Éxodo 15:2 - Bible in Tzotzil de Chenalhó with Deuterocanon

² Ti chiq'uejine ja' ta sventa li Muc'ul Diose, yu'un ja' jtsatsal xchi'uc jcoltael c'otem. Ja' Dios cu'un, jech ta jq'uejintabe slequilal. Ja' Dios yu'un li jtote, jech tsc'an chcac' ta ich'el ta muc'.

Bible in Tzotzil de Chamula

² Ti jq'uejimole, ja' sq'uejintael ti Diose, yu'un ja' yip co'nton, ja' jpojobbail. Ta xcalbe slequilal, yu'un ja' Dios cu'un; ja' Dios yu'un ti jtote, jech ta sc'an ta xcac' ta toyesel ti sc'oplale.

Éxodo 15:2 Iomraidhean Croise

Génesis 17:7

Li c'usi ta jchapan ta atojole te chcom o ta stojol scotol li amomnich'nabtac ti ta to xtalique, ja' ti vu'un Diosun o avu'une, xchi'uc vu'un Diosun yu'unic ec li amomnich'nabtaque.

Génesis 49:18

“Muc'ul Dios, li' ta jmala ti ac'o acoltaune.

2 Samuel 22:3

Dios cu'un, vo'ot jnac'ubbailot; vo'ot jmacot. Ta avu'el chacoltaun; vo'ot lec toyol jnac'ubbailot, lec toyol jpojobbailot. Jcoltavanejot cu'un, yu'un laj acoltaun ta uts'intael.

2 Samuel 22:47

“¡Ich'biluc ta muc' li Muc'ul Diose!, ¡Ac'o ich'atuc ta muc' li jchabivanej cu'une! Ac'o muq'uibuc sc'oplal li Diose, ja' li jcoltavanej cu'une.

2 Samuel 22:51

Laj avac' tsalvanuc li ajvalil at'ujoje, yu'un lec ono'ox ac'anoj li Davide xchi'uc li smomnich'nabtaque”, xi li q'ueoj la sq'uejinta Davide.

2 Samuel 7:24

Yu'un j'ech'el laj aval ti ja' ateclumal chcom o li israeletique, xchi'uc ti vo'ot Muc'ul Diosot yu'unic oe.

2 Samuel 7:5

“Batan, jech xbat avalbe li cajtunel Davide: ‘Jech chayalbot li Muc'ul Diose: Muc vo'cot oy ta aventa chapasbun jna ti bu xu' chinaquie.

1 Reyes 8:13

Li vu'une la jpas jun ch'ulna ti bu xu' chanaquie; ja' ana cu'un sventa te chanaqui o”, xut.

1 Reyes 8:27

“Pero ¿me ta melel ti xu' chtal naclan li' ta banamil vo'ot li Diosote? Yu'un me mu xa'och o ta vinajel ti toj muq'ue, ¿c'u x'elan xu' xa'och o ta avunin ch'ulna ti la jpasbote?

1 Crónicas 16:14

“Li Muc'ul Diose ja' Dios cu'untic; ja' sventainoj scotol banamil.

Salmos 109:1

Dios, vo'ot ti chcal alequilale, mu me teuc no'ox ch'an xachi.

Salmos 118:14

Li stsatsal co'ntone, li xcuxetel co'ntone ja' li Muc'ul Diose, yu'un ja' jcoltavanej cu'un.

Salmos 118:21

Chajtojbot ta vocol yu'un laj ava'ibun li jc'ope, yu'un vo'ot laj acoltaun.

Salmos 118:28

Vo'ot li Diosot cu'une, chajtojbot ta vocol; Dios cu'un, ta xacac'ot ta ich'el ta muc'.

Salmos 132:5

ja' to me la jtabot lec ana, vo'ot li Muc'ul Diosote, ja' to me la jtabot lec avavil, vo'ot li Diosot yu'un Jacob ti ech'em atsatsale”, xi.

Salmos 140:7

Muc'ul Dios, Cajval, muc'ul jcoltavanej cu'un, vo'ot laj amacbun jol ti c'alal oyun ta yorail muc'ta c'ope”, xcut.

Salmos 145:1

Ta xcal c'u x'elan amuc'ul, Dios cu'un, Ajvalil cu'un; ta xcal alequilal sbatel ora, sbatel osil.

