Éxodo 18:15 - Bible in Tzotzil de Chenalhó with Deuterocanon

¹⁵ Itac'ov li Moisese: —Yu'un li jchi'iltaque chtalic ta jtojol; chtal sjaq'uic c'usi tsc'an tspasic ta stojol li Diose.

Bible in Tzotzil de Chamula

¹⁵ Xi laj stac' ti Moisese: —Ti israeletique ta xtalic ta jtojol, yu'un ta sc'anic chapanel ti c'usi lec ta xil ti Diose.

Éxodo 18:15 Iomraidhean Croise

Éxodo 18:14

Li smuni' Moisese laj yil c'u x'elan ta x'abtej ta stojol xchi'iltac li Moisese, jech laj yal: —¿C'u yu'un ti jech chapas ta stojol li achi'iltaque? ¿C'u yu'un ti atuc no'ox li' chotolote, ti sbejel c'ac'al li' oyic o ta atojol li achi'iltaque? —xut.

Números 15:34

C'alal i'och ta sc'obique, te to no'ox la xchabiic yu'un mu'yuc to xchapanojic c'usi xu' ta spasbeic.

Números 27:5

Li Moisese bat yal ta stojol Muc'ul Dios li ya'yej antsetique.

Números 9:6

Pero oy jayibuc viniquetic te xchi'uquic, mu'yuc yac'oj sbaic ta lecubtasel ta sventa la spicbeic sbec'tal jun anima, jech muc spasic o li q'uin Coltael ta sc'ac'alil le'e. Li viniquetic le'e ta ora bat sc'opanic li Moisés xchi'uc Aarone.

Números 9:8

Itac'ov li Moisese: —Malaic, ac'o yac'bun jna' Muc'ul Dios c'usi ta pasel ta sventa li vo'oxuque —xut.

Jueces 1:1

C'alal chamen xa'ox li Josuee, li israeletique lic sjac'beic Muc'ul Dios boch'o jchopucal ba'yuc chbat spas pleito yu'unic xchi'uc li canaanetique.