Éxodo 20:10 - Bible in Tzotzil de Chenalhó with Deuterocanon

¹⁰ Yan li svucubal c'ac'ale ja' xcuxubil avo'ntonic; ja' sventa chavich'icun ta muc', vu'un li Muc'ul Diosun avu'unique. Mu me boch'o spas jchopuc abtel avu'unic li jun c'ac'al le'e. Manchuc me vo'ot, me aquerem, me atseb, me amozo, me aquiara, me aca', me avacax, me yanlum ti co'ol te nacaloxuc achi'uquique.

Bible in Tzotzil de Chamula

¹⁰ Yan ti ta yucubal (7) c'ac'ale, ja' cuxob o'ntonal ti t'ujbil yu'un ti Ajvalil Dios avu'unique. Mi ja'uc xa'abtejic jset'uc ti jech c'ac'al taje, mi ja'uc ti aquerem nich'one, ti avantsil nich'one, mi ja'uc ti amosov vinique, ti antse, mi ja'uc ti chon bolometic avu'une, mi ja'uc ti jyanlum ti oy ta atojole.

Éxodo 20:10 Iomraidhean Croise

Nehemías 10:31

Jech noxtoc me oy chtal bolomajicuc ta sc'ac'alil ta jcux co'ntontic, o ta c'usiuc no'ox c'ac'alil ti voc'bil yu'un Muc'ul Dios sventa ta jtsob jbatique, me chtal xchonic ve'liletic, o c'usitic yan stac' tunel lajesele, mu'yuc ta jmanbetic. Jech noxtoc ta xcac'betic xcux cosiltic ta svucubal jabil, xchi'uc ta jch'aybetic yil li boch'otic oy yil cu'untique.

Éxodo 16:26

Ja' no'ox vaquib c'ac'al xu' chatsob li ave'elique; yan ta svucubal c'ac'ale mu'yuc xa c'usi chataic yu'un ja' xcuxubil co'ntontic —xut.

Éxodo 31:13

“Li achi'iltac ta israelale, jech xavalbe chac li'i: ‘Tsc'an chavich'ic ta muc' li sc'ac'alil chacux avo'ntonic cu'une yu'un ja' sna'ubil chcom cu'untic c'alal ta avalab anich'nabic, yu'un jech chana'ic ti vu'un no'ox jtuc Muc'ul Diosun avu'unic, ti t'ujbiloxuc cu'une.

Éxodo 34:21

“Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, ac'o me yorail ovol, o me yorail c'aoj.

Éxodo 35:2

‘Vaquib no'ox c'ac'al xu' cha'abtejic. Yan ta svucubal c'ac'ale ja' ts'u'iltasbil cu'un, voc'bil o sventa chacux avo'ntonic yu'un chavich'icun ta muc', vu'un li Muc'ul Diosune. Me oy boch'o junucal ch-abtej avu'unic li jun c'ac'al le'e, ac'o yich' milel.

Ezequiel 14:7

‘Me oy junuc achi'ilic ta israelal, o me yanlum ti te nacal ta atojolique, me chlic svoc' sbaic ta jtojol, me ja' chbat yich'ic ta muc' li c'usitic mu'yuc stu jech chac c'u cha'al c'a'epe, me ja' chac' yo'ntonic o snopel li c'usi sventa chyalic o ta lum xchi'uquique, me ts'acal chtalic ta stojol j'alc'op yu'un oy c'usi chisjac'bicune, vu'un jtuc ta jtac'be, vu'un li Muc'ul Diosune.

Levítico 23:3

“Vaquib no'ox c'ac'al xu' cha'abtejic; yan ta svucubal c'ac'ale ja' sc'ac'alil chacux avo'ntonic. Ja' yorail chapasic jun ch'ul tsobajel sventa chavich'icun ta muc', jech mu xu' chapasic jchopuc abtel. Buyuc no'ox nacaloxuc batel, ja' sc'ac'alil chacux avo'ntonic o li jun c'ac'al le'e.

San Lucas 23:56

C'alal isutic batel ta snaique, c'ot xchapanic muil vomoletic xchi'uc muil poxiletic, pero la xcux yo'ntonic ba'yuc ta sc'ac'alil ta chcux yo'ntonic jech chac c'u cha'al chal li mantaletic yu'unique.