Éxodo 17:4 - Bible in Tzotzil de Chenalhó with Deuterocanon

⁴ Ja' yu'un li Moisese tsots la sc'anbe vocol li Muc'ul Diose, jech laj yalbe: —¿C'usi ta xcut li jchi'iltaque? ¡Yu'un jutuc xa muc chismilicun ta ton! —xut.

Bible in Tzotzil de Chamula

⁴ C'alal c'opoj ti'in ta stojol Dios ti Moisese, xi xvulvun liquele: —¿C'usi xu' ta jpas ta stojol ti lum israeletic li'e? ¡Yu'un ti li'e, chapal xa jc'oplal ti ta xismilicun ta tone!

Éxodo 17:4 Iomraidhean Croise

Salmos 99:6

Li Moisés xchi'uc Aarone ja' no'ox i'abtejic ta paleal yu'un Dios; li Samuele ja' no'ox ic'opoj ta stojol Dios. C'alal la sc'anbeic vocol li Muc'ul Diose, itac'bat li sc'opique.

Éxodo 14:15

Li Muc'ul Diose jech laj yalbe li Moisese: —¿C'u yu'un ti xavocoletic ta jtojole? Albo achi'iltac ti ac'o xanovicuc batele.

Éxodo 15:25

Li Moisese te lic sc'anbe vocol li Muc'ul Diose, jech i'ac'bat yil jpets te'. Bat sts'aj ta vo' li te'e, jech lec chi' icom li vo'e. Ja' te iq'uelbat yo'ntonic yu'un li Diose. I'albatic jun mantal li c'usi tsc'an tspasique.

Números 11:11

Jech laj yalbe li Muc'ul Diose: —¿C'u yu'un ti mu'yuc lec avo'nton ta jtojol ec, vu'un li avajtunelune? ¿C'u yu'un ti mu'yuc lec chavilune, yu'un vu'un laj avac' jventain scotol li jchi'iltac li'i?

Números 14:10

C'alal ja'o jech chalique, scotol li israeletique tsc'an chac'beic ox ton. Jech te lic vinajuc xojobal Muc'ul Dios ta ch'ulna pasbil ta nucul ta stojol scotol li israeletique.

Números 16:19

Li Coree stsoboj xa tal scotol te ta stuq'uil ti'ch'ulna li xchi'iltaquic ta israelale yu'un tscontrainic li Moisés xchi'uc Aarone. Te ivinaj xojobal Muc'ul Dios ta stojol scotol li israeletique.

San Juan 10:31

Li judioetique la stamic ton; tsc'an tsmilic ox ta ton yan velta li Jesuse.

San Juan 8:59

Lic stamic tal ton scotolic, tsc'an ox tsmilic li Jesuse. Pero li Jesuse la snac' sba, jech muc xilic iloc' batel ta ch'ulna, jech ibat o.

Hechos 14:19

Te italic jayibuc judioetic liquemic tal ta lum Antioquía xchi'uc ta lum Iconio, ja' la socbeic sjol li epal cristianoetique, jech lic yac'beic ton li Pabloe. La xjochic loq'uel ta ti'lum, yu'un chamen xa laj yilic.

Hechos 7:50

yu'un vu'un la jpas scotol li c'usitic oye?’, xi li Diose, xi li j'alc'ope.

1 Samuel 30:6

Li Davide ep laj yat yo'nton, yu'un laj ya'ay ti tsc'an xa ch-ac'bat ton yu'un li svinictaque yu'un abul sba cha'yic ti ichucbatic batel xnich'nabique. Li Davide ja' xa no'ox la xch'un ti chcoltaat yu'un li Muc'ul Dios yu'une.