Éxodo 2:3 - Bible in Tzotzil de Chenalhó with Deuterocanon

³ Pero c'alal mu xa xu' yu'un jal snaq'uele, te lic spas jun biq'uit moch. La spac' lec ta chapopote xchi'uc ta xuch' ti bu bevajtique yu'un jech mu x'och vo' ta yut. Te la stic' ochel li yole; bat yac' ta yut ajtic ta ti' uc'um Nilo.

Bible in Tzotzil de Chamula

³ Ja' no'ox un, sta yorail ti mu xa stac' naq'uele. Jech o xal un, laj sa' jun moch meltsanbil ta jchop o ta puj. Laj spac' ta chab ta xuch' ti scayalultac ti moche yo' jech mu x'och ti vo'e. Ts'acal to un, laj stic' ochel ta yut moch ti nene' quereme. Bat yac' ta yut pujtic ta sti'il ti uc'um Niloe.

Éxodo 2:3 Iomraidhean Croise

Génesis 11:3

Oy jun c'ac'al jech laj yalbe sbaic: “Jpastic ep ladrillo; jchic'tic ta c'oc'”, xut sbaic. Jech te la stunesic ladrilloetic ta xq'uexol tonetic, xchi'uc la stunesic chapopote ta xq'uexol ach'el.

Génesis 14:10

Ta scotol li stenlejaltic Sidime oy ep vomlumetic te. Puru chapopote te oy; asfalto sbi. C'alal ijatovic batel ta anil ta pleito li ajvaliletic ta lum Sodoma xchi'uc ta Gomorrae, te ibalch'ujic ochel ta vomlumetic. Li yantic xchi'iltaquic ta ajvalilale ijatovic batel ta vitsetic.

Génesis 6:14

Meltsano jun barco ta te' ti ep xuch'ale. Ep ta c'ol yut xapas. Pac'o lec ta xuch' ta yute xchi'uc li spate, yu'un jech mu x'och vo' ta yut.

Éxodo 1:22

Li faraone jech laj yalbe mantal scotol li egiptoetique: “Bat jipic ta uc'um scotol li bic'tal queremetic yu'un israeletique; yan li bic'tal tsebetique te cuxul comtsanic”, xut.

Isaías 18:2

ti tstac batel j'almantaletic yu'un ta ba nabe, ti ch-ochic batel ta barcoetic pasbilic ta aje, jech chalbe batel: “J'almantaletic, vo'oxuc ti lec anil xana' xaxanovique, batanic ta jun banamil ti lec natic yajvale, ti sts'ababet xa snuculilique, ja' li jun banamil ti xi'bil ono'ox tale; ja' li jun lum ti toj tsotse, ti stsaloj scotole, ti te oy ta jun banamil ti oy lec uc'umetic tee”, xut.

Isaías 19:6

Ta c'unc'un ta x'ul batel, ta xlic socuc yic' li ya'lele. Li yoc yuc'umal Egiptoe ta xlic bic'tajuc batel, ja' to ti c'alal ch-ul oe. Li tut xchi'uc ajtique chlic taquijanuc o.

Isaías 35:7

Ti bu solel taquin ono'oxe ta xc'ataj ta sts'anleb vo'; ti bu t'ajemic ta scoj staquinale ta xc'ataj ta loq'ueb vo'; ti bu pasem ta sna oq'uiletic to'oxe, ta xc'ataj ta ajtic, ta tutilaltic.

San Mateo 2:13

C'alal sutemic xa'ox batel li bijil viniquetic ti sna'ic sq'uelel c'analetique, ivaychin li Josee. Ta xvayech laj yil jun yaj'almantal Dios, jech i'albat: “Lican, ic'o batel li olole xchi'uc li sme'e. Jatovanic batel ta ora ta Egipto banamil. Te oyanic o; ja' to me laj calboxuc ti xu' chasutic tale. Yu'un li Herodese tsc'an ta st'un li olole, yu'un tsc'an ta smil”, x'utat.

San Mateo 2:16

C'alal la sna' Herodes ti ilaj xa ta lo'lael yu'un li bijil viniquetic ti sna'ic sq'uelel c'analetique, solel tsots i'ilin. Jech laj yal mantal ti ac'o milaticuc scotol li bic'tal queremetic ti bu chib to jabil yich'ojique, xchi'uc ti bu ach' to svoq'uelic ti te oyic ta lum Belén xchi'uc ti c'u smuc'ul yosilale. Yu'un li Herodese la sna' c'usi ora lic yilic tal c'anal li bijil viniquetic ti sna'ic sq'uelel c'analetique.

Hechos 7:19

Li faraón i'oche la slo'la ta sventa sbijil li jmoltotactic ta vo'one. Chopol c'usi lic spasbe. Laj yal mantal ti ac'o sloq'ues ta snaic scotol li yunin queremique, yu'un ac'o chamicuc.