Éxodo 2:22 - Bible in Tzotzil de Chenalhó with Deuterocanon

²² Li Seforae ivoc' jun yol. Gersón laj yac'be sbi li Moisese, yu'un jech laj yal: “Vu'un yanlum vinicun ti li' oyun tal ta yan banamile”, xi.

Bible in Tzotzil de Chamula

²² Ti antse laj yil jcot squerem. Ti Moisese laj yac'be sbi Gersón, yu'un xi laj yale: “Ti ta banomil li'e, jyanlumun.”

Éxodo 2:22 Iomraidhean Croise

Génesis 23:4

Jech c'ot yalbe: —Ac'o me yanlum vinicun ti li' nacalun ta atojolique, chonbicun jutebuc osil sventa te chbat jmuc li cajnile —xut.

1 Crónicas 16:20

ixanovic batel ta yantic banamiletic ta stojol yantic ajvaliletic.

1 Crónicas 29:15

Yu'un li vu'uncutique jxanubaluncutic no'ox; j'ech'el beuncutic no'ox ta atojol jech chac c'u cha'al li jtot jme'cutic ta vo'onee. Yu'un li jcuxlejalcutic li' ta sba banamile ja' no'ox jech chac c'u cha'al yaxinaltic ti mu xjalije.

Salmos 119:19

Yanlum no'ox c'otemun li' ta banamile; mu me xanac'bun ta jtojol li mantaletic avu'une.

Salmos 39:12

“Muc'ul Dios, tsacbun li jc'ope; a'ibun ti xi'oc'olet chajc'opanote. Mu me teuc no'ox aq'ueloj ti chloc' ya'lel jsate, yu'un li vu'une j'ech'el beun no'ox ta atojol; jxanubalun no'ox jech chac c'u cha'al ijelovic li jmoltot jyame'taque.

Éxodo 2:10

C'alal ich'i yu'une, bat yac'be li stseb faraone. Jech li stseb faraone la scuy ta bats'i yol stuc. Moisés laj yac'be sbi, yu'un jech laj yal: —Vu'un la jloq'ues tal ta vo' —xi.

Éxodo 22:21

“Li yanlumetique mu me xavuts'intaic, mu me xavutic, yu'un ja' jech yanlumoxuc ec ti c'alal te to'ox oyoxuc ta Egiptoe.

Éxodo 4:20

Ja' yu'un li Moisese laj yic' batel li yajnil xchi'uc xnich'nabe. La scajan batel ta buro, jech isutic batel ta Egipto. Te yich'oj batel li namte'al yu'un Diose.

Levítico 25:23

“Li banamile mu xu' chachonic o sbatel osil yu'un ja' cu'un. Li vo'oxuque j'ech'elbeoxuc no'ox; jch'om osiloxuc no'ox c'otemoxuc ta jtojol.

Hechos 7:29

C'alal laj ya'ay jech i'albat li Moisese, ijatov batel. Te c'ot nacluc ta yan banamil Madián sbi. Te la sa' yajnil; te ivoc' chib xnich'on.

Jueces 18:30

Li yalab xnich'nab Dane lic yich'ic ta muc' li sloc'obal sdiosic ti lec bisbil smuc'ule. Ja' la stiq'uic ta paleal li Jonatán, xnich'on Gersone; ja' li smomnich'on Moisese. Ja' i'ochilanic o ta paleal xchi'uc smomnich'nabtac c'alal to chucbil ibatic ta yan banamil.

1 Samuel 1:20

Jech te lic nabuc xch'ut li Anae. C'alal ivoc' li yole, ja' unin querem. Samuel laj yac'be sbi, yu'un c'anbil yu'un ta stojol Muc'ul Dios.