'un. Ja' laj cac' ta aq'uexol li Egipto, li Etiopía, xchi'uc li Sebae; ja' amanubil ic'ot cu'un.

Jeremías 16:14

Jech laj yalbun noxtoc li Muc'ul Diose: “Ta to xlaj sc'oplal ti jech chavalique: ‘Ja' ta sventa stsatsal Muc'ul Dios iloq'uic tal ta Egipto banamil li jmoltot jyame'tique’, ti xachiique.

Jeremías 2:6

Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 31:1

“Me la sta li sc'ac'alil le'e, vu'un Diosun yu'unic chc'ot scotol li jaychop sts'unubal Israele; ja' jteclumal ta xc'otic o”, xi li Muc'ul Diose.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Jeremías 34:13

“Vu'un li Muc'ul Diosun yu'un Israele jech chcal: C'alal la jloq'ues tal ta Egipto banamil li amoltot ayame'ic ta vo'one ti bu mozoinbilic to'oxe, oy c'usi la jchapan jchi'uc, jech laj calbe:

Ezequiel 20:19

Vu'un Muc'ul Diosun avu'unic, ja' me xapasic c'usi chal li mantaletic cu'une; ja' me ch'unic li tojobtaseletic cu'une; ja' me pasilanic o batel.

Ezequiel 20:5

jech xavalbe: ‘Jech chal li Muc'ul Diose, ja' li Cajvaltique: C'alal la jt'uj li Israele, ja' li Jacobe, jtoyoj jc'ob c'alal oy c'usi laj calbe ta jamal li smomnich'nabtaque. Laj cac' jba ta otquinel ta stojolic te ta Egipto; jtoyoj jc'ob jech laj calbeic: Vu'un Muc'ul Diosun avu'unic, xcut.

Ezequiel 20:7

Jech laj calbeic: Jujunoxuc jipic comel scotol li c'usitic toj chopolic batem ta avo'ntonique; mu me xabolibtas abaic ta sloc'obal li diosetic yu'un egiptoetique, yu'un vu'un Muc'ul Diosun avu'unic, xcutic.

Oseas 12:10

“Ep ta velta la jc'opanic li j'alc'opetique; ep c'usitic laj cac'be yilic, xchi'uc ep c'usitic loc'tabil ta lo'il laj cac'be yalic ta jventa.

Oseas 13:4

Li Muc'ul Diose jech chal: “Vu'un Muc'ul Diosun avu'unic ti c'alal lic jloq'uesoxuc tal ta Egiptoe. Mu'yuc yan dios avu'unic jech chac c'u cha'al vu'un; vu'un no'ox jtuc jcoltavanejun avu'unic.

Levítico 11:45

Yu'un vu'un Muc'ul Diosun ti la jloq'uesoxuc tal ta Egiptoe, jech vu'un Diosun avu'unic chc'ot o. Ja' yu'un li vo'oxuque tsc'an ti tuc' avo'ntonique yu'un li vu'une tuc' co'nton”, xi li Muc'ul Diose.

Levítico 19:36

Lec tuc', lec chapal, lec staoj xabisic. Vu'un Muc'ul Diosun avu'unic ti la jloq'uesoxuc tal ta Egiptoe.

Levítico 23:43

Yu'un jech chlic sna'ic avalab anich'nabic ti ja' jech ta unin yaxnaetic no'ox inaquiic tal li amoltot ayame'ic ta vo'one ti c'alal la jloq'uesic tal ta Egiptoe. Vu'un li Muc'ul Diosun avu'unique”, xi li Muc'ul Diose.

Levítico 25:38

Yu'un vu'un Muc'ul Diosun avu'unic ti la jloq'uesoxuc tal ta Egiptoe yu'un jech vo'oxuc chacac'boxuc li Canaán banamile, xchi'uc jech vu'un Diosun avu'unic chic'ot o.

Levítico 25:42

Yu'un ja' jnich'nabtac ti la jloq'ues tal ta Egiptoe, jech mu smeloluc ti chonbilic o jech chac c'u cha'al mozoetique.

Levítico 25:55

Yu'un li achi'iltac ta israelale ja' cajtuneltac la jloq'uesic tal ta Egipto. Vu'un li Muc'ul Diosun avu'unique.

