Éxodo 16:3 - Bible in Tzotzil de Chenalhó with Deuterocanon

³ Jech laj yalic: —Ja' lec ti teuc no'ox laj yac' chamcuncutic ta Egipto li Muc'ul Diose. Tee jun no'ox co'ntoncutic chotoluncutic ta sts'el binal ti'bol chive'cutic, ja' to ti c'u yepal xnoj jch'utcutic oe. Li vo'oxuque laj avic'uncutic tal li' ta xocol banamil yu'un tal amiluncutic ta vi'nal jcotolcutic —xutic.

Bible in Tzotzil de Chamula

³ ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

Éxodo 16:3 Iomraidhean Croise

2 Samuel 18:33

Li ajvalile toj chopol ic'ot yo'nton. Imuy batel ta scuarto te ta yac'ol li ti'nae; te bat oc'uc. Jech laj yalilan muyel: “¡Cunin nich'on Absalón, cunin nich'on Absalón! Vu'cun chamcune, ¡cunin nich'on Absalón, cunin nich'on!”, xi.

Job 3:1

Ts'acal to li Jobe lic c'opojuc, lic xchopolc'opta li c'usi ora ivoq'ue;

Job 3:10

Yu'un toj chopol li jun ac'ubal le'e, yu'un muc smacbe xch'ut li jme' ti bu to'ox tiq'uilune. Ti lajuc snac'une, mu'yuc li' chquich' tsots vocol ti jechuque.

Job 3:20

“¿C'u yu'un ti li' to ch-ac'bat yil saquil osil li boch'o oy svocole? ¿C'u yu'un ti li' to ch-aq'ue cuxuluc li boch'o toj c'ux abul sbae?

Salmos 107:5

Te ivi'najic, itaquij yo'ntonic; la snop ti te xa chchamic oe.

Salmos 78:19

Chopol ic'opojic ta stojol li Diose, jech laj yalic: “¿Me yu'un xu' chijyac'butic lec jve'eltic ta mexa li' ta xocol banamil li Diose?

Salmos 78:25

Sve'el j'almantaletic laj yac'be sve'ic li yu'untaque; la stacbe tal lec sve'elic, ja' to ti bu c'alal inoj lec xch'utic oe.

Éxodo 14:11

Jech laj yalbeic li Moisese: —¿Me yu'un mu'yuc muquinaltic te ta Egipto ti laj aloq'uesuncutic tal, ti li' tal chamcuncutic ta xocol banamil avu'une? ¿C'u yu'un ti jech laj apasbuncutique? ¿C'u yu'un ti laj aloq'uesuncutic tal ta Egiptoe?

Éxodo 17:3

Pero li israeletique taquin yo'ntonic, jech te chopol ic'opojic ta stojol li Moisese. Jech laj yalbeic: —¿C'u yu'un ti laj aloq'uesuncutic tal ta Egiptoe? ¿Me yu'un ja' no'ox li' tal amiluncutic ta taqui-o'nal xchi'uc calab jnich'nabcutic xchi'uc scotol li jts'unub covolcutique? —xutic.

Éxodo 2:23

C'alal i'ech' xa'ox jayibuc c'ac'ale, icham li ajvalil ta Egiptoe. Li israeletique te ono'ox x'oc' x'avanic o ta scoj li tsots mozoinele, xchi'uc te tsc'anilanbeic o vocol li Diose. Ja' yu'un i'aybatic yoq'uel yavanelic yu'un li Diose.

Éxodo 5:21

Jech laj yalbeic: —Yiloj stuc Muc'ul Dios ti c'u x'elan laj apasique. Ac'o xchapanoxuc stuc. Yu'un vo'oxuc ta amulic ti chopol xa chiyiluncutic li faraón xchi'uc xchi'iltac ta abtele. Vo'oxuc ay avac'beic ta sc'ob espada ya'yel ti c'u cha'al xu' chismiluncutic oe —xutic.

Jeremías 2:6

Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 42:14

me jech chavalique: ‘Mu jc'an xicomcutic li'i, ja' te chbat naquicuncutic ta Egipto. Mu'yuc chquilcutic c'op te; mu'yuc chca'icutic oq'ues sventa pleito, xchi'uc mu'yuc vi'nal te’, me xachiique,

Jeremías 44:17

Ja' no'ox ta jpascutic o li c'usi calojcutic xa ta jpascutique. Ja' ta jchic'cutic o pom ta stojol, xchi'uc ta xcac'becutic o matanaletic ta stojol li Me'ajvalil sventa Vinajel jech chac c'u cha'al ta jpascutic li' ta orae, xchi'uc jech chac c'u cha'al la spasic ono'ox tal li jmoltot jyame'tique, xchi'uc li ajvaliletic, li banquilaletic cu'untic ta lumetic ta Judá xchi'uc ta xoraltic ta Jerusalene. Oy to'ox lec jve'elcutic, xcuxet no'ox co'ntoncutic; me jutuc mu'yuc xquilcutic vocol.

