Éxodo 16:23 - Bible in Tzotzil de Chenalhó with Deuterocanon

²³ Li Moisese jech laj yal: —Le'e ja' jech yaloj mantal li Muc'ul Diose, yu'un li oc'ome ja' xa ch'ul c'ac'al; yorail ta jcux co'ntontic. Ja' xcuxubil co'ntontic ti voc'bil yu'un Muc'ul Diose. Meltsanic me oy meltsanel tsc'an ave'elique. Panic me oy c'usi panel tsc'an avu'unique. Li scomelale naq'uic sventa oc'om —xut.

Bible in Tzotzil de Chamula

²³ Va'i un, xi albatic yu'un ti Moisese: —Ti va'i s'elan taje, ja' no'ox jech yaloj mantal ti Diose. Yu'un ti oc'ome, ja' cuxob o'ntonal, jun cuxob o'ntonal ti ja' t'ujbil yu'un ti Diose. Meltsanic ti ave'elic ti c'u s'elan sc'an meltsanel ti jun c'ac'al li'e. Lacanic ti c'usi sc'an lacanele, ti c'usi sc'an pasel ta xavilique. Ti c'u yepal ta xcom scomelale, q'uejic sventa yoc'omal.

Éxodo 16:23 Iomraidhean Croise

Nehemías 9:13

“Ts'acal layal tal ta vits Sinaí, laj ac'opan yalel tal c'alal ta vinajel li jmoltotaccutique. Laj avac'be tuq'uil tojobtasel xchi'uc mantaletic ti puru melelique, xchi'uc lequil chanubtasel, xchi'uc yantic c'usitic ac'o spasic.

Nehemías 9:14

Laj avalbe noxtoc ti oy jun c'ac'al xcuxubil co'ntoncutique, ti ja' jun c'ac'al voc'bil o ta atojole, xchi'uc ti ja' ta sventa Moisés laj avac' comel li mantaletic, li chanubtaseletic, xchi'uc li c'usitic yantic laj avale.

Éxodo 16:19

Li Moisese jech laj yalbe li xchi'iltaque: —Mu me boch'o scomtsan avu'unic sventa yoc'omal —xut.

Éxodo 23:12

“Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, yu'un jech xu' chcuxic lec ec li avacaxique, li aburoique. Xchi'uc jech xu' chcuxic ec li amozoique xchi'uc li yanlumetique.

Éxodo 31:15

Vaquib no'ox c'ac'al xu' cha'abtejic. Yan ta svucubal c'ac'ale ja' sc'ac'alil chacux avo'ntonic; ja' voc'bil cu'un, vu'un li Muc'ul Diosune. Me oy boch'o ta x'abtej avu'unic ta sc'ac'alil chacux avo'ntonique, ac'o yich' milel’, uto li achi'iltaque.

Jeremías 17:22

Mu me xacuch loq'uel avicatsic te ta anaic ti c'alal sc'ac'alil chacux avo'ntonique; mu me xapasic jchopuc abtel. Ich'ic ta muc' li sc'ac'alil chacux avo'ntonic, jech chac c'u cha'al laj ono'ox calbeic li amoltot ayame'ic ta vo'onee.

Levítico 23:3

“Vaquib no'ox c'ac'al xu' cha'abtejic; yan ta svucubal c'ac'ale ja' sc'ac'alil chacux avo'ntonic. Ja' yorail chapasic jun ch'ul tsobajel sventa chavich'icun ta muc', jech mu xu' chapasic jchopuc abtel. Buyuc no'ox nacaloxuc batel, ja' sc'ac'alil chacux avo'ntonic o li jun c'ac'al le'e.

Números 11:7

Li manavaje co'oltic jech chac c'u cha'al bec' culantu, c'onc'ontic sba jech chac c'u cha'al xuch'.

Números 11:8

Ta ac'ubaltic c'alal ta xyal job osile, ja'o te chyal tal ec li manavaje. Jech li israeletique chloc' stsobic, jech oy chlic xjuch'ic, oy chlic stenic lec, oy tspanic noxtoc, xchi'uc oy tsmeltsanic lec. Jech chbat yu'unic jech chac c'u cha'al pan. Li smuile co'oltic jech chac c'u cha'al vaj pasbil ta arina xchi'uc aceite.

San Lucas 23:56

C'alal isutic batel ta snaique, c'ot xchapanic muil vomoletic xchi'uc muil poxiletic, pero la xcux yo'ntonic ba'yuc ta sc'ac'alil ta chcux yo'ntonic jech chac c'u cha'al chal li mantaletic yu'unique.

Deuteronomio 5:12

‘Na'o me li c'ac'alil chacux avo'ntonic sventa chavich'icun ta muc' jech chac c'u cha'al calojboxuc ono'oxe.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.