Éxodo 18:21 - Bible in Tzotzil de Chenalhó with Deuterocanon

²¹ Jech noxtoc t'ujo loq'uel ta stojol achi'iltac ta israelal jayibuc viniquetic ti oy lec sbijilique, ti lec yich'ojic ta muc' Diose, ti tuc' xc'opojique, ti mu xch'am smotonique. Ac'bo yabtelic; ac'o tsventainic li achi'iltaquique. Ac'bo sventainic jmil (1,000), vo'vinic (100), lajuneb yoxvinic (50), lajuneb ta jujuvoc'.

Bible in Tzotzil de Chamula

²¹ Va'i un, ti vo'ote, ja' avabtel ta scotol ti ta xat'uj viniquetic ti oy sbijilique, ti sna' xi'taic ti Diose, ti jamal ye sti'ique. T'ujo viniquetic ti ma'uc batem ta yo'nton ta spasel ti c'usi lec ta xa'iique. Ti jujunic ti ta xat'uje, ac'bo yabtelic ta sbainel jmiluc (1,000) ta vo' xchi'ilic ti jujune, vo'vinic (100) ta vo' ti yane, lajuneb yoxvinicuc (50) ta vo' ti yane, lajunvo'uc (10) ti yane.

Éxodo 18:21 Iomraidhean Croise

Génesis 22:12

Jech laj yal li j'almantale: —Mu me c'usi xapasbe li quereme, yu'un jna'oj ti chavich' ta muc' li Diose, yu'un muc xajalan ti c'ajumal jun anich'on oye —x'utat.

Génesis 42:18

Ta yoxibal c'ac'al jech laj yalbe: —Li vu'une quich'oj ta muc' li Diose. Pasic jech chac li'i, jech mu xavich'ic milel:

Génesis 47:6

Li banamil li' ta Egiptoe oy ta ac'ob scotol. Ac'bo atot xchi'uc abanquiltac li banamil te ta Gosene yu'un ja' li lequil osil oy ta scotol Egiptoe. Te ac'o naquiicuc o. Me oy boch'o chavil ti oy lec sbijil yu'unique, ac'o xchabibicun ec li jvacaxtaque —xi.

2 Samuel 18:1

Li Davide lic xchapan lec li svinictaque. La st'ujbe banquilaletic yu'unic ta jujumil (1,000) xchi'uc vo'vo'vinic (100).

2 Samuel 23:3

Li Dios yu'un Israele ic'opoj; li Jchabivanej yu'un Israele jech laj yalbun: ‘Li boch'o tuc' chchapan cristianoetique, li boch'o ta sventa Dios chventainvane,

1 Reyes 18:12

Pero c'alal me la jvoc' jbatic tanae, li Muc'ul Dios ti mu'yuc sbec'tale chayic'ot batel ti bu mu xa jtaot ta t'unele. C'alal me bat calbe ya'ay li cajvale, me mu'yuc la staot ta t'unele, vu'un chismilun. Pero vu'un li avajtunelune ta jbic'tal ono'ox quich'oj ta muc' li Muc'ul Diose.

1 Reyes 18:3

Li Acabe laj yic' li Abdías, ja' li jchabina yu'une. Li Abdiase bats'i lec yich'oj ta muc' li Muc'ul Diose.

Esdras 7:25

“Vo'ot Esdras, t'ujo jchapanvanejetic, jpasmantaletic sventa tscoltaic li achi'iltac ti te oyic ta smaleb c'ac'al yu'un uc'um Eufratese, ja' li boch'otic sna'ic c'usi chal li smantaltac Dios avu'une. Yan li boch'otic mu sna'ique chanubtaso me. Paso me ta sventa li abijil yac'ojbot Dios avu'une.

Nehemías 5:9

Jech laj calbeic noxtoc: “Mu'yuc lec li c'usi chapasique. ¿Me mu ja'uc lec ti ja' chavich'ic ta muc' li Diose, yu'un jech mu xquich'tic labanel yu'un li yantic lumetique, ja' li boch'o chiscontrainutique?

