Éxodo 16:34 - Bible in Tzotzil de Chenalhó with Deuterocanon

³⁴ Jech li Aarone te bat snac' li moch ta stuq'uil xcaxail smantal Dios jech chac c'u cha'al albil yu'un Muc'ul Dios li Moisese.

Bible in Tzotzil de Chamula

³⁴ Jech laj yich' pasel ti va'i s'elan laj yich' albel mantal yu'un Dios ti Moisese. Jech ti Aarone bat yac' ti moch ta xcaxail tratee yo' jech ta xich' q'uejel tey.

Éxodo 16:34 Iomraidhean Croise

1 Reyes 8:9

Te ta yut caxae mu'yuc c'usi yan te tiq'uil; ja' no'ox te oy li cha'pech ton ti la stic' Moisés c'alal te oy ta vits Horebe,, ja' ti bu ts'ibabil li c'usi la xchapan Muc'ul Dios xchi'uc israeletic ti c'alal iloq'uic tal ta Egiptoe.

Éxodo 25:16

Ja' te xatic' ochel ta yut caxa li jmantal chacac'bote.

Éxodo 25:21

Te xatic' ochel ta yut caxa li jmantal chacac'bote; ja'o xavac'be li smaque.

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Éxodo 30:36

Juch'o c'uuc yepal; lec chamen xajuch'. Te xavac' ta nopol xcaxail jmantal ta ch'ulna pasbil ta nucul. Ja' no'ox stuc bats'i lequil ch'ul pom chcom te ta atojolic.

Éxodo 30:6

Ts'acal te xbat avac' ta yeloval li poc' yo' bu tiq'uil xcaxail jmantale, ja' ti bu chataun ta c'opanele.

Éxodo 31:18

C'alal ilaj yo'ntonic ta lo'il xchi'uc Muc'ul Dios li Moisés te ta vits Sinaie, te i'ac'bat yalel tal li cha'pech ton yo' bu ts'ibabil li mantaletic ti la sts'iba tal stuc li Diose.

Éxodo 38:21

Li levietique ja' laj yich'ic ta venta scotol c'u yepal itun li c'usitic pasbil ta taq'uin c'alal la spasic li ch'ulna pasbil ta nucule yu'un jech i'albatic yu'un li Moisese. Ja' q'uelbilic yu'un li Itamar, xnich'on pale Aarone.

Éxodo 40:20

Li Moisese la stsac li cha'pech ton yo' bu ts'ibabil lajuneb mantale. La stic' ta caxa; laj xojbe ochel xq'uechubiltac li caxae, xchi'uc laj yac'be li smaque. Te la stic' ochel ta yut ch'ulna. Te la sjoc'an noxtoc li poq'ue, jech macal icom li xcaxail smantal Dios jech chac c'u cha'al albil yu'un Muc'ul Diose.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 1:53

Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Números 17:10

Li Muc'ul Diose jech laj yalbe li Moisese: “Bat ac'o yan velta te ta stuq'uil xcaxail jmantal li snamte' Aarone; te xaq'uej lec comel. Ja' chtun sventa cht'ab ta yo'ntonic c'usi ic'ot ta pasel li jtoyba cristianoetic li'i. Jech chpajic o ta yalel c'usi chopol ta jtojol, xchi'uc jech mu xchamic”, x'utat li Moisese.

Deuteronomio 10:5

Jech liyal tal ta yoc vits. Vul jtic' ta xcaxail jech chac c'u cha'al yalojbun ono'ox li Muc'ul Diose. Jech te tiq'uil icom o.