Éxodo 15:16 - Bible in Tzotzil de Chenalhó with Deuterocanon

¹⁶ Muc'ul Dios, ac'o xi'icuc; ac'o c'unibuc yo'ntonic. Ta amuc'ul, ta atsatsaluc ac'o macuc yeic jech chac c'u cha'al tonetic, ja' to ti me ijelovic batel li jteclum avu'une, ja' li ateclumal ti laj acolta loq'uel tale.

Bible in Tzotzil de Chamula

¹⁶ Tey xa c'alaluc un, Cajval, ac'o xi'icuc, u'ninaticuc yu'un ti xi'el ta j'ech'ele. Ta sventa ti smuc'ul stsatsal ti avoc ac'obe, altsanbilicuc ti jeche' lamalic jech c'u cha'al ti tonetique, ja' to ti mi jelavic batel ti avalab anich'nab ti ja' jun jteclum ti laj abis ta avu'une.

Éxodo 15:16 Iomraidhean Croise

Génesis 35:5

C'alal iloq'uic batele, li Diose laj yac' xi'icuc li yajval lumetic ti te no'ox nopol oyique, jech mu'yuc xbat snutsic ta be li xnich'nabtac Jacobe.

2 Samuel 7:23

Li israeletic, ja' li jteclum avu'une, ja' no'ox stuc jech jun muc'ta lum li' ta banamil. Vo'ot laj acolta, jech ja' ateclumal ic'otic o. Vo'ot laj avac' pucuc batel sc'oplalic, yu'un ep laj avac' ta ilel amuc'ul atsatsal ta stojolic. Ta sventa ti lec ac'anoj li jteclum avu'une, jech laj acolta loq'uel tal ta Egipto, xchi'uc ta stojol yantic lumetic, xchi'uc ta stojol diosetic yu'unic li yantic lumetique.

Salmos 105:38

C'alal iloq'uic batele, xcuxet no'ox yo'nton li egiptoetique, yu'un toj ep xi'elal cha'yic.

Salmos 74:2

Na'o me li jteclum avu'un ti laj ono'ox apoj tal ta vo'onee, xchi'uc ti laj ono'ox acolta tal ta sventa chavu'unin oe. Jech noxtoc na'o me li vits Sión ti bu lanaquie.

Salmos 89:14

Li snacleb achotlebe ja' li stuq'uil avo'ntone xchi'uc li tuq'uil chapanel avu'une. Li c'uxubinel xchi'uc li c'usitic melel avu'une ba'yucbe chbat ta stuq'uil asat scotol.

Éxodo 11:7

Yan te yo' bu nacal li israeletique, mu'yuc svocolic; me jcotuc ts'i' mu'yuc xvojvun tsti' cristiano, o me chonbolom. Jech chana'ic ti mu'yuc coltabilic yu'un Muc'ul Dios li egiptoetic, jech chac c'u cha'al coltabilic li israeletique.

Éxodo 15:13

Ta slequil avo'nton chatojobtas batel li ateclumal laj apoj loq'uel tale. Ta avu'el atsatsal chavic' batel ta ch'ulna avu'un.

Éxodo 15:5

Its'untsajic yalel c'alal ta chac nab jech chac c'u cha'al tonetic; te imucatic o yu'un li natil nabe.

Éxodo 15:6

Muc'ul Dios, ta stsatsal svu'el abats'ic'ob laj alilin li avajcontrataque.

Éxodo 18:8

Li Moisese la xcholbe ya'ay smuni' scotol c'usi la spas Muc'ul Dios ta stojol li faraone xchi'uc ta stojol scotol li egiptoetic c'alal la scolta li israeletique. Xchi'uc laj yalbe scotol c'u x'elan svocolic tal ta be xchi'uc ti c'u x'elan icoltaatic yu'un Muc'ul Diose.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 23:20

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Éxodo 23:22

Me ta melel chach'unic, xchi'uc chapasic scotol li c'usi laj calboxuque, ja' cajcontra chc'ot ec li avajcontraique, xchi'uc ta xcac'be svocolic ec li boch'otic chayac'boxuc avocolique.

