Éxodo 2:14 - Bible in Tzotzil de Chenalhó with Deuterocanon

¹⁴ Itac'ov li hebreo vinique: —¿Boch'o laj yac'bot avabtel? ¿Me yu'un vo'ot banquilalot, me vo'ot jchapanvanejot cu'uncutic? ¿Me chac amilun ava'ay noxtoc jech chac c'u cha'al laj amil jun egipto vinique? —xi. C'alal jech laj ya'ay li Moisese, ixi'. Yu'un laj ya'ay ti vinajem xa ti la smil jun egipto vinique.

Bible in Tzotzil de Chamula

¹⁴ Ti hebreo vinic taje xi laj staq'ue: —¿Buch'u laj sva'anot ta totil jpojvanej, ta banquilal jchapanvanej cu'uncutic? ¿Mi yu'un ta xamilun ava'i jech c'u cha'al laj amil ti egipcioe? C'alal jech laj ya'i ti Moisés ti va'i s'elan taje, xi', yu'un laj ya'i ti vinaj xa sc'oplal cham ti egipcioe.

Éxodo 2:14 Iomraidhean Croise

Génesis 13:8

Ja' yu'un li Abrame oy jun c'ac'al jech laj yalbe li Lote: “Li vu'utique cuts' calal jbatic. Mu lecuc ti oy c'op cu'untique, xchi'uc mu lecuc ti chut sbaic li jchabivacaxetic cu'untique.

Génesis 19:9

Pero li stuquique jech la staq'uic: —¡Q'uejo aba! Mu xu' chtal spasuncutic ta mantal yanlum vinic. Vo'ot me ech'em chopol c'usi chajpasbotcutic tana; ja' me mu'yuc c'usi chopol ta jpasbecutic tana li viniquetic te oy ta anae —xutic. La snet'ic batel li Lote; inopajic tal ta ti'na yu'un tsc'an tsvoq'uic ochel li ti'nae.

Génesis 34:27

Te ic'otic ec li yantic xnich'nab Jacobe; te ijelovic yo' bu oy li animaetique. Laj yich'ic batel scotol li c'usitic oy ta lume yu'un ja' tspaquic ti ilaj ta uts'intabel yixlalique.

Proverbios 19:12

C'alal ch-ilin li ajvalile, ja' jech chac c'u cha'al jcot león ti xlaquet no'oxe; yan li slequil yo'ntone ja' jech chac c'u cha'al job ac'ubal chyal ta vomoletic.

Proverbios 29:25

Me ja' chijxi'utic yu'un li cristianoetique, ta xchucvan jech chac c'u cha'al lasu; yan me ja' ta jpat co'ntontic ta stojol li Muc'ul Diose, mu'yuc xi'el chca'itic.

Números 16:13

¿Me yu'un mu'yuc tsots sc'oplal ta avo'nton ti laj aloq'uesuncutic tal ta jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e? ¿Me yu'un chac'an li' chavac' chamcuncutic ta xocol banamil? Xchi'uc ¿me yu'un chac'an ti vo'ot no'ox banquilal jpasmantalot cu'uncutique?

Números 16:3

Scotolic la stsob sbaic batel ta stojol li Moisés xchi'uc Aarone. Jech c'ot yalbeic: —Li' no'ox c'alal avabtelic li vo'oxuque. Scotol jchi'iltactic t'ujbilic yu'un Dios xu' chtunic yu'un, xchi'uc jcotoltic li' oy ta jtojoltic li Muc'ul Diose. ¿C'u yu'un ti toj muc' chavac' abaic xchi'uc avabtelic ta stojol li steclumal Diose? —xutic.

San Mateo 21:23

C'alal i'och ta ch'ulna li Jesuse, te lic chanubtasvanuc. C'alal ja'o ta xchanubtasvane, te italic li banquilal paleetique xchi'uc li moletic yu'unique, jech la sjaq'uic: —¿Bu avich'oj avabtel? ¿Boch'o laj yac'bot avabtel ti jech chapase? —xutic.

San Lucas 12:14

Li Jesuse jech laj yalbe: —Mu'yuc quich'oj cabtel ta jchapanvanej xchi'uc ta svoq'uel c'usi oy avu'unic —xut.

San Lucas 19:14

Pero ibajat yu'un li xchi'iltaque, jech lic staquic batel boch'o chbat yal ti bu batem yich' tal yabtele. Jech c'ot yalic: ‘Mu jc'ancutic ja' ta x'och ta ajvalilal cu'uncutic li jchi'ilcutic le'e’, xiic c'otel.

San Lucas 19:27

Jech noxtoc li boch'otic ta scontrainicun ti mu sc'anic vu'un chiventainvane, iq'uic tal scotol li'i. Li' ta jsat xamilic’, xi li ajvalile”, xi li Jesuse.

Hechos 7:35

“Li Moisés le'e ja' ti muc to'ox xich'ic ta muq'ue, ti jech laj yalbeique: ‘¿Boch'o laj yac'bot avabtel ta jpasmantal xchi'uc ta jchapanvanej?’, xutic. Pero Dios la stac batel, yu'un ja' chc'ot ta banquilal xchi'uc ta jcoltavanej yu'unic ti c'alal te ivinaj ta jtec' biq'uit ch'ix li j'almantale.

Hebreos 11:27

Ta sventa xch'unojel yo'nton li Moisese, jech iloc' batel ta Egipto banamil. Mu ja'uc ixi' ta sventa ti i'ilintaat yu'un li faraone. Tsots yo'nton laj ya'ay, yu'un xco'laj xchi'uc yilojbe sat laj ya'ay li Boch'o mu xquil ta jsatique.