Éxodo 19:8 - Bible in Tzotzil de Chenalhó with Deuterocanon

⁸ C'alal laj ya'yic li israeletique jech laj yal scotolic: —Scotol li c'usi laj yal Muc'ul Diose ta jpascutic —xiic. Jech li Moisese bat yalbe Muc'ul Dios c'u x'elan itac'ov li israeletique.

Bible in Tzotzil de Chamula

⁸ Va'i un, ti israeletique co'ol sc'op scotolic ti xi laj staq'uique: —Ta jpascutic scotol jech c'u cha'al laj yal ti Diose. Jech ti Moisese laj yich' batel yo' ta xet'es ta stojol Dios ti c'u s'elan tac'bat yu'un ti israeletique.

Éxodo 19:8 Iomraidhean Croise

Nehemías 10:29

jmoj la xchapanic xchi'uc yuts' yalalic, xchi'uc banquilaletic yu'unic ti ja' no'ox tspasic c'usi chal li mantaletic laj yal Dios ta sventa yajtunele, ja' li Moisese. Laj yalic ta jamal ta stojol Dios ti ja' no'ox chch'unic o li mantaletic, li chanubtaseletic xchi'uc li c'usitic yan yaloj Muc'ul Dios cu'untique.

Éxodo 20:19

Jech laj yalbeic li Moisese: —Vo'ot no'ox xac'opanuncutic, ta jch'uncutic li c'usi chavale. Mu xa me xisc'opanuncutic li Diose yu'un naca me lichamcutic —xutic.

Éxodo 24:3

Li Moisese ivul yalbe xchi'iltac scotol li mantaletic xchi'uc li c'usitic yan laj yal Muc'ul Diose. Scotolic jech itac'ovic: —Ta jpascutic scotol li c'usitic laj yal Muc'ul Diose —xiic.

Éxodo 24:7

Ts'acal la stsac li svunal c'usi chapanbile, laj yapta ta stojol scotol li israeletique. C'alal laj ya'yique, jech laj yalic: —Ta jch'uncutic, ta jpascutic scotol li c'usitic laj yal Muc'ul Diose —xiic.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

Josué 24:21

Jech itac'ovic: —Mu xc'ot ta pasel jech. Ja' no'ox chituncutic yu'un li Muc'ul Diose —xiic.

Josué 24:24

Jech itac'ovic: —Ja' no'ox chituncutic o yu'un li Muc'ul Diose; ja' no'ox ta jch'unbecutic li c'usi chale —xiic.