Éxodo 20:19 - Bible in Tzotzil de Chenalhó with Deuterocanon

¹⁹ Jech laj yalbeic li Moisese: —Vo'ot no'ox xac'opanuncutic, ta jch'uncutic li c'usi chavale. Mu xa me xisc'opanuncutic li Diose yu'un naca me lichamcutic —xutic.

Bible in Tzotzil de Chamula

¹⁹ Ja' yu'un un, xi laj yalbeic ti Moisese: —Vo'ot c'oponuncutic. Ta jch'uncutic ti ac'ope, naca mi chamcuncutic ti mi ja' ta xisc'oponuncutic ti Diose.

Éxodo 20:19 Iomraidhean Croise

Génesis 3:10

Itac'ov li vinique: —Laj ca'ay ti te chaxanov tal ta yolon ts'unubaltique jech lixi' yu'un t'analun, jech la jnac' jba —xi.

Génesis 32:30

Li Jacobe Peniel laj yac'be sbi li banamile, yu'un jech la snop: “Laj quilbe jba lec jsatcutic jchi'uc li Diose, pero muc xicham; cuxulun to”, xi.

Éxodo 33:20

Pero chacalbot ti mu xu' chavilbun li jsate yu'un mu'yuc boch'o xu' cuxul chcom me laj yilbun jsate —xi.

Hechos 7:38

Ja' ono'ox Moisés ti te xchi'uc ta xocol banamil scotol li jmoltotactic ta vo'onee, ti te xchi'inoj o li j'almantal ti ic'opanat yu'un te ta vits Sinaie. Ja' ti la xch'am tal li c'opetic sventa cuxlejale, jech laj yac'butic ec li vu'utique.

Gálatas 3:19

Pero ¿c'usi stu li smantaltac Dios cha'e? me xachiique, ja' sventa ac'o quiltic ti jbajmantalutique. Ja' itun o c'alal to ital li jun smomnich'on Abraham ti albil ono'ox yu'un Dios chtale. Li mantaletique ta sventa j'almantaletic laj yich' jelubtasbel tal li Moisese, jech ja' xa la sjelubtas tal ta jtojoltic ec.

Deuteronomio 18:16

Yu'un jech ono'ox laj ac'anbeic Muc'ul Dios ti c'alal te tsoboloxuc acotolic ta vits Horebe. Jech laj avalic: ‘Mu xa jc'an xca'ibecutic yan velta sc'opojel li Diose. Mu jc'an jq'uelcutic yan velta li muc'ta c'oq'ue yu'un naca me chamcuncutic’, xachiic.

Deuteronomio 5:5

Li vu'une oyun ta o'lol yu'un Muc'ul Dios xchi'uc li vo'oxuque sventa vu'un chacalboxuc c'usi laj yal li Muc'ul Diose. Yu'un li vo'oxuque laxi'ic yu'un li c'oq'ue, jech muc xamuyic batel ta vits. Li Muc'ul Diose jech laj yal:

Hebreos 12:19

xchi'uc ti bu i'oc' oq'uese, ti bu ic'opanatic yu'un Diose, xchi'uc ti bu la sc'anic vocol ti mu xa me xc'opanatic yan veltae.