Éxodo 2:23 - Bible in Tzotzil de Chenalhó with Deuterocanon

²³ C'alal i'ech' xa'ox jayibuc c'ac'ale, icham li ajvalil ta Egiptoe. Li israeletique te ono'ox x'oc' x'avanic o ta scoj li tsots mozoinele, xchi'uc te tsc'anilanbeic o vocol li Diose. Ja' yu'un i'aybatic yoq'uel yavanelic yu'un li Diose.

Bible in Tzotzil de Chamula

²³ Ech' batel ti c'ac'ale, cham ti ajvalil yu'un jteclum Egiptoe. Ac'o mi jech un, ja' no'ox un, ti israeletique staoj yav x'ijetic to ta jic' o'nton yu'un ti oyic ta mosovile. Ja' yu'un un, ti Diose laj yil ti x'ijetic yu'un ti vocole.

Éxodo 2:23 Iomraidhean Croise

Génesis 16:11

A'yo ava'ay oy xa ach'ut; ta xavoq'ues jun querem. Ismael chavac'be sbi, yu'un li Muc'ul Diose laj ya'ay ti oy ep avocole.

Génesis 4:10

Jech i'albat yu'un li Muc'ul Diose: —¿C'u yu'un ti jech laj apase? Li xch'ich'al avits'in laj amalbee x'avet ta jtojol, yu'un chisc'anbun vocol ti ac'o jchapanote.

Nehemías 9:9

Laj avil ti toj ep svocolic te ta Egipto li jmoltot jyame'cutic ta vo'one, xchi'uc laj ava'ibe li yoq'uel yavanelic c'alal te oyic ta Tsajal Nabe.

Job 35:9

“Ta scoj tsots uts'intael ch-avan li cristianoetique; ta scoj ilbajinel yu'un jpasmantaletic ch-oq'uic ta sc'anel vocol.

Salmos 102:1

Muc'ul Dios, a'ibun li jc'ope; c'otuc ta atojol li coq'uel cavanele.

Salmos 102:2

Mu me xanac' asat ta jtojol ti c'alal yorail oy jvocole; tuc'ulanbun li c'usi chacalbote. Ti c'alal yorail xivocolet ta atojole, tac'bun ta ora li jc'ope.

Salmos 12:5

Li Muc'ul Diose jech chal: “Ta sventa ti toj uts'intabil li me'onetique, ta sventa ti toj c'ux svocol li boch'o mu'yuc stu ch-ilatique, ja' yu'un ta xibat, chbat cac'be li coltael tsc'anique”, xi.

Salmos 18:6

C'alal ja'o oy ep jvocole, la jc'opan li Muc'ul Diose; la jc'anbe vocol li Dios cu'une. Laj ya'ibun jc'op c'alal to ta ch'ulna yu'un; i'och ta xchiquin ti xi'avet ta sc'anel vocol ta stojole.

Éxodo 1:14

Solel ven tsots i'ac'bat svocolic ta abtel. Puru vots' ach'el xchi'uc puru pat xamit la spasic. Xchi'uc i'ac'bat spasic scotol yantic abtel ta osil noxtoc. Jech tsots mozoinel laj yich'ic, tsots i'uts'intaatic.

Éxodo 4:19

C'alal te to'ox oy ta yosilal Madián li Moisese, jech i'albat yu'un li Muc'ul Diose: —Sutan batel ta Egipto, yu'un li boch'otic tsc'an ox ta smilicote ichamic xa —x'utat.

Éxodo 6:5

Li' ta orae laj xa jna' c'u x'elan svocolic li achi'iltac ta israelale; laj xa jna' ti ep ta sujvanic ta abtel li egiptoetique, jech it'ab ta co'nton li c'usi jchapanoj ono'oxe.

Éxodo 6:9

Ja' yu'un li Moisese bat yalbe ya'yic yan velta li xchi'iltaque, pero muc xa xich'ic ta muc', yu'un chibajem yo'ntonic ta scoj ti toj tsots mozoinbilique.

