Éxodo 19:11 - Bible in Tzotzil de Chenalhó with Deuterocanon

¹¹ ac'o xchapan sbaic lec sventa cha'ej. Yu'un cha'ej chiyal tal ta vits Sinaí ta sat scotol achi'iltac, vu'un li Muc'ul Diosune.

Bible in Tzotzil de Chamula

¹¹ Ja' yu'un un, chapalucoxuc me lec ta sventa ti cha'eje. Yu'un ti cha'eje, ta sba ta sat scotol israeletic, ta xiyal talel ta vits Sinaí ti vu'un Ajvalilune.

Éxodo 19:11 Iomraidhean Croise

Génesis 11:5

Li Muc'ul Diose iyal tal, yu'un tal sq'uel li lume xchi'uc li q'uelub osil tspasic li cristianoetique.

Nehemías 9:13

“Ts'acal layal tal ta vits Sinaí, laj ac'opan yalel tal c'alal ta vinajel li jmoltotaccutique. Laj avac'be tuq'uil tojobtasel xchi'uc mantaletic ti puru melelique, xchi'uc lequil chanubtasel, xchi'uc yantic c'usitic ac'o spasic.

Salmos 144:5

Muc'ul Dios, jamo li vinajel avu'une, yalan tal; pico li vitsetique, ac'o loc'uc xch'ayilal.

Salmos 18:9

La sjam li vinajele, jech iyal tal; ta yolon yacane oy ep pimil ic'al toc.

Éxodo 19:16

Ta yoxibal c'ac'al c'alal isacub osile, xleblajet no'ox sacsevul, ibac' ep chauc, xchi'uc te ivul ta vits pimil toc. Tsots i'oc' oq'ues, jech iniquic ta xi'el scotol li israeletique.

Éxodo 19:18

Li vitse iloc' ep xch'ayilal yu'un iyal tal ta c'oc' li Muc'ul Diose. Li xch'ayilale xco'laj xchi'uc xch'ayilal tocalte'. Li vitse tsots inic.

Éxodo 19:20

Li Muc'ul Diose te iyal tal ta mero jolvits Sinaí. Laj yalbe Moisés ti ac'o muyuc batel ta jolvitse, jech imuy batel li Moisese.

Éxodo 24:16

Li xojobal Muc'ul Diose te icom ta vits. Vaquib c'ac'al te pixil ta toc li vitse. Ta svucubal c'ac'ale li Muc'ul Diose ic'opoj tal ta o'lol yut toc yu'un laj yic' li Moisese.

Éxodo 24:17

Te ta mero toyol jolvits laj yilbeic xojobal Muc'ul Dios scotol li israeletique. Xco'laj xchi'uc c'oc' laj yilic ti chchic'vane.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Éxodo 34:2

Xchi'uc chapano aba sob oc'om. Muyan batel ta vits Sinaí; te xc'ot ava'an aba ta jtojol ta mero sjol vits.

Éxodo 34:5

Li Muc'ul Diose iyal tal ta toc; te la xchi'in sbaic xchi'uc li Moisese. Te lic yal li sbie.

Números 11:17

Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

San Juan 3:13

“Mu'yuc boch'o ayem sq'uel tal ta vinajel ti xu' ta xalboxuque. Vu'un no'ox te liquemun tal; vu'un ti Xnich'on cristiano lic'ote.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

Deuteronomio 33:2

Jech laj yalbe chac li'i: “Li Muc'ul Dios cu'untique ilic tal ta Sinaí; la sacubtasbutic c'alal to ta Seir. Sacjaman yu'un c'alal to ta vits Parán; staoj c'alal to ta Meriba-cades; ta sbats'ic'ob yich'ojbutic tal li mantaletic yu'une.

Deuteronomio 4:10

“C'alal te tsoboloxuc ta stojol Dios cu'untic ta vits Horebe, jech laj yalbun li Muc'ul Diose: ‘Tsobo tal scotol li achi'iltaque yu'un ac'o ya'yic li c'usi chcale, xchi'uc ac'o xchanic c'u x'elan xu' chiyich'icun ta muc' ti jayib c'ac'al cuxulique, ja' no'ox jech xu' chlic xchanubtas xnich'nabic ec’, xiyutun.

Josué 3:5

Li Josuee jech laj yalbe li xchi'iltaque: “Ac'o abaic ta lecubtasel, yu'un oc'om chavilic ta spas sq'uelubil stsatsal li Muc'ul Diose”, xut.