Éxodo 18:7 - Bible in Tzotzil de Chenalhó with Deuterocanon

⁷ Li Moisese iloc' snup ta be li smuni'e. La snupbe sc'ob; la sts'uts'. Te la sjac'be sbaic c'u x'elanic. Ts'acal i'ochic ta yut carpana.

Bible in Tzotzil de Chamula

⁷ Jech ti Moisese loc' batel, bat snup ta be ti smuni'e. Laj snijan sba ta stojol, laj snup. C'alal laj slo'ilique, laj yic' ochel ta yut yaxibalna.

Éxodo 18:7 Iomraidhean Croise

Génesis 14:17

C'alal isut batel ta stsalel li ajvalil Quedorlaomer xchi'uc li yan ajvaliletic ti co'ol yo'ntonic xchi'uque, li ajvalil ta lum Sodomae iloc' snup ta be te ta stenlejaltic Save li Abrame, ja' li Stenlejal yu'un Ajvalil sbie.

Génesis 18:2

C'alal la stoy sat li Abrahame, laj yil oy oxib viniquetic te va'alic ta stojol. C'alal laj yile, iva'i ta anil; bat snup ta be. La squejan spatan sba ta banamil.

Génesis 19:1

C'alal ic'otic ta Sodoma li chib yaj'almantal Diose, yu'un xa'ox ch-ic'ub osil. Li Lote te chotol ta ti'coralton yu'un li lume, ja' te yo' bu stsobobbailic li cristianoetique. C'alal laj yil li Lote, ilic; bat snup ta be ta ora. La squejan spatan sba ta banamil.

Génesis 29:13

C'alal laj ya'ay Labán c'usi laj yal li Jacobe, ja' li yol yixlale, ibat ta anil; bat snup ta be. La smey; la sts'uts'. Laj yic' batel ta sna. Li Jacobe te lic xcholbe ya'ay scotol li c'usitic c'otem ta pasele.

Génesis 31:28

Me jutuc muc xavac'bun jts'uts' tal li jtsebetique xchi'uc li jmomnich'nabtaque. Xco'laj xchi'uc avich'oj chuvaj, yu'un mu'yuc lec li c'usi laj apase.

Génesis 43:26

C'alal ic'ot ta sna li Josee, li viniquetique laj yac'beic li smoton yich'ojbeic batele. La spatan sbaic ta banamil ta stojol li Josee.

Génesis 45:15

Li Josee ts'acal la smeyan scotol li sbanquiltaque; te i'oc' noxtoc. C'alal jech ic'ot ta pasele, li sbanquiltac Josee itsatsub yo'ntonic, lic sc'opanic lec li yits'inic Josee.

Génesis 46:29

Li Josee laj yac' ta chapanel scareta sventa chcaji batel, yu'un chbat snup ta Gosén li stote. C'alal ic'ot yo' bu oy li stote, c'ot xvoch' ta meyel. Jal laj yoc'ta sbaic.

2 Samuel 11:7

C'alal ic'ot li Uriase, li Davide la sjac'be c'u x'elan li Joabe xchi'uc li soldadoetique, xchi'uc c'u x'elan chbat li pleitoe.

1 Reyes 2:19

Jech li Betsabee ibat sc'opan li ajvalil Salomón ta sventa li Adoniase. Li ajvalile itots, la snup li sme'e; la squejan sba ta stojol. Ts'acal bat chotiuc ta xchotleb yan velta. Laj yal mantal ti ac'o yich'ic tal jun xila sventa chchoti li sme'e; te la xchotan ta sbats'ic'ob.

Salmos 2:12

Yu'un jech mu x'ilin ta atojolic, naca me chamanic ta be yu'un; yu'un mu vocoluc xu' tstsan li sc'ac'al yo'ntone. Xcuxet no'ox yo'nton li boch'otic ja' spatoj yo'ntonic yu'une.

Éxodo 18:6

Jech c'ot yalbe li Moisese: —Vu'un amuni' Jetroun, tal jq'uelotcutic jchi'uc li avajnile xchi'uc li chib anich'nabe —xut.

Éxodo 33:7

Li Moisese laj yich' loq'uel li ch'ulna pasbil ta nucule. Nom to jutuc bat yac' yo' bu spasoj scarpanaique. Ja' ch'ulna pasbil ta nucul yo' bu chc'opanat Muc'ul Dios, xi sbi laj yac'be. Jech c'alal oy c'usi tsc'an tsjaq'uic ta stojol Muc'ul Diose, te to chbatic yo' bu oy li ch'ulna pasbil ta nucule yu'un nom xa jutuc yiloj sbaic xchi'uc ti bu spasoj scarpanaique.

Éxodo 4:27

Pero li Muc'ul Diose jech xa'ox yalojbe li Aarone: “Bat nupo tal ta be te ta xocol banamil li Moisese”, xut. Jech ibat li Aarone; te la snup ta be ta vits yu'un Dios. Te c'ot sc'opan; te la sts'uts'.

Números 22:36

C'alal laj ya'ay Balac ti ta xa xtal li Balaame, bat snup tal ta be ta jun lum yu'un Moab ta sts'aquil yosilal te ta nopol uc'um Arnón.

San Lucas 7:45

Li vo'ote muc xats'uts'un. Yan li ants li'i yoquel to mu xlaj yo'nton o ta sts'uts'ilanel cacan ti c'u xa sjalil cochel tale.

Hechos 20:37

Jech iliquic ta oq'uel scotolic; la smeyic li Pabloe, la sts'uts'ic.

Hechos 28:15

Li jch'unolajeletic ta Romae laj ya'yic ti te chibatcutique jech tal snupuncutic ta be te ta ch'ivit Apio xchi'uc yo' bu Tres Tabernas sbie. C'alal laj yil li Pabloe, te ipat yo'nton; la stojbe ta vocol Dios.

Jueces 11:34

C'alal isut tal ta sna te ta Mizpa li Jeftee, ital nupatuc ta be yu'un stseb; te ch-ac'otaj tal, tstij tal sepsep taq'uin. Pero c'ajumal jun li xnich'one; mu'yuc yan squerem, o me stseb.

1 Samuel 17:18

Ich'bo batel lajunsepuc queso li mero banquilal yu'un soldadoetique. Q'uelo quic me lec oyic li abanquiltaque; ich'bo tal senyail yu'un jech ta jna' o ti lec oyique —xut.

1 Samuel 17:22

Li Davide te laj yac'be comel jchabi-abtejebaletic li c'usi yich'oj batele. Ibat ta anil ti bu xcholoj sbaique; i'och batel, la sjac'be me lec oyic li sbanquiltaque.