Éxodo 16:8 - Bible in Tzotzil de Chenalhó with Deuterocanon

⁸ Li Moisese jech to laj yal: —Ta bat c'ac'al ta xac' tal ti'bol ati'ic li Muc'ul Diose. Ta sobe ta xac' tal ep manavaj ave'ic, yu'un laj yil ti chachopolc'opojic ta stojole. Yu'un li vu'uncutique mu'yuc c'usi xu' cu'uncutic. Mu ja'uc chachopolc'opojic ta jtojolcutic; ja' chachopolc'opojic ta stojol li Muc'ul Diose —xut.

Bible in Tzotzil de Chamula

⁸ Ti Moisese xi to laj sts'ac batel ti slo'ile: —Yu'un ti Diose ta xac' talel beq'uet ati'ic ta smalil c'ac'al. Ti ta sobe, ta xayac'boxuc ep ti c'usi xu' ta xameltsan ti avotique. Yu'un laj xa ya'i ta xchiquin ti xabic'tal c'opojic ta scontrainele. Mu smeloluc, ¿buch'u laj sva'anuncutic un cha'e? Yu'un ti jech xabic'tal c'opojic xa ta scontraineluncutique, ma'uc ta xacontrainuncutic, yu'un ja' ta xacontrainic ti Diose.

Éxodo 16:8 Iomraidhean Croise

Éxodo 16:12

—Laj xa ca'ay ti liquemic ta bic'talvulajetel li achi'iltaque. Jech xavalbe ya'yic: ‘Ta bat c'ac'al tanae chati'ic ti'bol. Sob oc'ome chave'ic manavaj, ja' ti c'u yepal xnoj ach'utic oe. Jech chana'ic o ti vu'un Muc'ul Diosun avu'unique’, uto —x'utat li Moisese.

Éxodo 16:9

Li Moisese jech laj yalbe li Aarone: —Albo scotol jchi'iltactic, ac'o nopajicuc tal ta stojol li Muc'ul Diose yu'un ya'yoj ti ep xa ichopolc'opojic ta stojole —xut.

Éxodo 17:2

Jech te lic yutic li Moisese; jech laj yalbeic: —Ac'bun vo' cuch'cutic —xutic. Itac'ov li Moisese: —¿C'u yu'un ti chavuticune? ¿C'u yu'un chaq'uelbeic yo'nton li Muc'ul Diose? —xut.

Isaías 32:6

Yu'un li boch'o bole ja' no'ox chal li sbolile; puru chopol c'usi chchapan ta yut yo'nton. Ja' no'ox tsnop tspas li c'usi chopole, xchi'uc ti chchopolc'opoj ta stojol Muc'ul Diose. Jeche' xmeymun sc'ob tsut yu'un li boch'o chlaj ta vi'nale; tsjalanbe vo' yuch' li boch'o taquin yo'ntone.

Isaías 37:29

Ta sventa ti tsots liquem sc'ac'al avo'nton ta jtojole, xchi'uc ta sventa ti i'och ta jchiquin li atoyobbaile, ja' yu'un ta jtic'bot xotxot taq'uin ta ani'; ta xcac'bot sfrenoal ave, ja' te ta xcac' sutan batel ta be ti bu latale”, xi li Diose.

Números 11:18

Albo mantal scotol li achi'iltaque, ac'o slecubtas sbaic sventa oc'om, yu'un ta xcac'be ti'bol sti'ic. Yu'un laj ca'ay ti ep ch-oq'uique xchi'uc ti jech chalique: ‘Oyuc bu jtatic ti'bol jti'tique. Ja' toj lec ti c'alal te to'ox oyutic ta Egiptoe’, xiic. Lec oy, vu'un ta xcac'be tal ti'bol sti'ic.

Números 14:27

—¿Baq'uin to xu' chlaj ts'icumal cu'un ta stojol li achi'iltac ta israelal ti ep ta xchopolc'opojic ta jtojole? Yu'un ca'yoj ti ep c'usi chopol chalic ta jtojole.

Números 21:7

Ts'acal te italic ta stojol li Moisese, jech laj yalbeic: —Laj xa jta jmulcutic ta sventa ti lichopolc'opojcutic ta stojol li Muc'ul Diose xchi'uc ta atojol ec li vo'ote. C'anbo vocol Muc'ul Dios ti ac'o jatovuc batel ta jtojolcutic li jti'val chonetique —xutic. Ja' yu'un li Moisese lic sc'anbe vocol Muc'ul Dios ti ac'o xch'aybe ta yo'nton smul li xchi'iltaque.

San Mateo 10:40

“Li boch'o chayich'oxuc ta muq'ue, ja' vu'un chiyich'un o ta muc'. Li boch'o chiyich'un ta muq'ue, ja' ta xich' o ta muc' li Boch'o la stacun tale.

San Mateo 9:4

Li Jesuse la sna' li c'usi la snop ta yo'ntonique, jech laj yalbe: —¿C'u yu'un ti mu'yuc lec c'usi chanop ta avo'ntonique?

San Lucas 10:16

Li Jesuse jech laj yalbe li yajchanc'optaque: —Li boch'o chaya'iboxuc ac'opique ja' vu'un chiya'ibun o jc'op. Li boch'o mu xayich'oxuc ta muq'ue ja' vu'un mu xiyich'un o ta muc'. Li boch'o mu xiyich'un ta muq'ue ja' mu xich'ic o ta muc' li Boch'o la stacun tale —xi li Jesuse.

San Juan 13:20

Jamal chacalboxuc ava'yic: Boch'otic ta xich' ta muc' li boch'o tacbilic cu'une, ja' vu'un chiyich'un o ta muc'. Li boch'otic chiyich'icun ta muq'ue, ja' ta xich'ic o ta muc' li Boch'o la stacun tale —xi li Jesuse.

Romanos 13:2

Ja' yu'un li boch'o tscontrain ajvalile, ja' tscontrain o c'usi xchapanoj li Diose. Li boch'o jech tspase tsa' no'ox svocol stuc.

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.

1 Tesalonicenses 4:8

Me oy boch'o ja' no'ox tsna'le li mantal li'i, muc ja'uc cristiano tsna'le; ja' tsna'le li Dios ti laj yac'butic li Ch'ul Espiritue.

1 Samuel 8:7

Jech itac'bat yu'un li Muc'ul Diose: “A'ibo c'usi chasc'anbicot li achi'iltaque. Muc vo'cot ti chasbajicote; ja' vu'un chisbajicun, yu'un jech mu xa teuc ta jpas mantal ta stojolic.