Lamentaciones 4:9

Ja' jutuc no'ox svocolic li boch'otic chchamic ta espadae; ja' toj tsots svocolic li boch'otic chchamic ta vi'nale, yu'un li stuquique ta c'unc'un ch-ochbajic batel ta be ta scoj ti mu'yuc bu sta c'usitic tstunique.

Números 11:15

Me jech vu'un chavac'bun o jventain batele, ja' lec pojbun jch'ulel me ta melel c'uxun ta avo'ntone yu'un jech mu xa me xquil li epal vocoletique —xi li Moisese.

Números 11:20

Sjunul u puru ti'bol ta sti'ic, ja' to ti me tsc'an xa chen xchi'uquique, xchi'uc ti me i'ac'batic ep ib-o'ntonale. Yu'un la scontrainicun, vu'un li Avajvalicun ti li' oyun ta o'lol avu'unique. Ep i'oq'uic, xchi'uc jech laj yalic ta jtojol: ‘¿C'u yu'un ti lijloc'utic tal ta Egiptoe?’, xiic —x'utat yu'un Muc'ul Dios li Moisese.

Números 14:2

Scotolic lic chopol c'opojicuc ta stojol li Moisés xchi'uc Aarone. Jech laj yalic: “Ja' lec ti teuc ono'ox chamcutic ta Egiptoe, xchi'uc ti li'uc chamcutic ta xocol banamile.

Números 14:3

¿C'usi stu cu'untic ti laj yic'utic tal li' ta banamil li Diose? Yu'un ja' no'ox tal cac' jbatic ta milel ta pleito. Li cajnil jnich'nabtique ch-ochic ta sc'ob li cajcontratique. Ja' lec sutcutic batel ta Egipto”, xiic.

Números 16:13

¿Me yu'un mu'yuc tsots sc'oplal ta avo'nton ti laj aloq'uesuncutic tal ta jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e? ¿Me yu'un chac'an li' chavac' chamcuncutic ta xocol banamil? Xchi'uc ¿me yu'un chac'an ti vo'ot no'ox banquilal jpasmantalot cu'uncutique?

Números 16:41

Ta yoc'omal lic chopolc'opojicuc ta stojol Moisés xchi'uc Aarón scotol li israeletique. Jech laj yalbeic: —Vo'oxuc laj amilic li xnich'nabtac Muc'ul Diose —xiic.

Números 21:5

jech te lic chopolc'opojicuc ta stojol li Diose xchi'uc ta stojol li Moisese. Jech laj yalic: —¿C'u yu'un ti laj avic'uncutic loq'uel tal ta Egiptoe? Yu'un li' xa chichamcutic ta xocol banamil avu'un. Yu'un mu'yuc vo' chcuch'cutic, xchi'uc mu'yuc jve'elcutic. I'ech' xa co'ntoncutic yu'un li ve'lil li'i —xiic.

Hechos 26:29

Li Pabloe jech laj yal: —Lec me chach'un ta orae; lec noxtoc me ja' to c'usi orae. Ja' no'ox ti sc'anuc Dios muc vo'ocot no'ox atuc ac'o ach'un jech chac c'u cha'alune, ti oyuc c'uxi jech xch'unic ec ti jayib li' laj ya'yic c'usi laj cale. Ja' no'ox ti mu me xachucatic ta cadena jech chac c'u cha'al chuculune —xi li Pabloe.

1 Corintios 4:8

Ataojic xa scotol ta melel. Jc'ulejoxuc xa, jpasmantaloxuc xa. Mu xa persauc vu'uncutic chajventainotcutic. Toj lec ti oyuc c'uxi xa'ochic ta jpasmantal ta melele, yu'un jech co'ol ta jpastic mantal ti jechuque.

2 Corintios 11:1

Lec ti oyuc c'uxi ats'icbicun jutuc ec ti chcal jbolil jtuque; avocolicuc ts'icbicun jutuc.

Deuteronomio 28:67

Bats'i toj tsots xi'el chava'yic scotol c'ac'al ta sventa li c'usitic chavil ta asatique. C'alal ja' to no'ox tsacub osile, jech chavalic: ‘¡Ee, oyuc la ca'tic c'uxi ic'ubuc osil ta anile!’, xachiic. Ta ac'ubaltique jech chavalic noxtoc: ‘¡Ee, oyuc la ca'tic c'uxi sacubuc osil ta anile!’, xachiic.

Deuteronomio 8:3

Ac'o me laj yac'boxuc ep avocolic, me la stsacoxuc vi'nal, pero ts'acal laj yac'boxuc yalel tal manavaj ave'ic ti mu xavotquinique, me ja'uc amoltotaquic ta vo'one muc xotquinic ec, yu'un chac' avilic ti muc ta vajuc no'ox ta xcuxi li cristianoe. Ja' ta xcuxi ta sventa scotol li sc'op chloc' ta ye li Muc'ul Diose.

Josué 7:7

Li Josuee jech laj yal ta stojol li Muc'ul Diose: —Ay, Cajval, ¿c'u yu'un ti laj avac' jelovcuncutic tal li' ta jot uc'um Jordán, yu'un tal avac'uncutic ta milel jcotolcutic yu'un li amorretique? Ja' lec ti teuc no'ox licomcutic ta jot uc'um Jordane.