Éxodo 19:3 - Bible in Tzotzil de Chenalhó with Deuterocanon

³ Li Moisese imuy batel yo' bu oy li Dios te ta vits Sinaie. Te ic'opanat yalel tal yu'un li Muc'ul Diose. Jech i'albat: —Jech xavalbe ya'yic scotol li smomnich'nabtac Jacobe, ja' li israeletique:

Bible in Tzotzil de Chamula

³ Ti bu taj une, muy batel ti Moisese yo' ta snup sbaic ta be xchi'uc ti Diose. Va'i un, ti Diose ta jol vits to ti xi laj yalbe talele: —Ti c'u s'elan jaybel c'opetic li'e, ja' no'ox jech xi xcholet xavet'es jelavel ta stojol ti israeletic ti ja' snitilultac ti Jacobe:

Éxodo 19:3 Iomraidhean Croise

Éxodo 19:20

Li Muc'ul Diose te iyal tal ta mero jolvits Sinaí. Laj yalbe Moisés ti ac'o muyuc batel ta jolvitse, jech imuy batel li Moisese.

Éxodo 20:21

C'alal nom va'alic batel li israeletique, li Moisese inopaj batel ta ic'al toc yo' bu oy li Diose.

Éxodo 24:12

Li Muc'ul Diose jech laj yalbe li Moisese: —Muyan batel ta vits te yo' bu ono'ox oyune. Te xamalaun, yu'un chacac'bot li pech'ajtic ton yo' bu ts'ibabil li mantaletic cu'une, yu'un ac'o achanubtas o li achi'iltaque —x'utat.

Éxodo 24:13

Li Moisese imuy batel te ta vits yu'un li Diose. La xchi'in muyel li Josuee, ja' li scoltaubbail ta abtele.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 3:4

C'alal laj yil Muc'ul Dios ti inopaj xa batel li Moisese, ic'opoj tal te ta jpets ch'ix: —Moisés, Moisés —xut. —Li' oyune —xi li Moisese.

Éxodo 34:2

Xchi'uc chapano aba sob oc'om. Muyan batel ta vits Sinaí; te xc'ot ava'an aba ta jtojol ta mero sjol vits.

Éxodo 34:4

Li Moisese lic spas li cha'pech ton jech chac c'u cha'al ta ba'yuque. Sob ta yoc'omal imuy batel ta vits Sinaí; laj yich' muyel li cha'pech ton jech chac c'u cha'al i'albat yu'un Muc'ul Diose.

Levítico 1:1

Li Muc'ul Diose la sc'opan li Moisés te ta ch'ulna pasbil ta nucule. Jech laj yalbe:

Hechos 7:38

Ja' ono'ox Moisés ti te xchi'uc ta xocol banamil scotol li jmoltotactic ta vo'onee, ti te xchi'inoj o li j'almantal ti ic'opanat yu'un te ta vits Sinaie. Ja' ti la xch'am tal li c'opetic sventa cuxlejale, jech laj yac'butic ec li vu'utique.