Éxodo 19:16 - Bible in Tzotzil de Chenalhó with Deuterocanon

¹⁶ Ta yoxibal c'ac'al c'alal isacub osile, xleblajet no'ox sacsevul, ibac' ep chauc, xchi'uc te ivul ta vits pimil toc. Tsots i'oc' oq'ues, jech iniquic ta xi'el scotol li israeletique.

Bible in Tzotzil de Chamula

¹⁶ Va'i un, ta sacubel osil ta yoxibal (3) c'ac'ale, xc'avlajet no'ox liquel ti chauque. Xjaplajet no'ox liquel ti sac tsele. Volol vul jun ic'al lumal toc ta sjol ti vitse. Tsots xvochet xa liquel ti oq'uesetique, ti xniquic xa liquel ta xi'el scotol ti c'u yepal tey vololique.

Éxodo 19:16 Iomraidhean Croise

2 Samuel 22:10

La stsulesbe jutuc li spoc'al vinajele, jech iyal tal. Oy ep pimil ic'al toc te ta yolon yacan.

2 Crónicas 5:14

Li paleetique mu xa xu' ch-abtejic ta scoj li toque, yu'un inoj ta xojobal Muc'ul Dios li ch'ulnae.

Job 38:25

¿Boch'o tsjambe loq'uel sbe li chauquil vo'e? ¿Boch'o tsbeiltas batel li sacsevuletic, li chauquetic,

Salmos 50:3

Li Dios cu'untique ta xtal, pero muc jeche'uc ch'anxi ti c'alal ta xtale; ta xtal xchi'uc c'oc' ti chchic'vane, joyibtabil tal ta tsatsal ic'.

Salmos 77:18

Ivinaj xt'omlajet no'ox ta sutub ic' li chauquetic avu'une. Li sacsevuletique isacjamtaj yu'unic li banamile; tsots ibac', tsots inic li banamile.

Salmos 81:8

Vo'oxuc jteclumal, a'ibicun li jc'ope; israeletic a'ibicun li jc'ope.

Salmos 97:4

Sacuben banamil yu'un li sacsevuletic yu'une. Li banamile inic ti c'alal laj yile.

Éxodo 19:11

ac'o xchapan sbaic lec sventa cha'ej. Yu'un cha'ej chiyal tal ta vits Sinaí ta sat scotol achi'iltac, vu'un li Muc'ul Diosune.

Éxodo 19:15

Li Moisese jech laj yalbe li xchi'iltaque: —Chapano abaic sventa cha'ej; mu xa me xachi'in avajnilic —xut.

Éxodo 19:17

Li Moisese laj yic' loq'uel ta scarpanaic li israeletique, bat snupic li Diose; te ic'otic ta yoc vits.

Éxodo 19:9

Li Muc'ul Diose jech laj yal: —A'yo ava'ay, te chibat ta atojol ta jun pimil toc, yu'un ac'o ya'yic scotol achi'iltac ti ta jchi'inot ta lo'ile, jech xu' chayich'icot ta muc' —x'utat. Li Moisese te lic yalbe ya'ay c'u x'elan itac'ovic li israeletique.

Éxodo 20:18

Li israeletique laj yil, xchi'uc laj ya'ay stuquic ti tsots ibac' chauque, xchi'uc li sacsevule, xchi'uc ti tsots i'oc' oq'uese, xchi'uc ti macal ta ch'ayil li vitse. Pero ixi'ic ta jyalel; nom bat sva'anan sbaic.

Éxodo 20:21

C'alal nom va'alic batel li israeletique, li Moisese inopaj batel ta ic'al toc yo' bu oy li Diose.

Éxodo 40:34

li ch'ulna pasbil ta nucule ital pixatuc ta toc, jech inoj ta xojobal Muc'ul Dios li yut ch'ulnae.

Éxodo 9:23

Li Moisese la stoy muyel snamte' ta vinajel, jech li Muc'ul Diose laj yac' tal chauc, xchi'uc sacsevul, xchi'uc epal bot. Ilaj ta bot scotol li Egipto banamile.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

Nahúm 1:3

Ta melel li Muc'ul Diose toj muc' yo'nton, pero toj ech'em svu'el; muc teuc no'ox tsts'icbe li boch'o oy smule. Li Muc'ul Diose te chanov ta tsatsal ic'al vo' xchi'uc ta sutub ic'; li toque ja' spucucal yacan.

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

Deuteronomio 5:5

Li vu'une oyun ta o'lol yu'un Muc'ul Dios xchi'uc li vo'oxuque sventa vu'un chacalboxuc c'usi laj yal li Muc'ul Diose. Yu'un li vo'oxuque laxi'ic yu'un li c'oq'ue, jech muc xamuyic batel ta vits. Li Muc'ul Diose jech laj yal:

Hebreos 12:21

Toj ven xi'bal sba li c'usitic laj yilique, c'alal ta Moisés jech laj yal ec: “Chinic ta xi'el ta jyalel”, xi.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.

Apocalipsis 11:19

Laj quil ijam li ch'ulna yu'un Dios ta vinajele. Te ivinaj li xcaxail smantal Diose, xchi'uc iloc' ep sacsevul, chauquetic, niquel, muc'tic bot, xchi'uc ep c'usitic yan ibac'.

Apocalipsis 4:1

C'alal jech li'albat scotol chac' le'e, ts'acal laj quil jamal ti'na ta vinajel. Li c'op ti ba'yuc laj ca'ay, ti xco'laj xchi'uc x'oc' oq'uese, jech laj yalbun: “La' muyan tal li'i; vu'un chacac'bot avil scotol li c'usitic ta to xc'ot ta pasele”, xiyutun.

Apocalipsis 4:5

Ta muc'ta chotlebale te chloc' sacsevuletic, xchi'uc xc'ulet no'ox chauquetic. Ta yeloval li chotlebale oy vucub candil te tsanajtic; le'e ja' li vucub espíritu yu'un Diose.

Apocalipsis 8:5

Li j'almantale la stsac li xchic'ubil pome. La snojes ta ac'al ti te oy ta scajleb smoton Diose; la sjip yalel tal li' ta banamil. Jech tsots ibac' chauc, xchi'uc ep c'usitic yan ibac', xchi'uc ivinaj ep sacsevul, xchi'uc ital tsots niquel.