Éxodo 19:4 - Bible in Tzotzil de Chenalhó with Deuterocanon

⁴ ‘Li vo'oxuque laj avilic c'usi la jpasbeic li egiptoetique, xchi'uc ti c'u x'elan laj quic'oxuc tal ta jtojole. Xco'laj xchi'uc ta jxic' la jcuchoxuc tal jech chac c'u cha'al xic.

Bible in Tzotzil de Chamula

⁴ “Ti vo'oxuque laj xa avilic ti c'u s'elan laj jpas ta stojol ti egipcioetique. Ti c'u s'elan laj quic'oxuc talel ti bu oyune, ti co'ol s'elan cuchbil latalic ta xic' ti muc' ta xique.

Éxodo 19:4 Iomraidhean Croise

Isaías 40:31

Pero li boch'otic ja' spatoj yo'ntonic o ta stojol Muc'ul Diose ch-ach'ub lec stsatsalic, ta xlich'an lec xiq'uic jech chac c'u cha'al xic. Lec xu' yu'un ch-anilajic, mu xlubic. Lec xu' yu'un chanovic, mu x'ech' yo'ntonic o.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Oseas 11:1

“C'alal biq'uit to'ox li Israele, toj lec jc'anoj. C'alal te oy ta Egipto li jnich'one, laj quic' loq'uel tal.

Hageo 2:5

“Jech chac c'u cha'al laj ono'ox calboxuc c'alal laloq'uic tal ta Egiptoe, ja' jech li' oy o ta atojolic li jtsatsale; mu me xaxi'ic.

Malaquías 2:10

¿Me mu junuc no'ox jtotic jcotoltic? ¿Me mu junuc no'ox Dios la spasutic? ¿C'u yu'un ti ta jlo'laan jbatic, ti ta jmacbe jba jsatic yu'un jech ta jsoquestic o c'usi la xchapanic xchi'uc Dios li jtot jme'tic ta vo'onee?

Deuteronomio 1:30

Ja' ba'yucbe chbat avu'unic li Muc'ul Dios cu'untique. Ja' stuc ta stsalboxuc batel avajcontraic jech chac c'u cha'al laj avilic la spas ta atojolic te ta Egipto,

Deuteronomio 1:31

xchi'uc ta xocol banamile. Li Muc'ul Dios cu'untique spetojoxuc tal ta xanubal c'alal to lavulic li' yo' bu oyutic jech chac c'u cha'al jun totil ti spetoj ta xanubal xnich'one’, xacutoxuc.

Deuteronomio 29:1

Li'i ja' li c'usitic la xchapan Muc'ul Dios ti laj yalbe Moisés ac'o spas xchi'uc scotol xchi'iltac te ta yosilal Moabe. Ja' slecoj o li c'usi la xchapan te ta vits Horebe.

Deuteronomio 29:2

Li Moisese lic stsob scotol li xchi'iltaque, jech laj yalbe: “Li vo'oxuque laj avilic scotol c'usi la spas Muc'ul Dios te ta Egipto ta stojol li faraón xchi'uc li xchi'iltac ta abtele, xchi'uc ta scotol ti c'u smuc'ul yosilale.

Deuteronomio 4:9

Ja' yu'un q'uelo me abaic. Mu me xch'ay ta avo'ntonic li c'usitic avilojique. Ja' me xanopilanic o. Albo me ya'yic li anich'nabique xchi'uc li amomnich'nabique.

Josué 23:3

Li vo'oxuque laj avilic scotol c'usi la spas Muc'ul Dios ta stojol li muc'tiquil lumetic c'alal la scontrainutique. Ja' stuc Dios la stsalboxuc scotol.

Apocalipsis 12:14

Pero li antse i'ac'bat chib xic' jech chac c'u cha'al xic' jun muc'ta xic, yu'un ac'o viluc loq'uel te ta stojol li chone. Ac'o batuc ta yavil ta xocol banamil ti bu chmac'linat o'lol xchanibal jabile.