Éxodo 18:22 - Bible in Tzotzil de Chenalhó with Deuterocanon

²² Ja' ac'o xchapanic scotol c'ac'al li achi'iltaquique. Yan li c'usi tsotsic ta chapanele, ac'o tal yac'bicot achapan. Ja' no'ox ac'o xchapanic li c'usi mu tsotsuc ta chapanele. Jech ta stsul jutuc li avabtele yu'un ja' ta scoltaoxuc ta spasel.

Bible in Tzotzil de Chamula

²² Sbainoj ta xc'ot ta xchapanel ti jteclume. Ja'uc ti c'usi tsotsic ti mu xchapaj yu'unique, ta xac' ta avoc ta ac'ob ta xchapanel. Yan ti bic'tal c'opetique, ac'o xchapan ti stuquique. Ja' to jech ta xyoch ti avabtel ti ep abainoje. Yu'un ja' no'ox jech xu' ta scoltaoxuc ta sbainel.

Éxodo 18:22 Iomraidhean Croise

Esdras 7:25

“Vo'ot Esdras, t'ujo jchapanvanejetic, jpasmantaletic sventa tscoltaic li achi'iltac ti te oyic ta smaleb c'ac'al yu'un uc'um Eufratese, ja' li boch'otic sna'ic c'usi chal li smantaltac Dios avu'une. Yan li boch'otic mu sna'ique chanubtaso me. Paso me ta sventa li abijil yac'ojbot Dios avu'une.

Éxodo 18:18

Me atuc no'ox chapase, chalubtsaj. Jech ta xlubtsajic ec li achi'iltaque, ta x'ech' yo'ntonic. Yu'un toj ep li abtel acuchoje, mu xlaj apas atuc.

Éxodo 18:23

Me jech chapase, xchi'uc ti me jech tsc'an Diose, lec xu' avu'un spasel li avabtele. Jech noxtoc li achi'iltaque lec xcuxet yo'nton tsut batel ta snaic —x'utat yu'un li smuni'e.

Éxodo 18:26

Ja' xa lic xchapanic scotol c'ac'al li xchi'iltaquic ta israelale. Yan ti bu tsotsique, ja' bat yac'beic xchapan li Moisese. Ja' no'ox la xchapanic ti bu c'unic no'oxe.

Números 11:17

Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

Números 15:33

C'alal laj yilique, laj yiq'uic batel ta stojol li Moisés xchi'uc Aarone, xchi'uc ta stojol scotol li xchi'iltaquique.

Números 27:2

Li vo'ob antsetic le'e ibatic ta ti'ch'ulna pasbil ta nucul; bat sc'opanic li Moisés, xchi'uc li pale Eleazare, xchi'uc li banquilaletic yu'un israeletique. Jech c'ot yalbeic:

Números 36:1

Li banquilal yu'unic jchop sbiic liquemic ta Galaade, ja' li smomnich'nabtac Maquir, Manasés, xchi'uc Josee, bat sc'opanic li Moisese xchi'uc li banquilaletic yu'un israeletique. Jech c'ot yalbeic:

Romanos 13:6

Ja' yu'un tsc'an chatojbeic li apatanique, yu'un ja' yajtuneltac Dios; ja' jech yabtelic o.