Éxodo 15:7 - Bible in Tzotzil de Chenalhó with Deuterocanon

⁷ Ta amuc'ul atsatsal laj avules li boch'o la sva'lebinote; itsan li sc'ac'al avo'nton yu'unique. Li stuquique ic'aq'uic jech chac c'u cha'al taqui jobel.

Bible in Tzotzil de Chamula

⁷ Yu'un ta amuc'ul atsatsal, laj atsal ti buch'utic ta scontrainote; laj aloq'ues ti sc'ac'al avo'nton ta stojolique, ti c'aq'uic ta j'ech'el jech c'u cha'al ti jobele.

Éxodo 15:7 Iomraidhean Croise

Job 9:4

Li stuque toj ep sbijil, toj ep svu'el; ¿me oy boch'o lec chbat me tstoy sba ta stojole?

Salmos 148:13

Albeic slequilal sbi li Muc'ul Diose, yu'un ja' no'ox stuc toj ech'em smuc'ul; ja' toj ech'em svu'el te ta vinajel xchi'uc ta banamil.

Salmos 59:13

Lajesbo sc'oplalic ta j'ech'el ta scoj li sc'ac'al avo'ntone; mu xa me xcomic li' ta banamil, yu'un jech ac'o yich' na'el ti vo'ot chapas mantal ta stojol li Jacob c'alal to ta slajeb banamil, vo'ot li Diosote.

Salmos 68:33

ja' li boch'o cajal ta sba yac'ol vinajele, ja' li vinajel ti te oy o ta vo'onee. A'yo ava'yic, toj ech'em svu'el li sc'ope.

Salmos 83:13

Dios cu'un, ac'o cuchaticuc batel ta sutub ic', ac'o c'oticuc jech chac c'u cha'al jobel ti chbat ta iq'ue.

Éxodo 14:27

Jech li Moisese la stoy sc'ob ta sba li nabe. C'alal sac xa'oxe, la snu'p sba yan velta li nabe. Pero toj ech'em stsatsal li vo'e. C'alal yu'un xa'ox chjatovic loq'uel li egiptoetique, te la snup sbaic ta be xchi'uc li nabe. Jech li Muc'ul Diose te laj yac' muquicuc o ta vo'.

Éxodo 5:12

Li israeletique scotolic la spuc sbaic ta scotol Egipto ta sa'el te'el trigo sventa xq'uexol li jobele.

Éxodo 9:16

Pero li' to cuxulot cu'un, yu'un jech chcac'bot avil c'u x'elan li jvu'ele, yu'un jech ac'o vinajuc batel jbi ta scotol banamil.

Isaías 37:17

Muc'ul Dios, a'ibun li jc'ope; vic'o li asate, q'ueluncutic me. A'yo ava'ay scotol c'usi laj yal li ajvalil Senaquerib ti li' la stac tal yaj'abteltac ta sventa la xchopolc'optaot vo'ot li cuxul Diosote.

Isaías 37:23

¿Boch'o ti lachopolc'opta ti yan xavich' xaval ta stojole? ¿Boch'o ti tsots la'avan ta stojol ti colajtic xa asat laj aq'uel batel ta atoyobbaile? ¡Ja' laj acontrain li Ch'ul Dios yu'un Israele!

Isaías 37:29

Ta sventa ti tsots liquem sc'ac'al avo'nton ta jtojole, xchi'uc ta sventa ti i'och ta jchiquin li atoyobbaile, ja' yu'un ta jtic'bot xotxot taq'uin ta ani'; ta xcac'bot sfrenoal ave, ja' te ta xcac' sutan batel ta be ti bu latale”, xi li Diose.

Isaías 37:36

Jech iloc' batel li yaj'almantal Muc'ul Diose, bat smil vo'ob slajunvinic (185,000) ta mil li asiriaetic te ta scarpanaique. C'alal iliquic ta yoc'omale, puru animaetic xa te telajtic.

Isaías 37:38

Ta yan c'ac'al, c'alal ja'o batem ta sna sdios, yu'un bat yich' ta muc' li sdios Nisroque, te ibatic li chib xnich'nabe, ja' li Adramelec xchi'uc Sarezere; te la smilic comel li stotique. Jech ijatovic batel ta yosilal Ararat; ja' i'och ta xq'uexol jun xnich'on Esarhadón sbi.

Isaías 47:14

Scotolic le'e ja' jechic jech chac c'u cha'al c'ajben ti ta ora no'ox xu' chc'ac' ta c'oq'ue, ti mu xu' chcol ta yat c'oq'ue. Yu'un li c'oq'ue mu ja'uc jech chac c'u cha'al ac'al ti xu' chijchotiutic ta c'atimol ta nopole.