Nehemías 7:2

Li cuts' calale xchi'uc li Hananiase ja' la jt'ujic ta banquilal jchabi tsatsal coralton te ta Jerusalén. Li Hananiase ja' jun vinic ti lec yich'oj ta muc' Dios te ta stojol li yantique.

Job 1:1

Oy to'ox jun vinic te ta yosilal Uz, Job sbi. Lec tuc' yo'nton, lec c'usitic la spas, lec yich'oj ta muc' Dios, svoc'oj sba o ta sventa li c'usi chopole.

Job 29:16

Vu'un stotun ic'ot li boch'o toj abul sbaique; vu'un jpojvanejun yu'un li boch'o mu xcotquine.

Job 31:13

“Me oy mu'yuc stu laj quil jmozo, jquiara ti c'alal tal sc'anic parteale,

Salmos 15:1

Muc'ul Dios, ¿Boch'o xu' chnaqui te ta ch'ulna avu'une? ¿Boch'o xu' chnaqui te ta ch'ul vits avu'une?

Salmos 15:5

Xchi'uc ti chac' ta q'uexel staq'uin ti mu sc'anbe sjole, ti mu xch'am smoton taq'uin yu'un ac'o scontrainic li boch'o mu'yuc smule. Li boch'o jech yo'nton chac le'e mu xyal o ta lum.

Éxodo 17:9

Li Moisese jech laj yalbe li Josuee: —T'ujo jayibuc viniquetic bat pasic pleito achi'uquic li amalequetique. Yan li vu'une oc'om te chibat ta toyol vits, chquich'be batel li ste' Diose —xut.

Éxodo 18:25

Lic st'uj viniquetic ti oy lec sbijilic te ta stojol israeletique. Laj yac'anbe yabtelic ta jujuvoc'. Oy laj yac'be sventainic jmil (1,000), vo'vinic (100), lajuneb yoxvinic (50), lajuneb, ta jujuvoc'.

Proverbios 28:2

Me oy jun lum chopol chbate, ep jpasmantaletic chjelovic ta abtel, pero me oy junuc ajvalil lec bij, lec ch-abteje, mu'yuc c'op cha'yic.

Eclesiastés 12:13

Li slajeb c'usi tsc'an ta jpastic ta sventa scotol li c'usi laj xa ca'itic tale ja' li'i: Ich'o me ta muc' li Diose; ch'unbo scotol li smantaltaque. Ja' no'ox jech oy ta sventa ac'o spas li cristianoetique.

Isaías 16:5

ja'o chlic ochuc ta pasmantal jun smomnich'on li Davide; ja' tuq'uil jchapanvanej; ja' no'ox oy ta yo'nton tspas o c'usi melel, c'usi tuc'.

Isaías 33:15

Li boch'o ja' tspas c'usi tuc', c'usi melele, li boch'o mu'yuc ta yo'nton tspas canal ta sventa lo'lavaneje, li boch'o mu xchon sba ta matanale, li boch'o mu xich' ta muc' ti c'alal ch-albat milvaneje, xchi'uc li boch'o tsmac sat ta sventa li c'usitic chopole,

Isaías 59:4

Mu'yuc boch'o oy ta yo'nton li tuq'uil chapanele; mu'yuc boch'o tuc' chchapanvan o. Ja' no'ox spatoj yo'ntonic yu'un li puru epalc'ope, li puru lo'lavaneje; ch'iem xa xch'utic yu'un ya'yel li c'usi chopol oy ta yo'ntonique; puru sbolil yo'nton tsvoq'uesic.

Jeremías 5:1

“Xanic scotol xoraltic ta Jerusalén, batanic ta scotol cuxub o'ntonaletic ta yut lum; bat sa'ic, q'uelic lec me oy chataic junuc li boch'o tuc' c'usi tspase ti ja' tsa' c'usi melele, yu'un jech xu' ta jpasbe perdón li Jerusalene.

