Éxodo 18:12 - Bible in Tzotzil de Chenalhó with Deuterocanon

¹² Li Jetroe la xchic'be jcot smoton li Diose yu'un laj yich' ta muc', xchi'uc laj yac' yantic matanaletic. Li Aarón xchi'uc banquilaletic yu'un israeletique te italic; co'ol la xchi'inic ta ve'el ta stojol Dios li smuni' Moisese.

Bible in Tzotzil de Chamula

¹² Ti Jetroe laj stsac talel jcot chon bolom, ti ac'o yich' chiq'uel jmoj xchi'uc ti yan matanaletic ta sventa yich'el ta muc' ti Diose. Ts'acal to un, ti Aarone xchi'uc scotol ti moletic yu'un ti israeletique, jmoj batic ta ve'el xchi'uc smu'ni' ti Moisés ta sba ta sat ti Diose.

Éxodo 18:12 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 26:25

Ja' yu'un li Isaaque la spas jun scajleb smoton Muc'ul Dios, laj yich' ta muc' li Muc'ul Diose. Te lic spas scarpana; te inaqui o. Li smozotaque te lic sjoq'uic jch'oj joc'.

Génesis 26:30

Ja' yu'un li Isaaque la spas lec muc'ta q'uin, lec ive'ic, i'uch'bajic.

Génesis 31:54

Li Jacobe la smilbe smoton Dios ta jun vits; laj yic'an ta ve'el li yuts' yalaltaque. Scotolic ive'ic, jech te ivayic o ta vits.

Génesis 4:4

Jech ec li Abele laj yich'be tal ta smoton Muc'ul Dios sba yoltac xchij ti lec jubenique. Li Muc'ul Diose lec laj yil li Abele xchi'uc li matanal laj yaq'ue.

Génesis 43:25

Li sbanquiltac Josee la xchapanbeic lec li smoton José yich'ojbeic batele. Ja' xa no'ox la smalaic ti chc'ot ta o'lol c'ac'ale yu'un sna'ojic xa ti te ta xchi'inic ta ve'ele.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

2 Samuel 9:7

Li Davide jech laj yalbe: —Mu xaxi'. Vu'un ta jc'uxubinot ta sventa ti toj lec la sc'anun li atot Jonatane. Ta jsutesbot scotol li yosil amoltot Saule. Xchi'uc scotol c'ac'al ta jchi'in jbatic ta ve'el ta jmexa —xut.

2 Crónicas 30:22

Li Ezequiase lic spatbe yo'nton li levietic ti laj yaq'uic ta ilel ti scotol yo'nton chtunic yu'un Muc'ul Diose. C'alal la sve'ic batel vucub c'ac'al li c'usitic ac'bil ta sventa q'uine, xchi'uc c'alal laj yaq'uic li milbil matanal sventa lec ch-ilatique, xchi'uc c'alal la stojbeic ta vocol li Muc'ul Dios yu'un smoltotaquic ta vo'onee,

Job 1:5

C'alal chcuch yu'unic spasel li q'uine, li Jobe chic'an li xnich'nabe. Sob chliquic ta yoc'omal; chchic' smoton Dios ta sventa li jujun xnich'nabe, yu'un chac' ta lecubtasel ta sventa smulic. Yu'un li Jobe jech snopoj ta yo'nton: “Oy yic'al oy bu tsta smulic; oy bu chchopolc'opojic ta stojol Dios ta yo'ntonic li jnich'nabe”, xi. Ja' yu'un ja' jech la spasilan o.

Job 42:11

Te italic scotol li xchi'iltac ta voq'uele, vinic, antsetic, xchi'uc li boch'otic lec ono'ox sc'opan sbaic xchi'uque. Te la spasic jun q'uin ta sna; te laj yaq'uic lec ve'el. Te laj yalbeic Job ti c'ux abul sba laj yilic ec ti c'alal c'ux svocole. La spatbeic yo'nton ta sventa scotol li tsots vocol i'ac'bat yu'un Muc'ul Diose. Ta jujuntal laj yac'beic taq'uin, xchi'uc jujun xoj sc'ob pasbilic ta c'anal taq'uin.

Job 42:8

Ja' yu'un, bat tsaco vuccotuc tot vacax xchi'uc vuccot tot chij; batanic ta stojol li cajtunel Jobe. Chiq'uic ta jtojol scotol li matanale; ja' sventa amulic. Ja' chisc'anbun vocol ta atojolic li cajtunel Jobe, yu'un ja' ta xca'ibe li sc'ope yu'un jech mu xcac' atojic ti mu'yuc tuc' lac'opojic ta jtojol jech chac c'u cha'al li cajtunel Jobe —xut.

Éxodo 18:13

Ta yoc'omal te lic chotluc li Moisese; la xchapanbe sc'opic li israeletique. Sbejel c'ac'al te oyic o ta stojol li Moisese.

