Éxodo 18:9 - Bible in Tzotzil de Chenalhó with Deuterocanon

⁹ Li Jetroe toj xcuxet no'ox yo'nton c'alal laj ya'ay ti toj ep laj yac' ta ilel slequil yo'nton Muc'ul Dios ta stojol li israeletique; ja' ti la scolta loq'uel tal ta sc'ob li egiptoetique.

Bible in Tzotzil de Chamula

⁹ Jech ti Jetroe xmuyubaj xa ti laj ya'i ti ep laj yac' ta ilel xc'uxul yo'nton ti Dios ta stojol ti israeletic ti laj spoj loq'uel ta yoc ta sc'ob ti egipcioetique.

Éxodo 18:9 Iomraidhean Croise

Isaías 44:22

Li vu'une laj xa jch'aybot li atoyobbaile; laj xa jmes loq'uel li amule; muc xvinaj bu ibat cu'un jech chac c'u cha'al lumal toc. Sutan me tal ta jtojol, yu'un vu'un la jcha'pojot loq'uel tal”, xi li Muc'ul Diose.

Isaías 44:23

Vinajel, avanan ta xcuxetel avo'nton ta sventa ti toj lec c'usi la spas li Muc'ul Diose; yutil banamil, avanan ta xcuxetel avo'nton. Muc'tic vitsetic, toyolal te'tic, xchi'uc yantic te'etic, cuxetuc no'ox avo'ntonic, albeic slequilal. Yu'un li Muc'ul Diose laj xa yac' ta ilel yutsilal slequilal; yu'un laj xa xcha'poj loq'uel tal li Jacobe, laj xa yac' ta ich'el ta muc' li Israele.

Isaías 63:7

Ta jc'an ta xcalilan c'u x'elan slequil yo'nton li Muc'ul Diose; ta xcalilanbe ep slequilal, yu'un toj ep li c'usitic la spas ta jtojoltique, xchi'uc toj ep slequil yo'nton ta jtojoltic vu'utic li israelutique. Toj lec c'usi la spas ta sventa slequil yo'nton, xchi'uc ta sventa ti toj c'uxutic ta yo'ntone.

Isaías 66:10

Cuxetuc no'ox avo'nton achi'uquic li Jerusalene; tse'inan no'ox achi'uquic vo'oxuc ti lec ac'anojique; cuxetuc avo'nton achi'uquic vo'oxuc ti ep laj avoc'taique.

Romanos 12:10

Talbat xac'an abaic ta sventa ti co'ol ach'unojique. Talbat chavich' abaic ta muc'.

Romanos 12:15

Cuxetuc avo'nton achi'uquic li boch'o xcuxet yo'ntone; oc'an achi'uquic li boch'o ch-oq'uique.

1 Corintios 12:26

Ja' yu'un me oy svocol jchopuc li jbec'taltique, oy svocol cha'ay ta scotolic. Me lec c'uxubinbil jchopuc li jbec'taltique, lec c'uxubinbil cha'ay ta scotolic.

1 Samuel 15:6

Jech laj yalbe li quenetique: —Voc'o abaic loq'uel ta stojol li amalequetique yu'un jech mu teuc capal xacham achi'uquic. Yu'un li vo'oxuque lec laj apas abaic ta stojol israeletic ti c'alal iloq'uic tal ta Egiptoe —xut. Ja' yu'un li quenetique lic svoc' sbaic loq'uel ta stojol li amalequetique.