Éxodo 19:1 - Bible in Tzotzil de Chenalhó with Deuterocanon

¹ Li israeletique te ic'otic ta vits Sinaí te ta xocol banamil ta yoxibal u sloq'uelic tal ta Egipto.

Bible in Tzotzil de Chamula

¹ Ti israeletique c'otic ta sbajtical banomil yu'un Sinaí c'alal yoxibal (3) xa ox yual sloq'uelic talel ta Egiptoe.

Éxodo 19:1 Iomraidhean Croise

Éxodo 12:2

“Li u li'i, ja' li sliqueb u yu'un jabile, tsots me sc'oplal chcom avu'unic.

Éxodo 12:51

Ja' jech sc'ac'alil la sloq'ues batel ta Egipto li jaychop yu'untac Muc'ul Diose, ja' li israeletique.

Éxodo 12:6

Mu to xamilic, te to xanaq'uic c'alal ta xchanlajunebal c'ac'al yochel li u li'i. Ta smalel c'ac'al ta xchanlajunebal li u li'i, acotolic li israeloxuque ja'o xamilic li chij, o li tentsune.

Éxodo 16:1

Scotol li jaychop israeletique iloq'uic batel ta Elim; te ic'otic ta xocol banamil ta Sin, ja' cacal ta o'lol yu'un li Elim xchi'uc Sinaie. Ja' ta yo'lajunebal c'ac'al yochel xchibal u sloq'uelic tal ta Egipto.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 40:2

“Ta sba c'ac'al li sliqueb ue xu' xa chlic ava'anic li ch'ulnae, ja' li ch'ulna bu ta jta jbatic ta c'opanele.

Ezequiel 20:10

Vu'un la jloq'uesic tal ta Egipto; laj quiq'uic tal ta xocol banamil.

Números 1:1

C'alal xchibal xa'ox u stsacoj chib jabil sloq'uelic tal ta Egipto li israeletique, ta sba c'ac'al li xchibal ue, jech i'albat yu'un Muc'ul Dios li Moisés te ta vits Sinaí ti c'alal te oy ta ch'ulna pasbil ta nucule:

Números 10:12

Li israeletique itotsic batel scotolic, la scomtsanic li xocol banamil Sinaie. Li toque te ic'ot pajuc ta xocol banamil ta Parán.

Números 3:14

Li Muc'ul Diose la sc'opan yan velta li Moisés te ta Sinaí ta xocol banamile, jech laj yalbe:

Números 33:15

Iloq'uic tal ta Refidim; te vul spas scarpanaic ta xocol banamil ta Sinaí.

Deuteronomio 1:6

“Li Muc'ul Dios, ja' li Dios cu'untique, jech laj yal ti c'alal te to'ox oyutic ta vits Horebe: ‘Ep xa jabil ti li' oyoxuc ta vitse.

Deuteronomio 4:10

“C'alal te tsoboloxuc ta stojol Dios cu'untic ta vits Horebe, jech laj yalbun li Muc'ul Diose: ‘Tsobo tal scotol li achi'iltaque yu'un ac'o ya'yic li c'usi chcale, xchi'uc ac'o xchanic c'u x'elan xu' chiyich'icun ta muc' ti jayib c'ac'al cuxulique, ja' no'ox jech xu' chlic xchanubtas xnich'nabic ec’, xiyutun.

Deuteronomio 4:15

“C'alal la sc'opanoxuc ta o'lol yat c'oc' li Muc'ul Dios te ta vits Horebe, mu'yuc c'usi xavilbeic sloc'obal. Ja' yu'un bijanic me.

Deuteronomio 5:2

“Li Muc'ul Dios cu'untique oy c'usi la xchapan ta jtojoltic te ta vits Horeb.