Salmos 18:46

Toj lec li Muc'ul Diose. Ich'biluc ta muc' yu'un ja' jnac'ubbail. Ac'o muq'uibuc sc'oplal li Diose, ja' li jcoltavanej cu'une.

Salmos 22:10

C'alal mu'yuc to'ox chivoq'ue, vo'ot ono'ox aventainojun; c'alal tiq'uilun to'ox ta yut xch'ut jme'e, vo'ot ono'ox Diosot cu'un.

Salmos 22:3

Vo'ot li Ch'ul Diosote, vo'ot chapas mantal, ich'bilot ta muc' yu'un li Israele.

Salmos 27:1

Li Muc'ul Diose ja' luz c'otem cu'un, ja' jcoltavanej cu'un, jech mu'yuc boch'o xu' chixi' yu'un. Li Muc'ul Diose ja' sventainojbun jcuxlejal, jech mu'yuc boch'o xu' chistic'bun xi'el ta co'nton.

Salmos 28:8

Li Muc'ul Diose ja' stsatsalic c'otem li steclumale. Ja' spojobbail, ja' jcoltavanej yu'un li ajvalil st'ujoje.

Salmos 30:1

Muc'ul Dios, li' ta xcal alequilal, yu'un laj atoyun liquel; muc xavac' stse'intaicun li cajcontrataque.

Salmos 34:3

La' jmuq'uibtasbetic sc'oplal li Muc'ul Diose; la' cac'tic lec ta ich'bel ta muc' li sbie.

Salmos 48:14

Yu'un li Diose ja' Dios cu'untic o sbatel osil; ja' jtojobtasvanej cu'untic o sbatel osil.

Salmos 59:17

Jcoltavanej cu'un, chiq'uejin ta aventa, yu'un vo'ot Diosot cu'un, vo'ot jnac'ubbail c'otemot, vo'ot li Diosot ti toj c'uxun ta avo'ntone.

Salmos 68:20

Li Dios cu'untique ja' no'ox jun Dios ti chcoltavane, xchi'uc ja' xu' yu'un chiscoltautic ta sventa lajel.

Salmos 99:5

Ich'ic ta muc' li Muc'ul Dios cu'untique; quejano abaic ta stojol te ta stec'um yacan, yu'un ja' Ch'ul Dios stuc.

Salmos 99:9

Ich'ic ta muc' li Muc'ul Dios cu'untique; quejano abaic ta stojol te ta ch'ul vits yu'un, yu'un li Muc'ul Dios cu'untique ja' ch'ul Dios stuc.

Éxodo 14:13

Itac'ov li Moisese: —Mu xaxi'ic. Junuc avo'ntonic. Tana li'i chavilic c'u x'elan chascoltaoxuc li Muc'ul Diose. Li egiptoetic ti chavilic le' xa xtalique, mu'yuc xa bu chavilic o yan velta.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 4:22

Ts'acal jech xlic avalbe li faraone: ‘Jech chayalbot li Muc'ul Diose: Li Israele ja' sba jnich'on.

Éxodo 40:34

li ch'ulna pasbil ta nucule ital pixatuc ta toc, jech inoj ta xojobal Muc'ul Dios li yut ch'ulnae.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Isaías 12:2

Li Diose ja' jcoltavanej cu'un; jun no'ox co'nton o, mu'yuc c'usi ta jxi'be; ja' stsatsal co'nton, ja' sq'uejimol co'nton li Muc'ul Diose, yu'un ja' la scoltaun”, xachiic.

Isaías 25:1

Muc'ul Dios, vo'ot Diosot cu'un; chaquich'ot ta muc', ta xcal slequilal abi, yu'un toj labalic sba c'usi laj apas. Li c'usitic avaloj ono'ox ta vo'one, puru tuq'uic, puru melelic.

Isaías 45:17

Yan li Israele coltabil yu'un li Muc'ul Diose, ch-ac'bat lec coltael sventa sbatel osil; mu'yuc chyalic ta q'uexlal, mu'yuc bu biq'uit chcomic.

Isaías 49:6

Jech chal: “Mu xu' o ti ja' no'ox chacom ta cajtunel sventa ta jtsob tal yan velta sts'unubal li Jacobe, sventa ta jliques yan velta ti c'u to yepal comenic sts'unubal li Israele. Ja' yu'un ta xcac' noxtoc ti vo'ot luz chac'ot ta yantic banamile, yu'un vo'ot chavich' batel c'alal to ta sti'iltac banamil li coltaele”, xiyutun.

