Éxodo 16:2 - Bible in Tzotzil de Chenalhó with Deuterocanon

² C'alal te oyic ta xocol banamile, scotolic iliquic ta bic'talvulajetel ta stojol li Moisés xchi'uc Aarone.

Bible in Tzotzil de Chamula

² Ti bu ti sbajtical banomil taje, scotolic liquic ta vulajetel ta scontrainel ti Moisese xchi'uc ti Aarone,

Éxodo 16:2 Iomraidhean Croise

Génesis 19:4

C'alal mu'yuc to'ox chvayique, scotol li viniquetic ta Sodomae te ic'otic ta sna li Lote. C'alal ta ch'ium queremetic c'alal ta moletic italic; te vul set sbaic ta sna li Lote.

Salmos 106:13

Pero ta jliquel no'ox ich'ay ta yo'ntonic li atsatsale; muc smalaic chc'ot ta pasel li c'usi achapanoje.

Salmos 106:25

Te ta scarpanaic iliquic ta bic'talvulajetel ta stojol li Muc'ul Diose; muc xch'unbeic li c'usitic laj yale.

Salmos 106:7

Li jmoltot jyame'cutic te ta Egiptoe mu'yuc tsots sc'oplal ta yo'ntonic li sq'uelubiltac atsatsal laj apase. Ich'ay ta yo'ntonic ti toj ep c'uxubinel avu'une; la stoy sbaic ta atojol te ta ti' Tsajal Nab.

Éxodo 14:11

Jech laj yalbeic li Moisese: —¿Me yu'un mu'yuc muquinaltic te ta Egipto ti laj aloq'uesuncutic tal, ti li' tal chamcuncutic ta xocol banamil avu'une? ¿C'u yu'un ti jech laj apasbuncutique? ¿C'u yu'un ti laj aloq'uesuncutic tal ta Egiptoe?

Éxodo 15:24

Li israeletique te lic chopolc'opojicuc ta stojol li Moisese, jech la sjac'beic: “¿C'usi ta xcuch'tic?”, xutic.

Éxodo 17:3

Pero li israeletique taquin yo'ntonic, jech te chopol ic'opojic ta stojol li Moisese. Jech laj yalbeic: —¿C'u yu'un ti laj aloq'uesuncutic tal ta Egiptoe? ¿Me yu'un ja' no'ox li' tal amiluncutic ta taqui-o'nal xchi'uc calab jnich'nabcutic xchi'uc scotol li jts'unub covolcutique? —xutic.

Éxodo 5:21

Jech laj yalbeic: —Yiloj stuc Muc'ul Dios ti c'u x'elan laj apasique. Ac'o xchapanoxuc stuc. Yu'un vo'oxuc ta amulic ti chopol xa chiyiluncutic li faraón xchi'uc xchi'iltac ta abtele. Vo'oxuc ay avac'beic ta sc'ob espada ya'yel ti c'u cha'al xu' chismiluncutic oe —xutic.

Números 14:22

Scotol li boch'otic laj xa yilic jtsatsale, xchi'uc ti laj yilic li senyail la jpas te ta Egipto xchi'uc ta xocol banamile, xchi'uc ti ep xa ta velta ja' no'ox la sq'uelbicun c'u x'elan co'ntone, ti mu xch'unic li jmantale,

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.