Éxodo 23:27

“Vo'oxuc ta aventaic ta xcac' batel tsots jxi'elal ta buyuc no'ox. Scotol cristiano ta xi' avu'unic ti buyuc no'ox banamilal chajelovic batele. Ta xcac' jatovicuc batel avu'unic li avajcontraique.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Isaías 51:10

Vo'ot ono'ox laj ataquijes li nabe; vo'ot laj avules li natil nabe; vo'ot laj ajam lec be ta o'lol li natil nabe, yu'un jech ijelovic tal li boch'otic laj apoj tale.

Isaías 63:12

xchi'uc ti ta svu'el stsatsal la xchi'in ta yalel muyele, ti la svoc' li muc'ta nab ta stojol steclumal, yu'un jech ac'o yich' albel slequilal sbatel osile.

Jeremías 31:11

Yu'un li Muc'ul Diose ta scoltabe li smomnich'nab Jacobe; ta spoj loq'uel ta sc'ob li jun lum ti toj tsots xu' yu'une.

Ezequiel 16:8

‘Ts'acal lijelov yan velta ta ats'el, la jq'uelot; laj quil ti ja' xa yorail chamalije. Te lic jlambot jnatil c'u', la jmacot lec. Te lic jam que ta atojol, lic jchaptic ti chacu'uninot o, vu'un li Muc'ul Diosune.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

Deuteronomio 11:25

Mu'yuc boch'o xu' chastsaloxuc, yu'un li Muc'ul Dios cu'untique ja' chac'be tal muc'tic xi'el ta stojolic ti butic chajelovic batel jech chac c'u cha'al yaloj ono'oxe.

Deuteronomio 2:25

Tana ta xcac' ti chlic xi'icuc avu'unic scotol li cristianoetic li' ta banamile. C'alal cha'yic ac'oplalique ta xlic nicuc yo'ntonic ta xi'el’, xi li Muc'ul Diose.

Deuteronomio 2:4

Jech xavalbe ya'yic scotol li achi'iltaque: Batanic, te xajelovic batel ta yosilal li smomnich'nabtac Esaue, ja' ti jun amoltot achi'uquic ta vo'one, ti te nacalic ta Seire. Pero li stuquique ta xi' avu'unic, ja' yu'un li vo'oxuque lecuc me avo'ntonic.

Deuteronomio 32:6

¿Me ja' stojol Muc'ul Dios chc'ot avu'unic ti jech chapasique? Bol cristianoetic, mu'yuc c'usi xana'ic snopel. ¿Me mu ja'uc Atotic? ¿Me mu ja'uc la spasoxuc? Ja' la spasoxuc, xchi'uc ja' laj yac' acuxlejalic.

Deuteronomio 32:9

Yu'un li c'usi ja' yu'un Muc'ul Dios ja' li boch'o t'ujbilic yu'une, ja' li smomnich'nabtac Jacobe.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

Josué 2:9

—Ta jna' ti yac'ojboxuc xa ta ac'obic Muc'ul Dios li osil li'i. Jech scotol li jchi'iltaque ta xi'ic avu'unic. Scotol li yajvaltac banamil li'i toj ep xi'el cha'yic scotolic.

Josué 4:24

Jech scotol cristianoetic ta banamil tsna'ic ti toj ech'em stsatsal li Muc'ul Diose, yu'un jech ac'o avich'ic o ta muc' scotol c'ac'al li Muc'ul Dios cu'untique”, xi li Josuee.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

2 Pedro 2:1

Pero oy ono'ox ilic jlo'lavanej j'alc'opetic ta stojol li israeletique. Ja' jech ta xlic jlo'lavanej jchanubtasvanejetic ta atojolic ec li vo'oxuque. Ja' ta xchanubtasvanic ta sventa li c'usi mu meleluc ti ja' sventa ch'ayele. Ja' ta scomtsanic li Yajvalic ti ja' itojbunuc smulique. Ti jech tspasique, jech ta xich'ic ta ora li stojol smulique.

1 Samuel 2:9

Ja' chchabi batel ta jujujet yacan li boch'otic tuc' yo'ntonique; yan li boch'otic chopolique chch'ayic batel ta ic' osil, yu'un mu'yuc boch'o xu' tstsal ta stsatsal stuc.

1 Samuel 25:37

Ta yoc'omal c'alal cuxem xa'ox yo'nton li Nabale, li Abigaile laj yalbe ta jamal smalal li c'usi ic'ot ta pasele. C'alal laj ya'ay li Nabale, toj chamel no'ox ic'ot li sbec'tale, jech aluben icom o.