Éxodo 18:1 - Bible in Tzotzil de Chenalhó with Deuterocanon

¹ Li Jetroe, ja' li pale ta Madián banamile, ja' li smuni' Moisese, laj ya'ay scotol c'usi la spas Muc'ul Dios ta sventa li Moisese, xchi'uc c'u x'elan la scolta li israeletique, xchi'uc ti ja' la sloq'ues tal ta Egipto banamile.

Bible in Tzotzil de Chamula

¹ Ti Jetro ti ja' pale yu'un ti Madiane, smuni' xtoc ti Moisese, laj ya'i scotol ti c'usi laj spas ti Dios ta stojol ti Moisese, xchi'uc ta stojol ti israeletique. Laj ya'i xtoc ti ja' loq'uesatic talel ta Egipto yu'un ti Diose.

Éxodo 18:1 Iomraidhean Croise

Salmos 105:43

Xcuxet no'ox yo'nton la sloq'ues tal li steclumale; x'avlajetic no'ox loq'uel tal, yu'un toj xcuxet yo'nton laj ya'yic.

Salmos 105:5

Vo'oxuc li smomnich'naboxuc Abrahame, ja' li yajtunel Diose, vo'oxuc li smomnich'naboxuc Jacob ti t'ujbiloxuc yu'un Diose, vuleso ta ajolic scotol li sq'uelubiltac stsatsal spasoje, xchi'uc li chanubtaseletic yaloje.

Salmos 106:2

¿Boch'o xu' yu'un chal c'u x'elan svu'el li Muc'ul Diose? ¿Boch'o xu' yu'un yalbel ti c'u yepal slequilale?

Salmos 34:2

Ta sventa Muc'ul Dios ti muc' c'otemune; a'yo ava'yic, vo'oxuc ti toj biq'uitoxuc no'ox chava'yique, cuxetuc avo'ntonic.

Salmos 44:1

Dios cu'un, ca'yojcutic lec ta jchiquincutic, yalojbun ca'icutic jtot jme'cutic ti oy c'usi lec laj apas ta stojolic li jmoltot jyame'cutic ta vo'onee.

Salmos 78:4

Ja' tsc'an mu me jmucbetic ec li calab jnich'nabtique; calbetic ya'yic slequilal Muc'ul Dios li alab nich'nabetic ta to xtalique, xchi'uc calbetic ya'yic c'u x'elan li stsatsal svu'ele xchi'uc li muc'tic sq'uelubil la spase.

Éxodo 2:16

Oy jun vinic Reuel sbi. Ja' pale te ta Madián banamil. Oy vucub stsebetic. Ta sc'ac'alil le'e te italic ta joc' li tsebetique yu'un tal slupic loq'uel vo'; chaq'uic ta jomte' sventa chac'beic yoxo' yuch' xchij li stotique.

Éxodo 2:18

C'alal isutic batel yo' bu oy li stotique, jech la sjac' li totile: —¿C'u yu'un ti ta ora no'ox lasutic tale? —xi.

Éxodo 2:21

Li Moisese lec laj ya'ay ti te icom ta sna li Reuele. Ts'acal to li Reuele te laj yac'be yic' jun stseb, Séfora sbi.

Éxodo 3:1

Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Éxodo 4:18

Li Moisese isut batel ta sna smuni', ja' li Jetroe. Jech c'ot yalbe: —Persa chisut batel ta Egipto yo' bu comen li jchi'iltac ti jun jts'unubal jchi'uque. Ta jc'an ta jq'uel me yoquel to cuxulic —xut. —Batan, tsotsan me batel —xi li Jetroe.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Jeremías 33:9

Scotol li c'usitic lec ta jpas li' ta Jerusalene ja' sventa quich'el ta muc', ja' sventa xcuxetel o'ntonal ta stojol yantic lum li' ta banamil. Yu'un c'alal cha'yic ti lec c'usitic ta jpasbe li jnaclumetic li' ta Jerusalene, ta xlic niquicuc, ta xlic xi'icuc”, xi li Muc'ul Diose.

Zacarías 8:23

C'alal me la sta sc'ac'alil le'e, lajuneb viniquetic ta jujuchop c'op ta scotol banamil chbat stsacbeic yoc sc'u' jun judá vinic, jech chalbeic: ‘Ta xbat jchi'inotcutic ec, yu'un laj ca'icutic ti te oy ta atojolic li Diose’, xutic”, xi li Diose.

Números 10:29

Ta yan c'ac'al li Moisese jech laj yalbe li sbole, ja' li Hobab xnich'on Reuel madián vinique: —Li vu'uncutique chibatcutic xa ta banamil ti bu yaloj ono'ox Dios chiyac'buncutique. Batic, bat chi'inuncutic, lec chajc'anotcutic yu'un li Muc'ul Diose yaloj ta jamal ti lec sc'anoj ec li israeletique —xut.

Hechos 14:27

C'alal ic'otic ta Antioquiae, la stsobic scotol li jch'unolajeletique. Laj yalbe ya'yic scotol li c'usitic tsotsic i'ac'bat spasic yu'un Diose, xchi'uc ti c'u x'elan ijambat yo'ntonic ta xch'unel Cajvaltic li yanlumetic ti mu xotquinic Diose.

Hechos 15:12

Jech ich'abiic scotolic. Laj ya'yic ti laj yal Pablo xchi'uc Bernabé ti ep sq'uelubil stsatsal Dios i'ac'bat spasic ta stojol li yanlum cristianoetic ti mu xotquinic Diose.

Romanos 15:18

Yu'un ma'uc chcal c'usi jpasoj jtuc; ja' no'ox chcal c'usi la spas ta jventa li Cristoe, yo' jech la xch'unic Cristo yanlum cristianoetic ta sventa li jc'ope xchi'uc ta sventa li c'usitic la jpase,

Josué 2:10

Yu'un ca'yojcutic ti Muc'ul Dios la staquijesboxuc li Tsajal Nab c'alal laloq'uic tal ta Egipto banamil yu'un lajelovic tal li'i. Xchi'uc ca'yojcutic noxtoc ti laj avulesic o ta j'ech'el li chib ta lum cristianoetique xchi'uc li chib ajvalil yu'unic te oyic ta jot uc'um Jordane, ja' li Sehón xchi'uc Oge; ja' li ajvaliletic yu'un amorretique.

Josué 9:9

Itac'ovic: —Nom liquemuncutic tal, yu'un laj ca'icutic sc'oplal li Muc'ul Dios avu'unique. Laj ca'icutic c'usi la spas te ta Egipto,

Jueces 1:16

Li xnich'nab queneo vinic, ja' li smuni' Moisese, iloq'uic batel ta lumetic ti xantic sbie; ja' la xchi'inic batel li jchop liquemic ta Judae. Te ibatic ta xocol banamil yu'un li Judá te ta stuq'uil sur yu'un Arade. Jech te icom naquiicuc scotolic.

Jueces 4:11

Li Heber, ja' li queneo vinique, ja' li yalab xnich'nab smuni' Moisese, te la spas scarpanaic ta stenlejaltic Zaanaim ti c'alal la svoc' sbaic xchi'uc li yantic quenetique. Li Zaanaime te oy ta nopol Cedes.