Éxodo 17:7 - Bible in Tzotzil de Chenalhó with Deuterocanon

⁷ Jech Meriba laj yac'beic sbi li banamile, yu'un te iliquic ta bic'talvulajetel li israeletique. Masah laj yac'beic yan sbi noxtoc yu'un ja' te la sq'uelbeic yo'nton li Muc'ul Diose, jech laj yalic: “¿Me li' oy ta jtojoltic li Diose, o me mu'yuc?”, xiic.

Bible in Tzotzil de Chamula

⁷ Ti bu taje, laj sbiin yu'un Meriba, yu'un ti israeletique toj tsots vulvanic. Laj yac'be sbiin Masá xtoc, yu'un xi laj yalic ti laj sq'uelbeic yo'nton ti Diose: “¿Mi li' oye, mi mu'yuc li' oy ti Dios ta jtojoltique?”

Éxodo 17:7 Iomraidhean Croise

Salmos 106:32

C'alal te oyic ta epal vo' ta Meribae, te lic sa'beic sc'ac'al yo'nton noxtoc li Diose, ja' ta scojic ti te la sta o svocol ta stojol Dios li Moisese.

Salmos 78:18

La sq'uelbeic c'u x'elan yo'nton li Diose, yu'un ja' la sc'an sve'ic li c'usi lec cha'ay stuquique.

Salmos 81:7

Laj ac'anbun vocol ti c'alal toj ep avocole, jech vu'un la jcoltaot. La jtac'bot tal ac'op ta chauquetic te ta toquetic; la jq'uelbot c'u x'elan avo'nton ta jtojol te ta vo'etic ta Meriba.

Salmos 81:8

Vo'oxuc jteclumal, a'ibicun li jc'ope; israeletic a'ibicun li jc'ope.

Salmos 95:8

“Mu me xatsatsubtas avo'ntonic, jech chac c'u cha'al la spasic te ta Meriba ti c'alal ja'o yorail te oyic ta Masah ta xocol banamile.

Éxodo 17:2

Jech te lic yutic li Moisese; jech laj yalbeic: —Ac'bun vo' cuch'cutic —xutic. Itac'ov li Moisese: —¿C'u yu'un ti chavuticune? ¿C'u yu'un chaq'uelbeic yo'nton li Muc'ul Diose? —xut.

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Isaías 12:6

Jnaclumetic ta Sión, cuxetuc avo'ntonic; q'uejinanic yu'un li Ch'ul Dios yu'un Israele, yu'un te oy ta atojolic xchi'uc li smuc'ule”, xachiic.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

Números 14:22

Scotol li boch'otic laj xa yilic jtsatsale, xchi'uc ti laj yilic li senyail la jpas te ta Egipto xchi'uc ta xocol banamile, xchi'uc ti ep xa ta velta ja' no'ox la sq'uelbicun c'u x'elan co'ntone, ti mu xch'unic li jmantale,

Números 20:13

Le'e ja' li vo' te ta Meriba yo' bu ep iliquic ta vulajetel ta stojol Muc'ul Dios li israeletique, ja' te laj yac' ta ilel li slequilale.

Números 20:24

“Li Aarone li' no'ox ta xcham. Mu'yuc ta x'och batel ta banamil ti bu cac'ojbeic li achi'iltaquic ta israelale. Yu'un li vo'oxuque, muc xach'unbicun c'usi laj calboxuc ti c'alal laj aloq'uesic vo' ta ch'en te ta Meribae.

Números 27:14

Yu'un achibalic laj abajbicun jmantal ti c'alal iliquic ta vulajetel ta jtojol li achi'iltaque. Muc xavich'icun ta muc' ta stojol achi'iltaquic ti c'alal laj ac'anbicun vo'e —xut. (Le'e ja' sc'oplal li nio' ta Meriba te ta Cades ta xocol banamil ta Zine.)

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

Deuteronomio 31:17

Tsots chlic ilincun yu'unic ta sventa ti jech tspasique. J'ech'el ta jcomtsanic o; j'ech'el ta jch'ayic o ta co'nton. Jech ep ta sta svocolic; ep c'usi chopol chc'ot ta stojolic. Ts'acal jech chlic yalic: ‘Ti vi x'elan toj ep jvocoltique, ¿me mu ja'uc ta scoj ti mu'yuc xa xchi'inojutic li Diose?’, xiic.

Deuteronomio 33:8

Jech laj yich' alel ta sventa li Levie: “Muc'ul Dios, ja' avu'un li Tumim xchi'uc Urime., Ja' avu'un, xchi'uc ja' yu'un ec li boch'o jun yo'ntonic ta atojole. Ja' li boch'o laj aq'uelbe yo'ntonic te ta Masah; ti laj avulilan aba achi'uc ta vo'etic te ta Meribae;

Deuteronomio 6:16

“Mu me xaq'uelbeic yo'nton Muc'ul Dios cu'untic jech chac c'u cha'al la apasic ta Masahe.

Deuteronomio 9:22

“Jech noxtoc c'alal te oyutic ta Tabera, ta Masah, xchi'uc ta Kibrot-hataavae, laj ono'ox asa'beic sc'ac'al yo'nton noxtoc li Muc'ul Diose.

Josué 22:31

Li Finees, xnich'on pale Eleazare, jech laj yalbe li yalab xnich'nab Rubén, Gad, xchi'uc Manasese: —Li' ta orae ta jna'cutic ti ta melel li' oy Muc'ul Dios ta jtojoltique yu'un mu'yuc ta avo'nton ti chatoy abaic ta stojole. Jech mu xijyac'butic jtoj jmultic ta acojic li Muc'ul Diose —xut.