Éxodo 15:15 - Bible in Tzotzil de Chenalhó with Deuterocanon

¹⁵ Li banquilal soldadoetic yu'un Edome jeche' xa chcomic o; li banquilaletic yu'un moabetique chniquic ta xi'el, xchi'uc ta xlaj stsatsal yo'ntonic li canaanetique.

Bible in Tzotzil de Chamula

¹⁵ Ti banquilal soldadoetic yu'un ti Edome mu xa xchi'ucuc xch'ulel ta xa'iic; ti banquilaletic yu'un ti moabitaetique ta xniquic ta xi'el; ti cananeoetique, scotolic, nom c'ot yu'unic ti jelavem xu' yu'unique.

Éxodo 15:15 Iomraidhean Croise

Génesis 36:15

Li banquilaletic yu'unic smomnich'nabtac Esaue ja' li'i: Li smomnich'nabtac Elifaz, ja' li banquilal xnich'on Esaue, ja' banquilaletic ic'ot yu'unic li Temán, Omar, Zefo, Cenaz,

Génesis 36:16

Coré, Gatam, xchi'uc Amaleque. Le'e ja' banquilaletic yu'unic li smomnich'nabtac Elifaz te ta Edom banamile. Ja' syal'alabtac li Adae.

Génesis 36:40

Li'i ja' sbitac ta jujuchopic xchi'uc ta jujubej snaic xchi'uc sbi slumalic bu inaquiic li smomnich'nabtac Esaue: Timna, Alva, Jetet,

2 Samuel 17:10

Li avinictac ti lec xu' yu'unique xu' chlaj stsatsal yo'ntonic o ta j'ech'el, ac'o me lec to'ox tsots yo'ntonic jech chac c'u cha'al león. Yu'un scotol jchi'iltactic sna'ic ti toj tsots yo'nton li atote, xchi'uc ti jech tsatsuben yo'ntonic ec li svinictaque.

Salmos 48:5

Pero c'alal laj yilic li lume, ich'ay yo'ntonic; mu'yuc xa jun yo'ntonic, jech ijatovic batel ta anil.

Salmos 68:2

Ta sacch'ayic batel jech chac c'u cha'al ch'ayil; ta x'ulic jech chac c'u cha'al chab ti ch-ul ta c'oq'ue. Li boch'otic chopolique j'ech'el ch'ayemic o ta stojol Dios.

Isaías 13:7

Ja' yu'un scotol li cristianoetique toj alubel chc'ot sc'ob scotolic, mu'yuc stsatsal yo'nton chcomic o.

Isaías 19:1

Laj yich' albel sc'oplal c'usi chc'ot ta pasel ta stojol li Egiptoe: Q'uelavilic, li Muc'ul Diose cajal ta jun toc ti anil chanove, ta x'och batel ta Egipto. Li sloc'obaltac sdiosic ta Egiptoe xt'elajetic ta xi'el ya'yel ta stojol li Muc'ul Diose; li egiptoetique ch-alub yo'ntonic ta scoj xi'el.

Jeremías 49:23

Lo'il sventa Damasco: “Li lumetic ta Hamat xchi'uc ta Arfade mu xa sna' c'usi tspasic yu'un laj ya'yic chopol a'yej. Toj ep ta xniquic ta xi'el, jech chac c'u cha'al nab ti mu stac' pajesele.

Ezequiel 21:7

C'alal me jech chasjac'boxuque: ‘¿C'u yu'un ti ep cha'oq'ue?’, me xayutoxuque, jech xatac'beic: ‘Yu'un laj ca'ay ti oy c'usi tsots chc'ot ta pasele. C'alal me la sta yoraile, scotol cristiano ta xc'unib yo'ntonic, ta xat yo'ntonic, ta x'alub yoc sc'obic. Jutuc xa sc'an xc'ot ta pasel, yu'un jech laj yal stuc li Muc'ul Diose’, uto”, xiyutun.

Nahúm 2:10

Jeche' xch'ijan, xocol chcom o, yavnaijem chcom o li lum Ninivee; ta xbat xch'ulelic ta xi'el, ta xnic yacanic, ta x'alubic, ta saclich'tajic.

Habacuc 3:6

Chva'i, tsniques li banamile. C'alal tsq'uel osile, ta xnic li jujun banamile. Li muc'tic vits ti te ono'ox oy tal ta vo'onee chlilij scotol. Li stselejtic ti te ono'ox tselajtic oe ta x'ulan scotol. Yan li c'usitic tspas Diose mu sna' xlaj sc'oplal.

Habacuc 3:7

Li cristianoetic ta Cusane toj abul sbaic laj quil; li jnaclumetic ta Madiane chniquic ta xi'el.

Deuteronomio 2:4

Jech xavalbe ya'yic scotol li achi'iltaque: Batanic, te xajelovic batel ta yosilal li smomnich'nabtac Esaue, ja' ti jun amoltot achi'uquic ta vo'one, ti te nacalic ta Seire. Pero li stuquique ta xi' avu'unic, ja' yu'un li vo'oxuque lecuc me avo'ntonic.

Deuteronomio 20:8

“Li banquilaletique ts'acal jech ac'o yalbeic yan velta li soldadoetique: ‘Me oy boch'o junucal oy xi'el cha'ye, xchi'uc ti mu'yuc stsatsal yo'nton cha'ye, ja' lec ac'o sutuc batel ta sna yu'un jech mu xotesbe xi'el ta yo'ntonic li yantic xchi'iltaque’, ac'o yutic.

Josué 14:8

Li yantic jchi'iltac ti ay xchi'inicune ja' no'ox c'ot xchibajesbeic yo'nton li yantic jchi'iltactique. Pero li vu'une j'ech'el la jch'un o li Muc'ul Dios cu'untique.

Josué 2:11

C'alal laj ca'icutique, bats'i ep chixi'cutic avu'unic yu'un laj ca'icutic ti mu'yuc boch'o xu' chastsaloxuque. Yu'un li Muc'ul Diose, ja' li Dios avu'unique, ja' Dios yu'un li vinajele xchi'uc li banamile.

Josué 2:24

Jech laj yalbeic: “Li Muc'ul Diose yac'ojbutic xa ta jc'obtic li banamile. Scotol li yajvaltac banamil tee solel chchamic xa ta xi'el cu'untic”, xutic c'otel.

Josué 2:9

—Ta jna' ti yac'ojboxuc xa ta ac'obic Muc'ul Dios li osil li'i. Jech scotol li jchi'iltaque ta xi'ic avu'unic. Scotol li yajvaltac banamil li'i toj ep xi'el cha'yic scotolic.

Josué 5:1

Scotol li ajvaliletic yu'un amorretic te nacajtic ta jot uc'um Jordán ta stuq'uil smaleb c'ac'ale xchi'uc li ajvaliletic yu'un canaanetic te nacajtic ta nopol muc'ta Nab Mediterraneoe laj ya'yic c'u x'elan la staquijes uc'um Jordán Muc'ul Dios ti c'alal ijelovic li israeletique. C'alal laj ya'yique, bats'i ep ixi'ic; solel mu sc'an stsac sbaic ta pleito xchi'uc li israeletique.

1 Samuel 14:16

Li jchabivanejetic yu'un Saúl ti te oyic ta Gabaa ta yosilal Benjamine laj yilic batel ti bats'i anil chbatic li filistaetique; ta buyuc xa no'ox ibatic ta anil.