Ezequiel 18:8

ti mu'yuc tsc'an sjol staq'uine, ti mu'yuc chch'ambe svocaroile, ti mu'yuc chac' sc'ob ta sventa li c'usi chopole, xchi'uc ti tuc' chchapan c'alal oy chib viniquetic tscontrain sbaique;

Ezequiel 22:12

Oy boch'o la xchon sbaic ta taq'uin sventa chmilvanic, xchi'uc la sc'anbeic sjol staq'uinic, xchi'uc la xch'ambeic svocaroil. Oy boch'o la stsatsal elc'anbeic c'usi oy yu'un xchi'ilic noxtoc. Solel vu'un laj ach'ayicun o ta avo'ntonic.

Zacarías 7:9

“Jech chcal vu'un li Muc'ul Diosun ti ta jpas ta mantal scotol te ta vinajele: Tuc' me xachapanvanic; oyuc me xc'uxul avo'ntonic, oyuc me slequil avo'ntonic ta stojol li achi'ilique.

Zacarías 8:16

Li c'usi tsc'an chapasique ja' li'i: Meleluc me c'usi chavalbe abaic; tuc' xachapanvanic, jech mu'yuc c'op, jun avo'ntonic.

Números 1:16

Li'i ja' scotol li banquilaletic yu'unic ti laj yich'ic t'ujel ta jujuchop israeletique, yu'un ja' tsventainic sq'uelel li xchi'iltaquic ta jujuchope.

Números 1:4

xchi'uc jujun banquilaletic yu'unic ta jujuchop.

Números 10:4

C'alal me jun no'ox oq'ues chich' jupanele, ja' no'ox ac'o stsob sbaic li banquilaletic ta jujuchop achi'iltaque.

San Lucas 18:2

Jech laj yal: “Oy jun jchapanvanej ta jun lum. Mu xich' ta muc' li Diose; mu xich' ta muc' noxtoc li cristianoetique.

San Lucas 18:4

Li jchapanvaneje ep c'ac'al muc stuc'ulanbe sc'op li me'on antse. Ts'acal to jech la snop: ‘Mu xixi' yu'un li Diose, mu xixi' yu'un li cristianoetique.

Hechos 20:33

Li vu'une mu'yuc boch'o la jc'upinbe staq'uin. Mu'yuc boch'o la jc'upinbe sc'u' spoc'.

Hechos 6:3

Ja' yu'un quermanotac, t'ujic vucub viniquetic li' ta atojolic ti bu lec sc'oplalique, ti ventainbil yo'ntonic yu'un Ch'ul Espiritue, xchi'uc ti oy sbijilique, yu'un ja' ta xcac'betic sventainic li abtele li'i.

Deuteronomio 22:18

Jech ac'o stsaquic li vinique. Ac'o yac'beic stoj smul.

1 Timoteo 3:3

Tsc'an mu xyacub, mu sa'ilan c'op, tsc'an lec no'ox yo'nton. Tsc'an oy lec smuc'ul yo'nton, xchi'uc mu ja'uc chbat yo'nton yu'un taq'uin.

1 Samuel 8:12

Oy tstic' ta banquilal yu'un jmil (1,000) soldadoetic; oy tstic' ta banquilal yu'un lajuneb yoxvinic (50) soldadoetic. Li vo'oxuque chlic yac' alocbeic yosil, chlic atuch'beic strigo. Oy chlic ameltsanbeic yabtejeb xchi'uc c'usitic jtuneletic sventa scaretatac.

1 Samuel 8:3

Pero li xnich'nabe muc xchanic jech chac c'u cha'al la spas li stotique. Ibat yo'ntonic yu'un taq'uin; muc xa tuc'uc xchapanvanic o ta scoj ti la xch'amic taq'uine.