Éxodo 17:12 - Bible in Tzotzil de Chenalhó with Deuterocanon

¹² Ta sventa ti ilub sc'ob li Moisese, lic stsacbeic tal jbej ton xchotlebin. Li Aarón xchi'uc Hure lic stoybeic sc'ob li Moisese, jun ta jujujot xocon. Te stoyojbeic o c'alal to ich'ay c'ac'al.

Bible in Tzotzil de Chamula

¹² Ta scoj ti jech taj une, yu'un lub xa ta j'ech'el sc'obtac ti Moisés ta xa'ie, jech o xal laj sa'ic talel jbej ton, tal sbejanbeic yo' jech ta xchotlebin yu'unic. Va'i un, ti Aarone xchi'uc ti Hure, jujun sc'ob laj yicbeic va'ajtic ta jujujot xocon. Ti jech laj spasic taje, ja' to jech cuch yu'un ti xlich'oj o sc'ob ti Moisese, ja' to c'alal xch'ay batel ti c'ac'ale.

Éxodo 17:12 Iomraidhean Croise

Salmos 35:3

Tsaco li alanzae, la' va'lebino aba achi'uc li j'uts'intavanejetique. Albun ca'ay ta co'nton ti vo'ot chacoltaune.

Éxodo 17:11

C'alal stoyoj sc'ob li Moisese, ja' itsalvanic li israeletique. C'alal la syales sc'ob li Moisese, ja' itsalvanic li amalequetique.

Éxodo 17:13

Jech li Josuee ivu' yu'un la smilic ta espada scotol li amalequetique.

Éxodo 24:14

Jech laj yalbe li banquilaletic yu'un israeletique: —Li' xamalauncutique ja' to me lisutcutic tale. Li' chcom achi'inic li Aarón xchi'uc Hure. Xu' ja' chascoltaoxuc ti me oy ava'yejique —xut.

Isaías 35:3

Tsatsubtasic li boch'o lubenique; va'anbeic lec yacan li boch'o aluben yacanique.

2 Corintios 1:11

Yu'un chacoltauncutic ta sc'opanel Dios ec li vo'oxuque. Me ep boch'o tsc'opanic Dios ta jtojolcutique, jech ep boch'o tstojbeic ta vocol Dios noxtoc ti c'alal ta jtatic coltaele.

Efesios 6:18

Ta sventa ti chac'opanic Dios scotol orae, c'anbeic Dios ta sventa Ch'ul Espíritu li c'usi chac'anique. Viq'uiluc me lec asatic ta sventa li c'usi chavalic ta stojol Diose. C'anbeic vocol ta stojol ec li yantic yu'untac Diose.

Filipenses 1:19

Jech mu xpaj o li xcuxetel co'ntone, yu'un jna'oj lec ti chicole, yu'un chac'opanbicun Dios ta jtojol, xchi'uc chiscoltaun li Espíritu yu'un Jesucristoe.

Colosenses 4:2

Jechuc me avo'ntonic o ti chac'opanic Diose. Viq'uiluc me asat achi'uquic; tojbeic ta vocol li Diose.

1 Tesalonicenses 5:25

Quermanotac, c'opanbun Dios ta jtojolcutic ec.

Hebreos 12:12

Ja' yu'un, tsotsanic me, vo'oxuc ti ilubtsaj xa ac'obique, xchi'uc vo'oxuc ti i'alub xa avacanique.

Santiago 1:6

Pero tsc'an oy xch'unojel avo'ntonic ti c'alal chac'anique; tsc'an mu chibuc avo'ntonic. Yu'un li boch'o chib yo'nton tsc'ane, ja' jech chac c'u cha'al nab ti chich' yuq'uilanel ta jujujot yu'un iq'ue.

Josué 8:26

Yu'un li Josuee la xch'un li mantal albil ti persa chulesic o scotol li jnaclumetic te ta lum Haie.