Éxodo 19:15 - Bible in Tzotzil de Chenalhó with Deuterocanon

¹⁵ Li Moisese jech laj yalbe li xchi'iltaque: —Chapano abaic sventa cha'ej; mu xa me xachi'in avajnilic —xut.

Bible in Tzotzil de Chamula

¹⁵ Ja' yu'un un, ti Moisese xi laj yale: —Chapano abaic ta sventa ti cha'eje. Ti jech yorail taje, ma'uc me ti yan xa yesic ti vinic antse.

Éxodo 19:15 Iomraidhean Croise

1 Crónicas 15:12

Jech laj yalbe: “Vo'oxuc li banquilaloxuc ta jujuchop yu'un levietique, ac'o ta lecubtasel abec'talic, yu'un chavich'ic jelovel li xcaxail smantal Muc'ul Dios yu'un Israele, te xbat avaq'uic ta yavil yo' bu chapanbil cu'une.

Éxodo 19:11

ac'o xchapan sbaic lec sventa cha'ej. Yu'un cha'ej chiyal tal ta vits Sinaí ta sat scotol achi'iltac, vu'un li Muc'ul Diosune.

Éxodo 19:14

Li Moisese iyal tal ta vits; vul yalbe xchi'iltac ti ac'o xchapan sbaic, ti ac'o xchuc' lec sc'u'ique.

Éxodo 19:16

Ta yoxibal c'ac'al c'alal isacub osile, xleblajet no'ox sacsevul, ibac' ep chauc, xchi'uc te ivul ta vits pimil toc. Tsots i'oc' oq'ues, jech iniquic ta xi'el scotol li israeletique.

Joel 2:16

Tsobic scotol li achi'iltaquique, ac'o abaic ta lecubtasel; tsobic li moletique, tsobic li queremetique xchi'uc li boch'otic ta to xchu'unique. Ac'o to scomtsan sna li querem ti ja' to i'och ta nae; ac'o to scomtsan sna li tseb ti ja' to inupi its'aquie.

Levítico 15:18

“C'alal chchi'in sbaic xchi'uc yajnil li vinique, ac'o atinicuc lec xchibalic, pero chopol chcomic o c'alal to ch-och ac'ubal.

Amós 4:12

“Ja' yu'un Israel, ja' jech ta jpasbot o, yu'un jech jnopoj o. Chapano me aba sventa chtal ava'an aba li' ta jtojole”, xi li Diose.

Zacarías 6:3

Li yoxibale nitbil ta saquil ca'etic. Li xchanibale nitbil ta pinto ca'etic.

Zacarías 7:3

xchi'uc bat sc'opanic li j'alc'opetic xchi'uc li paleetic te ta xch'ulna Muc'ul Dios ti tspas ta mantal scotol te ta vinajele, jech c'ot yalbeic: “¿Me te no'ox chcat co'ntontic o, chquictatic o ixim ta yo'obal u jech chac c'u cha'al la jpasilantic xa tal jayibuc jabile?”, xutic.

Malaquías 3:2

¿Boch'o chcuch yu'un ti c'alal yorail chtale? ¿Boch'o xu' lec va'al chcom ti c'alal chvul ta loq'uele? Yu'un ja' jech chvul jech chac c'u cha'al c'oc' ti chchic' loq'uel li c'usi mu xtune; ja' jech ch-abtej chac c'u cha'al lequil xavon ti tsloq'ues scotol li ic'ubale.

San Mateo 24:44

Ja' yu'un li vo'oxuque, tsc'an ti lec chapaloxuque. Yu'un ti c'alal mu'yuc anopoj chamalaicune, ja'o chital, vu'un ti Xnich'on cristiano lic'ote.

1 Corintios 7:5

Jech tsc'an ti mu xajalan abaique. Ja' no'ox me co'ol chanop achibalic ti tsots sc'oplal chac'opanic Dios jayibuc c'ac'ale, xu' mu xachi'in abaic. Ts'acal xlic achi'in abaic yan velta, yu'un naca me spasboxuc preva avo'ntonic banquilal pucuj ta scoj ti mu xu' avu'un atuquique.