Isaías 66:1

Li Muc'ul Diose jech chal: “Li vinajele ja' jchotleb; li banamile ja' stec'ub cacan. ¿C'u x'elan chapasbicun jna li vo'oxuque? ¿Bu xu' chapasbicun xcuxubil co'nton?

Jeremías 3:23

Ta melel altic no'ox ti chibatcutic ta vitsetique, ti te xi'avetcutic ta stselejtique. Ta melel vo'ot li Muc'ul Diosot cu'uncutique; vo'ot no'ox te oy ta atojol li coltael ta sventa israeletique.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Jeremías 32:38

Ja' jteclumal chc'otic o, vu'un Diosun yu'unic ta xc'ot ec.

Habacuc 3:13

Ja' loq'uemot tal sventa tal acolta li ateclumale, xchi'uc tal acolta li ajvalil at'ujoje. Laj alilinbe sjol li banquilale; laj alilinbe c'alal ta yacan.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

San Lucas 1:77

Tal avac'be sna'ic ti xu' tstaic coltaele, ti xu' tstaic perdón yu'un smulique.

San Lucas 2:30

Yu'un laj xa quil ta jsat ivul ta jtojolcutic li coltael avu'une,

San Juan 4:22

Li vo'oxuque mu xavotquinic li boch'o chavich'ic ta muq'ue. Yan li vu'uncutique ja' chquich'cutic ta muc' li boch'o lec xcotquincutique. Yu'un li mero coltaele te chlic ta stojol li judioetique.

San Juan 5:23

Yu'un jech ac'o ich'atcun ta muc', jech chac c'u cha'al ich'bil ta muc' li Jtote. Li boch'otic mu xiyich'icun ta muc' vu'un li xnich'onune ja' mu xich'ic o ta muc' li Jtot ti la stacun tale.

Hechos 4:12

Yu'un mu'yuc bu yan xu' ta jtatic coltael; mu'yuc boch'o yan albil sc'oplal yu'un Dios li' ta banamil ti xu' chijcolutic yu'une —xi li Pedroe.

2 Corintios 5:19

Ja' ta sventa Cristo lic sco'lajes yo'nton xchi'uc cristianoetic li Diose. Mu xa ja'uc tst'ab ta yo'nton li jmultic jsa'ojtic ta stojole. Ja' yu'un laj yac'bun cabtelcutic xcholel ti ico'laj xa co'nton jchi'uctique.

Efesios 2:22

Te xa capal chavich'ic latsel muyel ec li vo'oxuque, yu'un jech te chnaqui stuc Dios ta sventa li Ch'ul Espiritue.

Deuteronomio 10:21

Yu'un ja' no'ox stuc xu' chich' albel slequilal, ja' no'ox stuc Dios cu'untic ti laj yac'butic quiltic muc'tic sq'uelubiltac stsatsal la spas ta jtojoltique.

Filipenses 2:11

Scotol cristiano ta jujuchop c'op chlic yalic ta jamal ti ja' Ajvalil stuc li Jesucristoe; jech ich'bil ta muc' chc'ot li Dios Totile.

Filipenses 4:13

Scotol xu' cu'un ta sventa Cristo, yu'un ja' chiyac'bun jtsatsal.

Colosenses 2:9

Yu'un li Cristoe yich'ojbe scotol c'u x'elan stalel li Diose.

Apocalipsis 15:3

Te la sq'uejintaic li q'ueoj yu'un Moisés ta vo'onee, ja' li yajtunel Diose, xchi'uc li q'ueoj yu'un Ch'ium Chije, jech laj yalic: “Cajvaltic Dios, vo'ot ti toj ech'em avu'ele, toj tsotsic, toj labalic sba li avabtele. Puru melel, puru tuc' scotol c'usi chapas, vo'ot ajvalilot yu'un scotol cristianoetic ta jujun banamil.

Apocalipsis 19:1

C'alal jech laj quile, ts'acal laj ca'ay tsots chc'opoj epal cristianoetic ta vinajel. Jech chalic: “Coliyal li Diose, yu'un ja' no'ox stuc chcoltavan, ech'em slequilal, ech'em svu'el.

Jueces 5:21

Imesatic batel scotolic yu'un li bevo' Cisone, ja' li poco' bevo' Cisone. ¡Vu'un la jmich'be ta sbe yiq'uic li boch'otic toj tsotsique!