Éxodo 18:10 - Bible in Tzotzil de Chenalhó with Deuterocanon

¹⁰ Jech laj yal: —Ich'biluc ta muc' li Muc'ul Diose, yu'un la scoltaoxuc loq'uel tal xchi'uc scotol achi'iltac ta israelal ta sc'ob li faraone xchi'uc ta sc'ob li egiptoetique.

Bible in Tzotzil de Chamula

¹⁰ Xi laj yale: —Toj jun yutsil ti Dios ti laj spojoxuc ti vo'oxuc israeloxuc ta yoc ta sc'ob ti faraone, ta yoc ta sc'ob ti egipcioetique. Ti Diose laj spojoxuc ta yoc ta sc'ob ti jcontrainvaneje,

Éxodo 18:10 Iomraidhean Croise

Génesis 14:20

Ac'o ich'atuc ta muc' li Dios te oy ta vinajele; ja' ti laj yac'bot atsal li avajcontrae”, xut. Ja' yu'un li Abrame te laj yac'be Melquisedec jujun ta lajlajuneb li c'usitic la spoj sutel tale.

Génesis 24:27

Jech laj yal: “Muc'ul Dios, ich'bilucot ta muc', vo'ot Diosot yu'un li cajval Abrahame, yu'un toj ep slequil avo'nton ta stojol li cajvale, xchi'uc chc'ot ta pasel li c'usi chavale. Vo'ot labeiltasun tal ta sbelal sna li yuts' yalaltaque”, xi.

2 Samuel 18:28

C'alal ivul li Ahimaase, vul squejan spatan sba ta banamil ta stojol li ajvalile; vul sc'opan, jech lic yalbe: —Coliyal li Muc'ul Diose, ja' li Dios avu'une, yu'un laj xa yac' ta c'abal li viniquetic ti liquemic ta acontrainel vo'ot li ajvalilot cu'uncutique —xut.

1 Reyes 8:15

Jech laj yal: “Coliyalbutic li Muc'ul Dios yu'un Israele, yu'un ic'ot xa ta pasel yu'un li c'usi yalojbe ono'ox jtote, ja' li Davide. Jech laj yalbe:

1 Reyes 8:56

¡Coliyal Muc'ul Dios ti la spajes pleito ta stojol li jun ta lum steclumal jech chac c'u cha'al yaloj ono'oxe! Scotol li c'usi yalojbe ono'ox li yajtunel Moisese ic'ot xa ta pasel yu'un scotol.

Salmos 41:13

Ac'o ich'atuc ta muc' li Muc'ul Diose, ja' li Dios yu'un Israele; ich'biluc ta muc' li' ta ora xchi'uc ta sbatel osil, ¡Jechuc! ¡Jechuc!

San Lucas 1:68

“Coliyal li Cajvaltic Diose, ja' li Dios yu'un Israele, yu'un tal xa sq'uelutic, tal xa scolta li steclumale.

Efesios 1:3

Ac'o ich'atuc ta muc' li Diose ja' li Stot Cajvaltic Jesucristoe, ja' li boch'o laj yac'butic scotol li bendición te oy ta vinajel ta sventa ti jun lijc'ot jchi'uctic li Cristoe.

1 Tesalonicenses 3:9

Mu xa jna' c'u x'elan ta jtojbecutic ta vocol Dios ta aventaic ta sventa ti toj xcuxet no'ox co'ntoncutic avu'unic ta stojol li Dios cu'untique.

1 Pedro 1:3

Coliyalbutic li Diose, ja' li Stot Cajvaltic Jesucristoe, yu'un toj ep la xc'uxubinutic, laj yac' cha'voc'cutic ta ach' ta sventa ti la xcha'cuxes ta smuquinal li Cajvaltic Jesucristoe. Jech la jta spatubil co'ntontic ti mu xlaj sc'oplale.

1 Samuel 15:6

Jech laj yalbe li quenetique: —Voc'o abaic loq'uel ta stojol li amalequetique yu'un jech mu teuc capal xacham achi'uquic. Yu'un li vo'oxuque lec laj apas abaic ta stojol israeletic ti c'alal iloq'uic tal ta Egiptoe —xut. Ja' yu'un li quenetique lic svoc' sbaic loq'uel ta stojol li amalequetique.

1 Samuel 25:32

Itac'ov li Davide: —Ac'o ich'atuc ta muc' li Muc'ul Diose, ja' li Dios yu'un Israele, yu'un ja' la stacot tal ti tal anupun ta bee.