Éxodo 7:7

Li Moisese yich'oj xa'ox chanvinic (80) jabil; yan li Aarone yich'oj xa'ox oxib yo'vinic (83) jabil ti c'alal ay sc'opanic li faraone.

Isaías 19:20

Le'e ja' chtun sventa sna'ubil ta scotol yosilal Egipto li Muc'ul Dios ti ech'em svu'ele. C'alal ta xlic sc'anbeic vocol Muc'ul Dios ti ac'o coltaaticuc ta sc'ob li j'uts'intavanejetic te oy ta stojolique, li Muc'ul Diose chlic yac'be jcoltavanej yu'unic, yu'un ac'o coltaaticuc, ac'o pojaticuc.

Isaías 5:7

Li ts'usubtic yu'un Muc'ul Dios ti ech'em svu'ele, ja' li smomnich'nab Israele; ja' li jnaclumetic ta Judae, yu'un ja' la sts'un stuc, toj lec sc'anoj. La smala ti ac'o ch'unbatuc smantaltaque, pero puru milvanej no'ox la spasic; la smala ti ac'o spasic c'usi tuq'ue, pero puru oq'uel avanel no'ox ivinaj ta scojic.

Números 20:16

Jech te lic jc'anbecutic vocol li Muc'ul Diose. Laj ya'ibun li jc'opcutique. Jech la stac tal yaj'almantal; tal sloq'uesuncutic ta Egipto. Li' ta orae li' xa oyuncutic ta nopol sts'aquil avosilal ta lum Cades.

Hechos 7:30

“C'alal i'ech' xa'ox cha'vinic (40) jabile, te laj yac' sba ta ilel ta stojol jun j'almantal ta jtec' biq'uit ch'ix te ta xocol banamil ta vits Sinaí. Te ta yat c'oc' laj yil li j'almantale.

Deuteronomio 24:15

Tojic ta ora no'ox ta yorail ti c'alal ch-abtej avu'unique. Mu me xamalaic x'ic'um osil yu'un mu'yuc c'usi oy yu'un, ja' yu'un chtun yu'un li stojole; bal to sman o c'usitic chtun yu'un. Me mu jechuc chapasique, xu' tsc'anic parteal ta stojol li Muc'ul Diose, jech vo'oxuc oy amulic chc'ot ta stojol Muc'ul Dios.

Santiago 5:4

A'yo ava'yic, li scomelal stojol aviniquic ta c'aoj ti muc ts'acaluc laj atojic batele, sbats'ilic avanel. Li yavanelic jc'aojetique ic'ot ta stojol Cajvaltic ti ech'em svu'ele.

Jueces 4:3

Li ajvalil Jabine oy baluneb ciento (900) ta cot scareta pasbil ta tsatsal taq'uin. Li israeletique jtob (20) xa'ox jabil i'ochic ta sc'ob li ajvalile; tsots uts'intael laj yich'ic. Ts'acal to lic sc'anbeic vocol li Muc'ul Diose yu'un ac'o coltaaticuc.

1 Samuel 12:8

C'alal ibatic ta Egipto li Jacob xchi'uc smomnich'nabtaque, te laj yich'ic mozoinel yu'un li egiptoetique. Jech li jmoltot jyame'tic ta vo'onee lic sc'anbeic vocol li Muc'ul Diose. Ja' yu'un li Muc'ul Diose ja' la stac batel li Moisés xchi'uc Aarone; ja' bat sloq'uesic tal ta mozoil ta Egipto banamil li jmoltot jyame'tic ta vo'onee, jech li' ivul naquiicuc ta banamile.

1 Samuel 9:16

“Oc'om jech ora chac li'i ta jtac tal jun vinic chlic tal ta yosilal Benjamín; ja' xamalbe aceite ta sjol yu'un ja' chlic spas mantal ta stojol li jteclumale, ja' li achi'iltac ta israelale. Ja' tscolta loq'uel ta sc'ob li filistaetique yu'un laj ca'ay ti ep chc'opojic ta jtojol li jteclum cu'une”, x'utat.