Isaías 5:16

Yan li Muc'ul Dios ti ech'em svu'ele chac' ta ilel smuc'ul stsatsal ti c'alal chac'be stojol mulile; li Ch'ul Diose chac' ta ilel stuq'uil yo'nton ti c'alal chchapanvane.

Isaías 5:24

A'yo ava'yic, jech chac c'u cha'al chc'ac' ta c'oc' c'ajbene, jech chac c'u cha'al ta yat c'oc' no'ox chlaj li jobele, ja' jech chalajic ec li vo'oxuque; ja' jech cha'ulic jech chac c'u cha'al te' ti chc'a' batel c'alal ta yibele, ti tspas ta pucuc li xniche, yu'un laj abajbeic smantal li Muc'ul Dios ti ech'em svu'ele; chopol laj avilbeic tojobtasel yu'un li Ch'ul Dios yu'un Israele.

Jeremías 10:6

Muc'ul Dios, mu'yuc boch'o yan xco'laj jech chac c'u cha'al li vo'ote. Li vo'ote toj ech'em amuc'ul, toj muc' ta a'yel li abie, toj ech'em stsatsal.

Miqueas 4:11

Li' ta orae toj ep xa banamiletic stsoboj sbaic sventa chascontrainicot, jech chalic: “Ta to jq'ueltiquic c'u x'elan soquem chcom sc'oplal li lum Sione; ta to xquil ta jsatic c'u x'elan li svocole”, xiic.

Zacarías 14:3

Ts'acal to li Muc'ul Diose chlic stsac ta c'op li lumetic le'e; ja' jech ta spasbe jech chac c'u cha'al tspas ono'oxe.

Zacarías 14:8

Jech noxtoc, ta sc'ac'alil le'e ta xlic t'omanuc nio'etic li' ta Jerusalén; te oy o ta yorail scomil c'ac'al xchi'uc ta snatil c'ac'al. J'o'lol chbat ta Nab Muerto; j'o'lol chbat ta Nab Mediterráneo.

Zacarías 2:8

Li Muc'ul Dios ti tspas ta mantal scotol te ta vinajele la stacun tal ta sventa tal calbe c'usi chc'ot ta pasel ta stojolic li muc'tic lum ti la spojboxuc c'usitic oy avu'unique, jech chal li Muc'ul Diose: “Boch'ouc no'ox ta xuts'inta li jteclumale, ja' ta xuts'intabun o li yuninal jsate. Ja' yu'un vu'un jtuc ta xcac' jc'ob ta stojol li jujun banamil le'e, jech smozo xa no'ox stuquic ta xpojbat c'usitic oy yu'unic”, xi. Xchi'uc jech chana'ic o ti ja' la stacun tal li Muc'ul Dios ti tspas ta mantal scotol te ta vinajele.

Malaquías 4:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta xa xtal li jun c'ac'al ti tstsan jech chac c'u cha'al hornoe. Scotol li jtoybaetique xchi'uc li boch'otic tspasic c'usitic chopole ja' jech chc'otic jech chac c'u cha'al taqui jobel. C'alal chtal li jun c'ac'al le'e chchic' scotol, chlaj c'alal ta yibel c'alal ta sc'obc'ob.

San Mateo 3:12

Jech noxtoc li yic'aubil strigoe te xa stsacoj ta sc'ob, ta smes lec li yav smajubil strigoe. Li strigoe ta stic' ochel ta snail; yan li ste'ele ta xchic' ta c'oc' ti bu mu ono'ox xtu'p oe”, xi li Juane.

Hechos 9:4

Iyal ta lum. Te laj ya'ay ic'opanat: “Saulo, Saulo, ¿c'u yu'un chavuts'intaun?”, x'utat.

Deuteronomio 33:26

“Mu'yuc boch'o jech yan Dios jech chac c'u cha'al li Dios yu'un Jesurune. Li stuque cajal chtal ta anil ta ba toc xchi'uc svu'el sventa chtal scoltaot.

Deuteronomio 4:24

Yu'un li Muc'ul Dios cu'untique it'ix yo'nton me oy c'usi yan chbat co'ntontic yu'une. Li stuque xco'laj xchi'uc c'oc' ti xu' yu'un ta xchic' scotole.

Hebreos 12:29

Yu'un li Dios cu'untique ja' jech chac c'u cha'al c'oc' ti xu' yu'un chchic'vane.