Éxodo 2:16

Oy jun vinic Reuel sbi. Ja' pale te ta Madián banamil. Oy vucub stsebetic. Ta sc'ac'alil le'e te italic ta joc' li tsebetique yu'un tal slupic loq'uel vo'; chaq'uic ta jomte' sventa chac'beic yoxo' yuch' xchij li stotique.

Éxodo 2:20

Li Reuele jech laj yalbe: —¿Bu oy li vinique? ¿C'u yu'un ti te laj acomtsanic stuque? Ja' lec bat iq'uic tal; ac'o tal ve'uc —xi.

Éxodo 20:24

Pasbicun jun scajleb jmoton pasbil ta lum. Te xamilbicun, te xachic'bicun jmotonin achijic avacaxic sventa co'ol co'ntontic. Buyuc no'ox chacac'boxuc avilic yavil ti ta jc'an chavich'icun ta muq'ue, te chtal cac'boxuc bendición.

Éxodo 24:11

Li banquilaletic yu'un israeletique laj yilic li Diose. Pero mu'yuc c'usi ipasbatic ti c'alal laj yilique. Jun no'ox yo'nton te ive'ic, te laj yuch'ic vo'.

Éxodo 24:5

Te lic yalbe jayibuc queremetic yu'un israeletic ti ac'o smilic tot vacaxetic sventa chchiq'uic ta smoton Dios ti c'u cha'al lec ch-ilatic yu'un Muc'ul Diose.

Éxodo 3:1

Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Éxodo 33:7

Li Moisese laj yich' loq'uel li ch'ulna pasbil ta nucule. Nom to jutuc bat yac' yo' bu spasoj scarpanaique. Ja' ch'ulna pasbil ta nucul yo' bu chc'opanat Muc'ul Dios, xi sbi laj yac'be. Jech c'alal oy c'usi tsc'an tsjaq'uic ta stojol Muc'ul Diose, te to chbatic yo' bu oy li ch'ulna pasbil ta nucule yu'un nom xa jutuc yiloj sbaic xchi'uc ti bu spasoj scarpanaique.

Daniel 10:3

Mu'yuc la jve' ve'lil ti lec mue, mu'yuc la jti' ti'bol, mu'yuc laj cuch' ya'lel ts'usub, xchi'uc mu'yuc la jcac' jmuil poxil, ja' to ti c'alal its'aqui li oxib xemunae.

Números 10:29

Ta yan c'ac'al li Moisese jech laj yalbe li sbole, ja' li Hobab xnich'on Reuel madián vinique: —Li vu'uncutique chibatcutic xa ta banamil ti bu yaloj ono'ox Dios chiyac'buncutique. Batic, bat chi'inuncutic, lec chajc'anotcutic yu'un li Muc'ul Diose yaloj ta jamal ti lec sc'anoj ec li israeletique —xut.

San Lucas 14:1

C'alal ja'o sc'ac'alil ta xcux yo'ntonique, li Jesuse i'ic'at ta ve'el ta sna jun banquilal fariseo. Li fariseoetique te ta sq'uelic c'usi ta spas li Jesuse.

San Lucas 14:15

C'alal laj ya'yic jech laj yal li Jesuse, oy jun boch'o te co'ol oyic ta mexa xchi'uquic jech laj yalbe li Jesuse: —Toj xcuxet no'ox yo'nton li boch'otic jech ta xve'ic yo' bu tspas mantal li Diose —xi.

1 Corintios 10:18

Nopo ava'yic c'u x'elan la spasic li israeletique. Li boch'o la sti'ic smoton Diose, ¿me mu ja'uc li boch'o jun oyic xchi'uc Diose?

1 Corintios 10:21

Mu xu' chavuch'beic sbel svaso Cajvaltic ti me ts'acal chbat avuch'beic sbel svaso noxtoc li pucuje. Mu xu' chave'beic c'usi oy ta xmexa Cajvaltic me ts'acal chbat ave'ic c'usi oy ta xmexa li pucujetique.

1 Corintios 10:31

pero ti c'alal chijve'e, ti c'alal oy c'usi chcuch'tique, xchi'uc scotol li c'usiuc no'ox ta jpastique, ac'o jpastic ta sventa lec chbat sc'oplal cu'untic li Diose.

Deuteronomio 12:7

Te xave'ic achi'uc avajnil anich'nabic ta stojol li Muc'ul Dios cu'untique. Jech xcuxet no'ox avo'ntonic ta sventa ti oy c'usi lec chloc' ta avabtelique yu'un yac'ojboxuc ep bendición li Muc'ul Dios cu'untique.

Deuteronomio 27:7

Xchi'uc te xavac'beic li milbil matanal sventa co'ol avo'nton achi'uquique. Te xave'ic ta stojol li Muc'ul Dios cu'untique, pasic lec q'uin.