Éxodo 2:11 - Bible in Tzotzil de Chenalhó with Deuterocanon

¹¹ C'alal sva'lej xa'ox li Moisese, oy jun c'ac'al ibat svu'lan li xchi'iltac ta israelale. Te laj yil ti toj tsots li yabtel ac'bilique. Ts'acal laj yil noxtoc jun egipto chac'be majel jun israel vinic.

Bible in Tzotzil de Chamula

¹¹ C'alal vinic xa ti Moisese, oy jun c'ac'al, loc' batel ta svu'lanel ti svinquileltaque. Laj yil ti mu x'ech' svocolic ta tsots abtele. Ja' o laj yil ti ta xmajat yu'un jun egipcio ti svinquilel ta hebreoale.

Éxodo 2:11 Iomraidhean Croise

Éxodo 1:11

Ja' yu'un li egiptoetique lic sva'anic jayibuc jpasmantaletic sventa ac'o yac'beic spas tsatsal abtel li israeletique. Jech lic yac'beic spasic chib lum; ja' Pitón xchi'uc Ramsés. Li faraone ja' laj yac' tunuc ta snail c'usitic chloc' yu'unic li egiptoetique.

Éxodo 3:7

pero li Muc'ul Diose te to chlo'ilaj o: —Quiloj scotol c'u x'elan xc'uxul svocolic li jteclum cu'un te ta Egiptoe. Ca'yoj ti xvocoletic ta jtojol ta scoj li boch'otic tsujvanic ta abtele, xchi'uc jna'oj lec scotol ti c'u x'elan chich'ic vocole.

Éxodo 5:4

Pero li ajvalil ta Egiptoe jech laj yal: —Moisés, Aarón, ¿c'u yu'un tal ach'aybeic yo'nton ta abtel li viniquetique? ¡Batanic, bat abtejanic! —xi.

Éxodo 5:5

Jech laj yal noxtoc li faraone: —Li' ta orae bats'i epic xa li israeletic li' ta cosilale, pero vo'oxuc tal apajesic ta abtel —xi.

Éxodo 5:9

Tsatsubtasbeic yabtelic. Ac'o oyuc lec yabtel scotolic yu'un jech mu xac' xchiquinic ta ya'yel li epalc'opetique —xi.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Isaías 58:6

Li lequil ictaej ixim ti lec chquile, ja' ti ac'o atuch'beic yaq'uil li uts'intaele, ti ac'o aloq'uesbeic alal icatsil li boch'o ep yicats avac'ojbeique, ti ac'o acoltaic li boch'o chucbilique, ti ac'o alajesbeic sc'oplal scotol li c'usi chac' vocole,

San Mateo 11:28

La'ic ta jtojol acotolic, vo'oxuc ti lubenoxuc yu'un li tsatsal abtele xchi'uc li alal icatsile, vu'un ta xcac' acux avo'ntonic.

San Lucas 4:18

“Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.