Levítico 26:1

“Mu me xapas adiosic; mu me c'usi xava'anic sventa chavich'ic ta muc'. Mu me xava'anic tonetic, ajanbil tonetic te ta avosilalic yu'un chaquejan abaic ta stojol, yu'un vu'un no'ox jtuc Muc'ul Diosun avu'unic.

Levítico 26:13

Vu'un Muc'ul Diosun avu'unic ti la jloq'uesoxuc tal ta Egiptoe yu'un mu jc'an ti te tiq'uiloxuc o ta mozoil yu'unique. Jech vu'un la jtuch' ya'yel li slasual yabtejeb vacax ti acuchojic ti toj ole. Laj cac' ti jun xa avo'nton tuc' xateltun chaxanovique.

Amós 2:10

Vu'un la jloq'uesoxuc tal ta Egipto banamil noxtoc. Vu'un la jbeiltasoxuc tal ta xocol banamil cha'vinic (40) jabil, yu'un jech ac'o avich'beic li yosil amorretique.

Romanos 10:12

Muc t'ujbiluc no'ox boch'o sc'oplal, ac'o me israel, o me yanlum cristiano. Yu'un jun no'ox Cajvaltic jcotoltic. Bats'i ep c'uxubinel ch-ac'batic scotol li boch'o tsc'anbeic vocole.

Romanos 3:29

Li Diose ¿me ja' no'ox Dios yu'un li judioetique? ¿Me mu ja'uc Dios yu'unic ec li yanlum cristianoetique? Ta melel ja' Dios yu'unic ec li yanlum cristianoetique.

Deuteronomio 13:10

Ac'beic ton, ja' to me ichame. Yu'un tsc'an ac'o acomtsanic li Muc'ul Dios cu'untic ti la sloq'uesoxuc tal ta mozoil ta Egiptoe.

Deuteronomio 15:15

Mu me xch'ay ta avo'ntonic ti ja' to'ox jech mozoinbiloxuc te ta Egipto eq'ue, xchi'uc ti ja' la scoltaoxuc loq'uel tal li Muc'ul Dios cu'untique. Ja' yu'un jech mantal ta xcalboxuc ava'yic.

Deuteronomio 20:1

“C'alal me oy chaloq'uic batel ta pleito yu'un chbat atsal avajcontraique, me chavilic ti bats'i ep ca'etic yu'unic, xchi'uc caretaetic sventa pleito, xchi'uc bats'i ep yajsoldadoic ti ja' mu'yuc ep avu'unic li vo'oxuque, mu me xaxi'ic yu'un. Na'ic me c'u x'elan la sloq'uesoxuc tal ta Egipto banamil li Muc'ul Dios cu'untique.

Deuteronomio 5:15

Na'ic me ti jech to'ox mozoinbiloxuc te ta Egipto ec li vo'oxuque. Pero vu'un li Muc'ul Diosun avu'unique la jloq'uesoxuc tal ta jvu'el ta jtsatsal. Ja' yu'un li' chacalboxuc ti ac'o me avich'ic ta muc' li sc'ac'alil chacux avo'ntonique.

Deuteronomio 5:6

‘Vu'un Muc'ul Diosun avu'unic ti la jloq'uesoxuc tal ta Egipto banamil c'alal te to'ox tiq'uiloxuc ta mozoile.

Deuteronomio 7:8

Li Muc'ul Diose ja' la sloq'uesoxuc tal ta Egipto ti bu to'ox tiq'uiloxuc ta mozoile. Ta svu'el ta stsatsal la spojoxuc loq'uel tal ta sc'ob li faraone yu'un toj c'uxoxuc ta yo'nton, xchi'uc ja' laj yac' c'otuc ta pasel li c'usi xchapanoj ono'ox xchi'uc jmoltotactic ta vo'onee.

Jueces 2:1

Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,

Jueces 6:10

Laj calboxuc ti vu'un Muc'ul Diosun avu'unique, xchi'uc ti mu me xavich'ic ta muc' li diosetic yu'un amorretic, vo'oxuc ti te nacaloxuc ta yosilalique, pero muc xach'unbicun’, xayutoxuc li Diose”, xi li j'alc'ope.