Éxodo 19:10 - Bible in Tzotzil de Chenalhó with Deuterocanon

¹⁰ Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Bible in Tzotzil de Chamula

¹⁰ Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Éxodo 19:10 Iomraidhean Croise

Génesis 35:2

Li Jacobe laj yalbe ya'ay li yajnil xnich'nabe xchi'uc scotol li boch'otic te xchi'uque: —Loq'uesic scotol li sloc'obal diosetic avich'ojic tale. Atinanic lec; lapo yan ac'u'ic.

2 Samuel 19:24

Jech noxtoc li Mefi-boset xnich'on Saule iloc' snup ta be ec li ajvalile. C'alal iloc' batel li ajvalile xchi'uc c'alal to isut tale, yoquel mu'yuc spocoj o yacan, mu'yuc sloc'oj o yisim, xchi'uc mu'yuc xchuc'oj o sc'u' li Mefi-bosete.

2 Crónicas 29:34

Ta sventa ti mu'yuc epic li paleetique, mu xcuch yu'unic xcho'el li matanal sventa chich' chiq'uele. Jech persa icoltaatic yu'un li yuts' yalalique, ja' li levietique, ja' to ti c'alal icuch yu'unic scotole, xchi'uc ja' to ti c'alal laj yac' sbaic ta lecubtasel li yantic paleetique. Yu'un li levietique ja' ic'ot lec ta yo'ntonic chac' sbaic ta lecubtasel ta ora sventa li abtele. Yan li paleetique mu jechuc la spasic.

2 Crónicas 29:5

Jech laj yalbe: “Levietic, a'yic c'usi ta xcal. Lecubtaso abaic; lecubtasic noxtoc li ch'ulna yu'un Muc'ul Dios yu'un jtotic jme'tic ta vo'onee. Loq'uesic scotol li c'usitic chopol te oye.

Job 1:5

C'alal chcuch yu'unic spasel li q'uine, li Jobe chic'an li xnich'nabe. Sob chliquic ta yoc'omal; chchic' smoton Dios ta sventa li jujun xnich'nabe, yu'un chac' ta lecubtasel ta sventa smulic. Yu'un li Jobe jech snopoj ta yo'nton: “Oy yic'al oy bu tsta smulic; oy bu chchopolc'opojic ta stojol Dios ta yo'ntonic li jnich'nabe”, xi. Ja' yu'un ja' jech la spasilan o.

Levítico 11:25

“Me oy boch'o ta stsac jcotuc li chamen chon le'e ac'o xchuc' sc'u', pero te chopol chcom o c'alal to ch-och ac'ubal.

Levítico 15:5

“Boch'ouc no'ox ta spic ti bu chmochi li vinique ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Números 11:18

Albo mantal scotol li achi'iltaque, ac'o slecubtas sbaic sventa oc'om, yu'un ta xcac'be ti'bol sti'ic. Yu'un laj ca'ay ti ep ch-oq'uique xchi'uc ti jech chalique: ‘Oyuc bu jtatic ti'bol jti'tique. Ja' toj lec ti c'alal te to'ox oyutic ta Egiptoe’, xiic. Lec oy, vu'un ta xcac'be tal ti'bol sti'ic.

Números 19:19

Li vinic ti lec oye xu' ja' ac'o svij ta ya'lel stanil me' vacax ta yoxibal c'ac'al xchi'uc ta svucubal c'ac'al li boch'o soquem sc'oplale. C'alal me laj xa yich' lecubtasel ta svucubal c'ac'ale, ac'o xchuc' lec sc'u'. Ac'o atinuc lec; ta yic'ubel osil lecuben xa chcom.

Números 31:23

ja' sc'oplal scotol li c'usitic xcuch yu'un c'oq'ue, tiq'uic ta c'oc' jech lecubtasbil ta xcom o. Xchi'uc poquic o ta vo' sventa lecubtasel. Yan li c'usitic mu xcuch yu'un c'oq'ue ja' no'ox xavaq'uic ta lecubtasel ta vo'.

Números 31:24

Ta svucubal c'ac'al ac'o xchuc' lec sc'u'ic, jech lecubtasbil xa chcomic o. Ts'acal ac'o ochicuc batel ti bu oy acarpanaique, xi yaloj li Muc'ul Diose —xut.

Números 8:21

Li levietique laj yich'ic lecubtasel, xchi'uc la xchuc' lec sc'u'ic. Jech li Aarone laj yac' ta stojol Dios. Ja' jech ic'otic jech chac c'u cha'al lequil matanal. Xchi'uc la spas li c'usitic tsc'an pasel ta sventa chich'ic lecubtasele.

Números 8:7

Ti c'u x'elan tsc'an chalecubtase ja' jech chac li'i: Vijo ta vo', ja' li vo' sventa lecubtasele. Ts'acal ac'o xjux loq'uel scotol stsotsil sbec'talic, xchi'uc ac'o xchuc' lec sc'u'ic, jech lec xa chcomic o.

1 Corintios 6:11

Oy to'ox boch'o jech la spas avu'unic, pero li' ta orae pocbiloxuc xa, lecubtasbiloxuc xa. Tuc' xa avo'ntonic chayiloxuc Dios ta sventa li Cajvaltic Jesuse xchi'uc ta sventa li Espíritu yu'un Dios cu'untique.

Hebreos 10:22

jech ac'o nopajcutic batel ta scotol co'ntontic, xchi'uc ta sventa ti j'ech'el jch'unojtic oe. Yu'un lecubtasbil xa co'ntontic, jech pocbil xa li c'usi chopol oy ta jol ta co'ntontique, xchi'uc pocbil xa jbec'taltic ta lequil vo'.

Josué 3:5

Li Josuee jech laj yalbe li xchi'iltaque: “Ac'o abaic ta lecubtasel, yu'un oc'om chavilic ta spas sq'uelubil stsatsal li Muc'ul Diose”, xut.

Josué 7:13

Lican, tsobo scotol li achi'iltaque. Albo ya'yic ti ac'o xchapan sbaique; ac'o slecubtas sbaic ta sventa oc'om. Scotolic ac'o tal sva'an sbaic ta jtojol, vu'un li Muc'ul Diosun avu'unique. Jech chcalbeic li achi'iltaque: ‘Vo'oxuc israeletic, te oy ta atojolic li c'usi albil sc'oplal chich' ulesel oe. Me mu xaloq'ues ta atojolique, mu xu' avu'un chatsalic o li avajcontraique’, xcut chcalbeic.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.

1 Samuel 16:5

Itac'ov li Samuele: —Tal, yu'un tal jmilbe smoton Muc'ul Dios. Lecubtaso abaic, bat chi'inicun ta smilbel smoton li Muc'ul Diose —xut. Li Samuele te lic slecubtas li Isaí xchi'uc xnich'nabe; laj yalbe ti ac'o bat chi'inatuc ta smilbel smoton Muc'ul Diose.