Éxodo 16:21 - Bible in Tzotzil de Chenalhó with Deuterocanon

²¹ Ta jujun sob no'ox la stsobic ti c'u yepal xlaj sve'ic jujunique yu'un c'alal chq'uixnaj c'ac'ale, ta x'ul batel.

Bible in Tzotzil de Chamula

²¹ Ta jujun tal chba stsobic ta jujun sob ic'luman ti c'u yepal ta xtun yu'unic ti ta sve'ique. Yu'un ta x'unij yu'un ti c'ac'ale.

Éxodo 16:21 Iomraidhean Croise

Éxodo 16:20

Pero oy jayibuc muc xch'unic c'usi laj yal li Moisese. Laj to scomtsanic sventa yoc'omal. Ti c'u yepal la scomtsanique ivoc' xuvital, xchi'uc ituib. Li Moisese i'ilin ta stojol li xchi'iltaque.

Éxodo 16:22

Yan ta svaquibal c'ac'ale cha'tsop la stsobic sventa chib c'ac'al. Ja' chanib litro la stsobic jujunic ta jujun yajval. Li banquilaletic ta jujutsob israeletique bat yalbeic li Moisese.

Eclesiastés 12:1

Ti c'alal ach'iumalic to tale, na'ic me ti oy Boch'o la spasoxuque, yu'un yo'to mu'yuc chataic li chopol orae, yu'un ta to me sta yorail jech chlic avalic: “Mu'yuc c'usi lec la jta ti jayib jabil cuxulune”, xachiic,

Eclesiastés 9:10

Scotol li c'usitic cha'ac'bat aventain spasele paso me ti bu c'alal xatabe yipal spasele, yu'un c'alal me labat ta yavil animaetique, mu'yuc xa abtel, mu'yuc c'usi stac' pasel, mu'yuc xa c'usi jna'tic, mu'yuc xa bijubtasel.

San Mateo 6:33

Ja' yu'un tsc'an ba'yuc chavac' abaic ta ventainel yu'un li Diose, xchi'uc ti chapasic c'usi tsc'ane, jech chayac'boxuc scotol li c'usitic ta xtun avu'unique.

San Juan 12:35

Itac'ov li Jesuse: —Mu xa epuc c'ac'al li' oy ta atojolic li luze. Ja' lec xanovanic ta sac osil ti c'alal yo'to li' oy li luze, yu'un jech mu me ch'ayeluc avo'ntonic chastaoxuc li ic' osile. Yu'un li boch'o chanov ta ic' osile mu sna' bu chbat.

2 Corintios 6:2

Yu'un jech yaloj li Diose: “C'alal ja' xa yorail chaquic'ote, chca'ibot li ac'ope. C'alal ja' xa sc'ac'alil chacole, ta jcoltaot”, xi. A'yo ava'ay, yorail xa chayic'ot; ja' xa sc'ac'alil chascoltaot.