Éxodo 15:21 - Bible in Tzotzil de Chenalhó with Deuterocanon

²¹ Ja' jech la sq'uejinta: “Q'uejinanic sventa chquich'tic ta muc' li Muc'ul Diose, yu'un toj jun yutsil ti c'u x'elan itsalvane. Ja' ti la smuc ta nab xchi'uc yajvaltac li ca'etique”, xi li sq'ueoje.

Bible in Tzotzil de Chamula

²¹ ti c'alal ja' o xi ta xnitatic ta q'uejimole: “Q'uejinanic yu'un ti Diose, yu'un ch'ayal c'ot o'ntonal ti c'u s'elan pojvan ti c'alal laj smut'i ta nab ti ca'etique xchi'uc ti yajvale.”

Éxodo 15:21 Iomraidhean Croise

2 Samuel 1:20

Mu me xavalic batel ta lum Gat xchi'uc ta xoraltic ta Ascalón, yu'un jech mu xcuxetuc xa yo'ntonic li filista antsetique, yu'un jech mu x'ac'otajic xa li antsetic ti mu'yuc yich'ojic ta muc' Diose.

2 Samuel 6:14

Li Davide scotol yo'nton i'ac'otaj ta stojol Muc'ul Dios; te slapoj jlic comcom c'u'il pasbil ta lino.

2 Crónicas 5:13

Jech scotolic jmoj lic sjupanic li oq'uesetique; tsots lic q'uejinicuc sventa chich'ic ta muc', tstojbeic ta vocol li Muc'ul Diose. La sjupanic li yoq'uesique, xchi'uc la stijic scotol li yabtejebic sventa sonetic c'alal ja'o jech chq'uejinique: “Albeic slequilal li Muc'ul Diose, yu'un ja' toj lec yo'nton, yu'un sbatel osil mu xlaj o li c'uxubinel yu'une”, xiic. Ta ora no'ox inoj ta toc li ch'ulna yu'un Muc'ul Diose.

Salmos 76:6

Dios cu'un, vo'ot li Diosot yu'un Jacobe, ta xi'elal stsatsal ac'op no'ox ipaj ta xanubal avu'un li caretaetic xchi'uc li ca'etique.

Éxodo 15:1

Li Moisés xchi'uc xchi'iltac ta israelale, la sq'uejintaic jun q'ueoj sventa chich'ic ta muc' li Diose. Ja' jech li sq'ueojique: “Li' chiq'uejin yu'un chquich' ta muc' li Muc'ul Diose, yu'un toj jun yutsil ti c'u x'elan itsalvane; ja' ti la smuc ta nab xchi'uc yajvaltac li ca'etique.

Éxodo 15:4

Li Muc'ul Diose ja' la smucbe ta nab scaretatac xchi'uc yajsoldadotac li faraone; li lequil banquilal soldadoetic st'ujoje te ijic'ovic ta Tsajal Nab.

Apocalipsis 14:3

Tsq'uejintaic jun ach' q'ueoj te yo' bu chotol li Diose, xchi'uc ta stojol li chanibique, xchi'uc ta stojol li chanib xcha'vinic (24) banquilaletique. Mu'yuc boch'o yan xu' chchan li q'ueoje. Ja' no'ox stuc xchanojic li chanib xvaxacvinic ta mil (144,000) icolic loq'uel ta stojol cristianoetic li' ta banamile.

Apocalipsis 15:3

Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.

Jueces 5:3

Ajvaliletic, a'ibicun jc'op; banquilaletic, a'yic c'usi chcal. Li' ta jq'uejinta li Muc'ul Diose. Li' chiq'uejin yu'un li Muc'ul Dios, ja' li Dios yu'un Israele.

1 Samuel 18:6

Ts'acal to c'alal laj xa'ox smil filista vinic li Davide, isutic tal scotol li israeletique. Scotol li antsetic te ta lumetic yu'un israeletique iloq'uic tal scotolic, chq'uejinic tal, ch-ac'otajic tal, tal snupic ta be li ajvalil Saule. Te tstijic tal son; xcuxet no'ox yo'ntonic chq'uejinic tal.

1 Samuel 18:7

C'alal chq'uejinic, ch-ac'otajic li antsetique, jech chalic: “Ja' jmil (1,000) viniquetic la smil li Saule; ja' lajunmil (10,000) la smil li Davide”, xiic.