Éxodo 17:10 - Bible in Tzotzil de Chenalhó with Deuterocanon

¹⁰ Li Josuee la spas jech chac c'u cha'al i'albat yu'un li Moisese; bat spasic pleito xchi'uquic li amalequetique. Ja'o ibatic ta toyol vits ec li Moisés, xchi'uc Aarón, xchi'uc Hure.

Bible in Tzotzil de Chamula

¹⁰ Ti Josuee jech laj spas jech c'u cha'al albat yu'un ti Moisese. Loc' batel ta stsaquel ta leto ti amalecitaetique. Ja' jech ec ti Moisese, ti Aarone, ti Hure, muyic batel ta stselej.

Éxodo 17:10 Iomraidhean Croise

1 Crónicas 2:19

C'alal icham li Azubae, li Calebe la sa' yan yajnil, Efrata sbi. Ivoc' jun yol, Hur sbi.

Éxodo 17:11

C'alal stoyoj sc'ob li Moisese, ja' itsalvanic li israeletique. C'alal la syales sc'ob li Moisese, ja' itsalvanic li amalequetique.

Éxodo 17:12

Ta sventa ti ilub sc'ob li Moisese, lic stsacbeic tal jbej ton xchotlebin. Li Aarón xchi'uc Hure lic stoybeic sc'ob li Moisese, jun ta jujujot xocon. Te stoyojbeic o c'alal to ich'ay c'ac'al.

Éxodo 24:14

Jech laj yalbe li banquilaletic yu'un israeletique: —Li' xamalauncutique ja' to me lisutcutic tale. Li' chcom achi'inic li Aarón xchi'uc Hure. Xu' ja' chascoltaoxuc ti me oy ava'yejique —xut.

Éxodo 31:2

“A'yo ava'ay, jt'ujoj xa jun vinic te ta jchop yu'un Judá, ja' li Bezaleel, xnich'on Uri, smomnich'on Ure.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Juan 15:14

Vo'oxuc lec jc'opan jbatic me ja' chapasic scotol li c'usitic laj calboxuque.

San Juan 2:5

Li sme'e jech bat yalbe li j'ac've'liletique: —Ch'unic me scotol li c'usitic ta xalboxuque —xut.

Josué 11:15

Ti c'u x'elan albil yu'un Muc'ul Dios li Moisese, ja' li yajtunel Diose, ja' jech laj yalbe comel ec li Josuee. Jech ec li Josuee xquechet la spas scotol, me jbeluc mu'yuc la scomtsan.